رواية أوقعتني في حبها الفصل الرابع 4 - بقلم آية هاني

استني عندك يا شيخنا. ينفع بردوا تكتب كتب كتاب واحدة متجوزة؟ الكل قام بصدمة، وأولهم روز. = متجوزة مين؟ + انتي مين أصلًا؟ _مش فكراني يا بنت عمتي، ما انتي نسيتي نفسك بقا ورايحة تتضحكي على واحد غني بعد ما ضحكتي عليا وخدتي كل فلوسي وهربتي بيها. = فلوس إيه؟ وأنا بنت عمتك إزاي أنا معرفكش. _لينا بيت نتعرف فيه على بعض. قرب منها ومسك إيدها. _يلا قدامي.

مكنش قدامي حل غير إني أمشي معاه، لما ملقتش أي رد فعل من آدم أو مهران بيه. مشيت وأنا تايهة، مش عارفة أي حاجة. معرفش مين الشخص دا، وأنا فعلًا بنت عمته ولا بيكذب عليا. آدم بعصبية وغضب: بقا تضحكي عليا يا كلبة الفلوس، جاية تاخدي فلوسي؟ خرج لباباه. _مش دي اللي بتقول غلبانة وطيبة؟ دي اللي ضحكت عليك وخلتك تدخلها بيتنا، وكنت هتجوزهالي، كانت عاملة نفسها بريئة. = آدم ممكن تهدى. انت غبي ولا إيه؟ دي كان واضح أوي إنها متعرفوش.

_إزاي يا بابا متعرفوش؟ إزاي دي أكيد خطة وعاملينها سوا علشان يضحكوا عليا، ومفكرين إني كنت هدافع عنها وأقول إني هتجوزها. = آدم، حياة روز في خطر. أنا مش مطمن للولد دا، انت لازم تاخد رجالتك وتروح تشوف خدها فين. مشي آدم بسرعة لإنه حس بإنها فعلًا في خطر. _انت وقفت هنا ليه؟ = علشان أوريك أبوكي، اللي كلها ثواني ويموت. ضحك بشر كدا. _بابا! هيموت ليه؟ هو فين؟ وديني له بسرعة. = امشي قدامي.

نزلت من العربية ومشيت، بس كنت مستغربة المكان جدًا. كان عبارة عن صحرا وفيها خيمة. جريت بسرعة على الخيمة، بس الغريب مكنش فيه حد خالص غير الشخص اللي بيقول إني أبقى بنت عمته. دخلت الخيمة بسرعة، واتصدمت لإني ملقتش فيها حد. _كنتي مفكرة إني مش هعرف أوصلك؟ بصيت ورايا له وقولت بخوف: بابا فين؟ = بابا الله يرحمه، قتلته وخلاص واتدفن. انتي بقا اللي عليكي الدور، بس الأول لازم... بص لجسمها برغبة.

روز بعد ما فهمت قصده رجعت لآخر الخيمة. _انت هتعمل إيه؟ ابعد عني. قرب الشخص دا: ابعد ليه؟ فيه حد يبعد عن روز أحمد؟ _طب انت عايز مني إيه؟ أنا عملتلك إيه؟ = فاكرة سمير ممدوح اللي ضربتيه بالقلم في الجامعة؟ وأبوكي اللي بعدها راح طردني من الجامعة وقت ما كان مدير الجامعة. _بس... انت انت اللي غلطت في الأول. أنا مضربتكش لوحدي. = مش مشكلة، جه الوقت وهاخد حقي منك.

راح ماسك البلوزة بتاعتها وشقها نصين. ولسه هيبوسها، ولقى عصاية نزلت على راسه. وقع بعدها محسش بحاجة. _بسرعة يا آدم، أنا حاسس إن روز في خطر. أنا عرفت مكانها. = حاضر يا بابا، اهدي. أنا رايح أهو. وصل آدم هو وباباه للمكان اللي روز فيه. ودخلوا الخيمة، واستغربوا جدًا ملقوش روز، بس لقوا نفس الشاب اللي خد روز وهو غرقان في دمه. _معقولة روز قدرت تفلت منه؟ = أنا بس خايف يكون عمل ليها حاجة يا آدم. _انتي كويسة يا روز؟

= اه، شكراً جداً جداً. انت جيت أنقذتني في الوقت المناسب. _بلاش شكراً دي ولا إيه؟ = حاضر.