رواية أوقعتني في حبها الفصل الثالث 3 - بقلم آية هاني

طلعت أوضتي تاني وقولت أسيبهم يسلموا على بعض، لأنه باين كان مسافر ورجع دلوقتي. " روز اجهزي علشان هاخدك ونروح نشتري فستان كتب الكتاب." مش عارفة أول ما بتيجي السيرة دي بيجيلي مغص في بطني. مردتش عليه وطلعت لبست وأنا متضايقة ونزلت. " يلا ولا هتفضلي باصة ليا كده كتير." " وأبص لك على إيه يعني." وخدت بعضي وخرجت برا. وركبنا العربية ومشي. " بتحبي أغاني إيه." " طيور الجنة." " قاعد مع بنت أخويا وأنا معرفش." " لأ قاعد مع روز."

" اللهم طولك يا روح." " يا رب أحسن مافيش روح خالص." وبعد شوية وصلوا لمكان جميل فيه فساتين. " ده لأ، أنتي اتجننتي." " ليه ما شكله حلو أهو." " والكتف اللي هيبان يبقى حلو." " الأهل وهو كتفي أنا ولا كتفك أنت." " أنتي هتبقي مرات مين." " للأسف يعني هبقى مراتك." " وأنا مرضاش إن مراتي حد يشوف من جسمها حاجة. + هتتعاقبي على للأسف دي." وبعد شوية اختاروا فستان محترم ورجعوا البيت. وطلب من البيوتي سنتر تيجي القصر. الساعة 8:00.

" أنا مش عايزة أتجوزه." " يا حبيبتي والله آدم بيه طيب وهيحبك وأنتي هتحبيه." " يا دادة مستحيل أنا بكرهه مش بطيق أشوفه هحبه إزاي." " لو رفضتي دلوقتي هتشوفي وش تاني له، أنتي متعرفيش أما بيبقى متعصب بيبقى عامل إزاي." دخل آدم عليهم بغضب. " هي مش هترفض علشان لو رفضتي هقتلك." " ابعد عني مش هتجوزك." آدم قرب منها. " هتجوزيني يعني هتجوزيني." " هقول للمأذون إني مش موافقة." " هيكتب الكتاب برضه." " آدم ابعد عني أنا بكرهك."

فضل يقرب ودادة عايدة خرجت وروز طلعت على السرير. " مش هتعرفي تهربي مني يا روز." وبيمسك إيدها راحت واقعة على السرير وهو جنبها. " آدم ابعد عني." وف ثانية كان شالها على إيده ونزل تحت. " نزلني يا آدم الكل بيبص علينا." " ما يبصوا، فيه حد له حاجة عندنا." ودخل الصالون ونزلها. " يلا يا شيخنا اكتب الكتاب." " حاضر يا آدم بيه." وبدأ المأذون يكتب الكتاب. " موافقة يا روز هانم على جوازك من آدم بيه مهران."

روز بصت لآدم ونفسها تقول لأ مش موافقة. " موافقة يا بنتي." وف ثانية كان فيه ضرب نار في المكان. " استني عندك يا شيخنا."