رواية أوقعتني في حبها الفصل السادس والعشرون 26 - بقلم آية هاني

يلا امضي يا آدم. آدم بص ناحية الباب وقالها: حاضر. وقف شوية وهوب دخلت الشرطة. "نزلوا سلاحكوا." ندي أطلقت رصاصة وجت في دراع آدم. "آه." "امسكوهااا." وفعلاً مسكوها هي وماجد وخدوهم السجن. "خليكي هنا يا روز." "لا أنا هاجي معاك يا آدم." "آسر هيجي معايا، ارتاحي انتي." "لا هاجي." وراحت معاه. نروح لأحمد اللي وصل القصر ومكنش فيه حد. "مفيش حد في القصر، حضرتك عايز حاجة؟ "أنا أخو روز." "أهلاً يا باشا نورتنا، بس هي مش هنا والله."

"أومال فين؟ "هي راحت هي وآدم بيه المستشفى." "ليه هي فيها حاجة؟ "لا يا باشا، دا آدم بيه هو اللي اتصاب." "ليه حصل إيه؟ عم حسن قعد يحكيله. وهو قاعد معاه شاف البنت تاني بتاعة المواصلات. "هي مين البنت دي يا عم حسن؟ "دي إيمان بنت عبد الغفور اللي جمبنا." "اممم." قام من جمب عم حسن وراح لها. "السلسلة بتاعتك أهي يا تايهة." "سبحانة! مش بقولك انت حرامي؟ سرقت الفلوس والسلسلة، أنا هبلغ البوليس، يا بوليس يا شاوييش."

"ششش هتفضحيني. وبعدين حرامي إيه؟ هو فيه حرامي بيرجع الحاجة المسروقة لأصحابها؟ "آه لما يكون حرامي شريف." "أوووف غوري يابت، انتي كتك نيلة عليكي وع اليوم اللي شوفتك فيه." "دا أنا بيطلبوني كده، بيقولولي عايزين نشوفك حالاً." "هما مين دول؟ "صحابي." "هتلاقي بتكوني عاملة مصيبة ولا حاجة." "لا للمصلحة." "مش بقولك يعني مش بيطيقوكي." إيمان اختفت ابتسامتها وبدأت تتكون الدموع في عيونها، بس بتداريها. أحمد لاحظ الدموع في عيونها.

"يا آنسة يا آنسة." إيمان لفت وشها الناحية التانية ومشيت. أحمد راح وراها. "يا آنسة." إيمان بعد ما مسحت دموعها ورجعت لطبيعتها تاني، أو بتحاول تكون طبيعية قدامه. "نعم." "كنتي بتعيطي ليه؟ "أنا لا مش بعيط." "متكدبيش، دموعك كانت باينة في عيونك." "مكنتش بعيط، هعيط ليه يعني." "تمام براحتك." "أنا همشي أنا بقى، شكراً على الفلوس والسلسلة، وأسفة إني قولتلك يا حرامي." ومشيت بسرعة.

أحمد اتشد لها أوي، أعجب بيها يعني، ومشي وراها علشان يعرف بيتها. "آدم." "إيه يا حبيبتي." "بص يا آدم، أنا ناوية أعترفلك بكل حاجة، عارفة إن الوقت مش مناسب ولا الظروف، بس مش هقدر أخبي عليك أكتر من كده." آدم قلق. "طب احكي يا حبيبتي." "بص يا آدم أنا... يعني مينفعش أكمل حياتي مع حد."