رواية اوقعتني في حبها بشده الفصل العاشر 10 - بقلم دنيا فادي

فارس بعلو الصوت: أييييي عمرو عملل حااادث. ريتال بخضه: حاااادثهههه! شمس: طب اقفلي اقفلي افهم وأكلمك. *** مروان: هو إنتي مش هتتجوزي عمو عمرو؟ قمر بإستغراب: وإنت ياشبر ونص عرفت منين؟ مروان بمجادله: ملكيش دعوه. قمر بشهقه: ييييه! أنا بتقولي مليش دعوه!! ماشي يا مروان أبقى شوف مين هيلعب معاك. مروان: خلاص أنا آسف، بس كملي معايا الدور ده هخسر. قمر: أنا اللي هخسر، مش بعرف في الألعاب دي. مروان بضحك: إنتي مش بتكسبي طول عمري.

قمر: سيبنالك اللعب يا أستاذ محمد صلاح أنتم. مروان: خلاص هبقى أعلمك وتبقي تلعبي زيه. *** ريتال وتكلم نفسها: يارب! إيه المصايب اللي بتتحدف عليا دي. مبقتش عارفة هو إنسان كويس ولا وحش. ولي قلقانة كده؟ وهو كان السبب في الحادثة اللي عملتها. وتفتكر الكلام اللي عادل قالها لها. ريتال بعصبيه: ياااربيييي بقااااا! إيه اللغبطة دي. وأنا لي ملغبطة نفسي بجد!! حتى يعني لو كان حصل له حاجة مكنش من بقيت أهلي عشان أقلق كده. ***

رأفت: إيه بس اللي حصلك يا ابني؟ ما إنت كنت خارج من البيت كويس. فارس: معلش يا عمو، هو إن شاء الله هيكون كويس. رأفت: يارب. *** حور بتخبط بإيديها بكل غضب على المكتب. حور: إنتي إزاي تسمحي لنفسك إنك تقربي لحاجة متخصكيش. شمس بعدم فهم: أفندم!! مش فاهمة قصدك. حور بثقه: لا إنتي فاهمة قصدي كويس، وشغل العبط ده ميتعملش عليا تمام. شمس: عبط إيه؟ إنتي مجنونة ولا مبتفهميش ولا إيه بالظبط؟

حور: تمام، هجيلك دوغري، فارس يخصني، وإنتي بتقربي ليه. شمس: بصي يا حلوة، أنا مبقربش لحد. حور: والله!! أومال ركبتي معاه لي امبارح؟ شمس: ابقي اسأليه. *** ندي: تقدروا تدخلوا يا أستاذ، هو فاق. رأفت بقلق: إنت كويس يا ابني؟ عمرو بألام: أنا كويس يا بابا. رأفت بندم: إيه اللي حصلك؟ ما إنت كنت كويس. عمرو ويفتكر اللي حصل. فلاش باك. فاتن: تمام، أنا وفقت إنك تتجوز واحدة غير قمر، بس أنا اللي أختارها.

عمرو: بس يا ماما أنا الليِ هتجوز مش إنت. فاتن: طيب ماشي، إنت اللي هتختارها. عمرو بفرحه وتقاطع: فاتن: بس تكون في مستوايا. عمرو: بس ده مش فارق معايا أصلا. فاتن: لو مش فارق معاك سمعة العيلة، فا هي فارقة معايا أنا، وهو يا كده يا تتجوز اللي اختارهالك أنا. عمرو: يا ماما اسمعيني بس، مالها السمعة بالمستوى. فاتن: شكلنا قدام الناس، ولما الصحافة تعرف هتنشر الخبر في الجرايد ومش هنخلص. عمرو: صدقيني مش هاممني.

فاتن: اسمع يا عمرو، أنا قولت اللي عندي ومش هغير كلمة من اللي قولتها. عمرو بعصبيه: أنا نفسي أفهم لييي بتفكرييي بالشكل دهه؟ ليي كل حاجة إنتي الي بتق.. فاتن بإستغراب: ما تكمل. وقفت كلام لي. عمرو بيخرج من البيت قبل ما يقول كلام يندم عليه. رأفت: استنى يا عمرو،، يااعمرررو. ويبص لفاتن. رأفت بتساؤل: كنتوا بتتكلموا في إيه؟ باك. عمرو بإستيعاب: ها. رأفت: إيه اللي حصلك بعد ما خرجت من البيت؟ قول الظابط سامعك.

عمرو بألام: مفيش حاجة يا بابا، أنا بس فجأة دوخت ومشفتش قدامي وخبطت في حيطة سد وحصل اللي حصل ده. *** ندي: تعالي بسرعة مكان شغل. ريتال: مش قادرة واللهي يا ندي، هبقى أجلك مرة تانية. ندي: مش هينفع مرة تانية خالص، لازم تجيلي دلوقتي. ياله مستنياكي. وتقفل السكة. ريتال: يااا ندي استني بس. يوووه بقا. *** ياسمين: ياله لمي هدومك عشان هنمشي من هنا. قمر بصدمه: هنمشي من هنا؟ نروح فين يا ماما؟ ياسمين: أي حتة، هنروح بيتنا القديم.

قمر: بس إحنا سايبينه من 12 سنة؟ هنرجع دلوقتي!! ياسمين: أيوا، قوليلي سبب يخلينا نقعد هنا دلوقتي!! قمر: إن ده بيتنا بردو، وده البيت اللي كبرت فيه من بعد وفاة بابا الله يرحمه واحنا عايشين هنا، وكبرت وأنا عايشة وسط العيلة دي. صعب أوي إني أسيب عيلتي يا ماما، حتى لو ده حصل، قوليلي هنعيش مع مين!! وإحنا ملناش غيرهم من بعد بابا. ياسمين: خلاص يبنتي لو ده اللي هيريحك. *** قمر: إيه ده؟ إنت بتعيط لي يا مروان؟

مروان ببراءة ودموع: هو إنتي هتمشي من هنا زي ما تيتا قالت؟ قمر بتمسح دموعه: لا ياحبيبي مش همشي، دي تيتا بس متعصبة شوية، متقلقش ياحبيبي مش هسيبك. *** ريتال بزهق: جايباني هنا لي يا ندي؟ ندي بمجادله: هو الموضوع ميهمشكش على رأيك، عمرو عندنا. ريتال: طالما ميهمنيش جايب.. أييي قولتيي إيه؟ عمرو اللي شوفناها عند الشركة اللي شغالة فيها شمس؟ ندي: أيوا. ريتال بجديه: أيوا يعني أعمل إيه؟ مش فاهمة. ندي بضحك: والله!!

طب إيه رأيك بقى إنتي هتموتي وتطمني عليه دلوقتي؟ ريتال: لا لا خالص على فكرة. ندي: طيب عموماً هنشوف. ريتال بفضول: هو حصل له إيه؟ ندي بضحك: واللهِ، اللي حصل له كسر في إيده الشمال وخبطة في الدماغ، بس مفيش خطر يعني. *** عمرو: ريتال!! ويقوم يعدل نفسه. ريتال: لا خليك زي ما إنت، مفيش داعي. عمرو بإبتسامه: جايه تطمني عليا ولا ت.. ريتال بتوتر: لا أنا معرفش إن إنت هنا، أنا بس عرفت بالصدفة.

عمرو بإستغراب: أومال إيه اللي جايبك هنا؟ ريتال: قولتلك صدفة عادية. عمرو بضحك: خلاص خلاص متتعصبيش. ريتال: و الف سلامة. عمرو بحزن: هو إنتي لسه فاكرة إن أنا اللي عملت فيكي كده؟ ريتال: مش عارفة. وتلف ضهرها عشان تمشي. عمرو: طب ممكن نبدأ صفحة جديدة؟ ريتال بإبتسامه: اممم هفكر. وتخرج. *** بعد شهور. رأفت: مفيش فايدة. عمرو بحزن: برضه.

محمود: إنت عارف إن أمك مش هتوافق، بس لما الموضوع يكمل مع الوقت هتتقبل ده، وبعدين دي خطوبة مش جوازة، يعني وأنا وميار ومروان وبابا وقمر هنقوم بالواجب مكانها. قمر: أيوا هو عنده حق، ومتخليش عدم وجودها يعكنن عليك. ميار: طب إيه؟ إحنا كده بنتأخر!! فاتن بعلو الصوت: إيه؟ خلاص مبقتش مهمة كمان؟ مش هتستنوني؟ عمرو بصدمه وفرحه: ماما! إنتي جاية بجد؟ فاتن: لو مش عايز أغير رأيي وأطلع أوضتي عادي. عمرو: لا لا أنا ما صدقت. ***

فاتن بقرف: إيه الشوارع دي؟ إنت متأكد يا ابني إنك بتحبها! راجع نفسك يا حبيبي وتعالَ نمشي من هنا. عمرو بضحك: ياماما خلاص بقى. *** بعد ساعتين. محمود: مبروك يا عريس. رأفت: مبروك يا ابني. سيد: مبروك يا حبايبي. *** فارس: عقبالنا يا جميل. شمس بخجل: احم. فارس: إيه ده؟ إنتي بتتكسفي؟ لا بتهزري. شمس بنظرة حاده: دمك تقيل خد بالك. فارس: وإنتي لسانك طويل يعني لو مخدتيش بالك. شمس: حور. فارس: مالها؟

شمس: ارتبطنا، مش هيبقا رسمي غير لما تحل مشاكلك معاها. فارس: متخافيش، هتصرف. *** مازن ويمد إيده يسلم: مازن. وإنتي؟ قمر وتسلم عليه بإبتسامه: قمر. مازن: اسم على مُسمى. قمر بإحراج: شكراً. مازن: تسمحيلي نتكلم بما إننا إحنا الاتنين واقفين لوحدنا؟ قمر بتفكير: اممم لا. مازن: يبقى هنتكلم. قمر بضحك: لا واللهِ. *** عمرو: أييييييهه؟ لسه مشاعركك متلغبطة اتجاهي؟ ريتال بكذب: لو مش عاجبك ياحبيبي نفضي الخطوبة دي. عمرو: حبيبك!!

ريتال بضحك: أي لا مش قصدي. عمرو بعمق: أنا شكلي هتعب في العلاقة دي. ريتال: مش فدايا ولا إيه؟ عمرو بإبتسامه: فداك الدنيا دي كلها يا جميل. ريتال: قولتلي بتحبيني من امتي!! عمرو بنظرات كلها رومانسية وحب: من أول مرة شوفتك فيها، ساعتها مشوفتش بعدك حقيقي. ريتال بخجل وتهرب من نظراته ليها. عمرو بضحك: لا بصيلي كدهه، أنا مبشوفش عيونك كل يوم.