رواية اوقعتني في حبها بشده الفصل التاسع 9 - بقلم دنيا فادي

بعد ساعه عمرو بضحك: يعني مقفلتيش زي ما قولت؟ ريتال بزعيق: انت ليك عين تيجي هنا ياحيوان، اطلع برا. عمرو بإستغراب: انتي بتكلميني كده ليه؟ ريتال بجمود: والله!! المفروض اكلمك ازاي! وبعدين انت مين عشان اتكلم معاك اصلا؟ عمرو: ريتال في إيه؟ أنا عملت حاجة ضايقتك طيب؟ ريتال في ذهنها: يخربيت الكدب يا أخي. عمرو: ما تردي. ريتال بعصبيه: ارد اقول إيه؟ عمرو: إيه اللي عملته خلاكي تكلميني كده؟

ريتال: متعملش فيها مش عارف والنبي، كفاية لحد هنا. أنا لا أعرفك ولا انت تعرفني اصلا، يعني ملكش كلام معايا، يالا اتفضل. عمرو بجنون: وأنا مش همشي قبل ما أفهم في إيه. ريتال: في إنك إنسان كداب. طلبت تقابلني وحكيتلي عنك وقولتلي قد إيه انت بتعتمد على نفسك. وتبص له بخذلان: وانت اصلا صاحب الشركة مش موظف فيها. وتكمل كلامها: وبعدين بعت واحد ورايا يخبطني بعربية. عمرو بخوف وقلق: إيه! انتي كويسة؟ حصلك حاجة؟ ومين ده اللي بعته؟

أنا مبعتش حد وأنا اصلا ليه أعمل كده؟ ريتال: مهو ده السؤال اللي عايزة أسأله. أنا ما أذيتكش في حاجة عشان تأذيني كده؟ عمرو برجاء: صدقيني والله أنا ما عملت حاجة. طب قوليلي مين اللي قالك الكلام ده؟ ريتال وتبص له بقر*ف: واحد من اللي انت مشغلهم عندك عنده ضمير. عمرو: مين ده اللي مشغله؟ أنا مش مشغل حد ولا أنا صاحب الشركة اصلا. ***

قمر: خلاص بقى يا خالتي، ممكن تنسي الموضوع ده دلوقتي. ولو برضه وافق مش مهم، معنديش مانع. هو أصلا مش بيحبني. لي أجبره عليا؟ فاتن: مش على مزاجكم ومش هنتكلم في الموضوع تاني. قمر بزهق: أوووف. وتقوم من قدامها. *** عمرو: طب اديني فرصة أثبتلك إن مليش دخل باللي حصل ده. ريتال بتحذير: بص أنا معرفكش غير من كام يوم. مش هاممني لو كنت بتكدب أو بتصدق. ولا انت اللي عملت كده ولا لأ. ممكن تسيبني في حالي! واخد وقت من حياتي على الفاضي.

عمرو: هثبتلك إن أنا مش زيك ما انتي قولتي. بس ممكن توصفلي شكل اللي قالك الكلام ده؟ ريتال بتوصف له شكله. *** حور: مجتليش ليه امبارح؟ فارس بعدم فهم: أجلك فين؟ حور: البيت يا فارس. فارس: النبي سيبيني يا حور. أنا الفترة دي متلخبط. حور وتقرب له بحب: عارفة يا حبيبي إنك تعبان. أنا كنت هريحك. فارس بضحك: رخيصة. حور بوقا*حة: ياحبي.. وبيقاطعهم دخول شمس. فارس بيبعد حور. شمس: اتفضل يا أستاذ فارس الملفات اللي طلبتها مني.

وتخرج من المكتب. حور بعصبيه: انت بتطلب منها شغل؟ هو ده اللي قلته لي عليه؟ هو انت مش قلت لي هتخليها تسيب الشركة؟ وانت بتخليها تخلص لك شغل؟ ومين عارف ممكن بكره تتعود عليها وتنساني؟ فارس بزعيق: يا بنتي افهمييييي، أنا بديها شغل أكتر من اللي المفروض تعمله عشان تزهق وتمشي. حور بفهم: آآه، إذا كان كده تمام. *** فاتن: كويس إن حصل كده عشان أشوف هيعمل إيه. عادل: بجد يا فندم؟

أنا افتكرتك هتبهدليني لما تعرفي إن قولتها على الحادثة اللي عملتها إن عمرو لي دخل فيها. فاتن: لا، انت اتصرفت صح. بس هي عملت حادثة إزاي؟ عادل: أنا كنت مراقبها زي ما طلبتي. وهي ماشية عربية خبطتها في رجليها. بس هي كويسة. فاتن: تمام. المهم إن محصلهاش حاجة. وتقفل السكة. عمرو: ماما. فاتن: إيه يا عمرو؟ عمرو بدموع: ليه عملتي كده؟ فاتن وتمسح دموعه: أهدي يا حبيبي، عملت إيه؟ عمرو: انتي عارفة كويس انتي عملتي إيه. طب هي مالها؟

ليه تعملي فيها كده؟ فاتن بعدم فهم: انت بتتكلم على إيه؟ عمرو: أنا عرفت إنك بعتي عادل عشان يخبط ريتال ويقولها إن أنا اللي عملت كده. طب ليه، قوليلي ليه؟ عملتي كده؟ استفدتي إيه لما شوهتي صورتي قدامها؟ هي دلوقتي شايفاني إنسان وح*ش بسببك. فاتن: لا لا، انت فاهم غلط يا حبيبي. الحادثة دي مش مقصودة. أنا مقلتلوش يعمل كده. أنا بس قولته يخليها تبعد عنك. عمرو بعصبيه: ليهيييي يا ماما؟ لو سمحتييي متدخليش في حياتي مممكنن؟

فاتن: يا عمرو يا ابني، أنا خايفة عليك. عمرو: خاااايفة علياااا!!! انتي بتضحكي على نفسك. ماما انتي خايفة على الفلوس مش علينا. خايفة اتجوز واحدة من بره العيلة عشان الفلوس متروحش لحد غريب. و أكيد هتبقى زيها زي أي حد في البيت. وعايزاني اتجوز قمر عشان الفلوس متخرجش برا البيت. شايفة كل هااامك الفلوسس وبس. مش إحنا. فاتن: أهديَ يا عمرو، انت دلوقتي متعصب، يبقى نتكلم لما تهدي.

قمر: عمرو عنده حق يا خالتي. وأنا مش هقبل إني اتجوز عمرو مهما حصل. أنا كنت بحبه زي أخويا بس انتي اللي لعبتي في دماغي وخلتيني أحبه غصب عني. وأنا عمري ما فكرت فيه بالشكل ده ولا حبيته كشريك لحياتي. ديما شايفاه أخويا وبس. لما قولتيلي إن فيه بنت في حياته وممكن يكون بيحبها، أنا فرحت ومزعلتش. واستغربت لو أنا بحبه وعايزاه، ليه فرحت له؟ خالتي أنا وعمرو مش لبعض صدقيني.

عمرو: اهي قالتلك إنها مش عايزاني، سيبيني بقا أشوف حياتي وأختار بنفسي اللي هتكمل معايا حياتي. فاتن بدموع: اعملو اللي يريحكو. ما أنا مبقاش يتسمع كلامي في البيت ده. وتقوم تمشي من قدامهم. قمر: معلش. أنا هبقى أقنعها. روح انت صلح اللي هي عملته وسيب الموضوع ده عليا. *** شمس: يا الله، إيه دول كمان؟ فارس: تعبتي ولا إيه؟ شمس: لا، بس هو مفيش غيري يعني!!! فارس بتكبر: مفيش غيرك اللي أنا بشرف عليه. لو مش عاجبك عادي استقيلي.

شمس بتحدي: لا متخافش مش هستقيل. فارس: انتي حرة. *** ريتال بعصبيه: انتو مجانين بقا دلوقتي جاي تقولي عكس الكلام اللي قولتو؟ هو انتو فاكرني عبيطة وهصدق الكلام ده؟ عادل: الكلام اللي قولتهولك ده محصلش. حد قالي أقولهولك. ريتال بضحك: والله!! وده هيستفيد إيه اللي خلاه يقولك الكلام ده؟ عادل: إنك تكرهي عمرو. ريتال: عمرو عمرو، كل حاجة عمرو! ولا كأنو خطيبي حضرتك. أنا معرفوش أصلا عشان أكرهه ولا أحبه. تمام. *** 12:00 PM

شمس في ذهنها: الوقت اتأخر أوي. أكيد قلقانين عليا بسبب الزفت فارس مديني ملفات قد كده عشان أشتغل عليها وكأني مكنة. فارس: مش عايزة مساعدة؟ شمس: حتى لو محتاجة مش هقبلها منك. فارس: براحتك. بس مفيش مواصلات بتعدي هنا في الوقت ده. شمس ببرود وتشاور على الطريق: تقدر تمشي. فارس بيمشي فعلا بعربيته. شمس: ياربييي، أنا همشي إزاي في الوقت ده وكمان في الضلمة دي. وتمشي والدموع نازلة من عيونها من الخوف. لحد ما وصلت لعربية. فارس: ها!!

تركبي أوصلك؟ شمس في ذهنها: مضطرة أركب. وتركب جنبه. فارس مرة يبص عليها ومرة على الطريق. فارس بإستغراب: انتي كنتي بتعيطي؟ شمس بإستفزاز: وانت مالك؟ فارس: مالي؟ فعلاً، اعمل الخير وارميه في البحر. شمس: بس خلاص، هنزل هنا. فارس: بيتك هنا؟ شمس: وانت.. فارس بيقاطعها: خلاص عرفت الرد. وانت مالك؟ شمس: شاطر. *** بعد ربع ساعة شمس بتوصل البيت. ريتال بقلق: إيه يا شمس كل ده؟ علياء: إيه يا بنتي الشغل اللي لحد دلوقتي؟

شمس بتعب: هقولكم بس أرتاح شوية. _:. في الأوضة. شمس بغمزة: بس أستاذ عمرو كان قلقان عليكي أوي النهارده. مشوفتهوش؟ كان بيسأل عليكي إزاي. ريتال بإستغراب: عليا أنا؟ إزاي؟ شمس بجدية: آآه والله. ريتال: بقولك إيه؟ هو عمرو صاحب الشركة اللي انتي فيها؟ شمس: لا، بس المدير بيحترمه أوي ويتفذلوا اللي عايز. ريتال: إيييييه؟ شمس بإستغراب وضحك: إيه يا بنتي في إيه؟ ريتال بأريحية: مفيش. بس انتي متأكدة؟ شمس: إيه؟

ريتال في ذهنها بندم: يعني هو كان بيقول الحقيقة ومكدبش. *** 10:00 AM الصبح. فارس: مش شكرتيني إن وصلتك يعني؟ شمس ببرود: لو دي اللي هتسكتك، فا شكراً. فارس بتريقة: ومالك يا أختي خلقك ضيق لي؟ لسه ورانا شغل. شمس: إيه؟ ريتال بتسأل: هو عمرو جه الشغل؟ وييجي لفارس اتصال من رقم غريب. شمس بضحك: هو مش كان لا يعنيلك شيء؟ ريتال: أنا بسأل عادي على فكرة. فارس بعلو الصوت: إييييييي! عمرو عملل حااادثه! ريتال بخضة: حاااادثههه!