رواية اوقعتني في حبها بشده الفصل الخامس 5 - بقلم دنيا فادي

عمرو من الصدمة يقوم يقف: إيييييييي ماما إيه اللي انتي بتقوليه ده، بس أنا مش موافق وإنتي عارفة. فاتن: يا حبيبي خلاص كل حاجة جهزت. وتقعدوا مكانكم. فاتن: يالا عشان نقرأ الفاتحة وتلبسوا الدبل. عمرو: بس. فاتن بتقاطعه: مفيش بس، يالا يا عمرو الناس دي كلها جاية عشان تحضر خطوبتك، هيقولوا إيه علينا دلوقتي. ويقرأوا الفاتحة. فاتن بإصرار: عمرو مستني إيه، يالا يا حبايبي البسوا بعض الدبل.

عمرو بيلبسها الدبلة وقلبه وعقله مش مستوعبين، بجد ده بيحصل! عمرو في ذهنه بحزن وعتاب: ليه يا أمي عملتي كده بس، ليه استغليتي إني مش هقدر أرفض وأكسر كلمتك قصاد الناس. قمر بفرحة وتعمل زي ما عمل بالضبط. ريتال: ثواني يا جماعة. مازن: بقولك إيه، أنا اللي جايبها. شمس: وأنا اللي قلت لك تجيبها، هاتي كده يا ريتال عشان ما أغباش عليك. ريتال: وأنا الكبيرة فيكم يعني أنا اللي هقسم بقا. ريتال: ماما.

علياء: الشيكولاتة جت في وقتها، أم أسماء جاية تقعد معايا شوية، جدع يا واد يا مازن، العلبة شكلها شيك، أنقذتني، مكنتش عارفة أقدم لها حلو إيه. مازن بندم: راحت علينا. شمس وترفع صباعها قدام وشه بتهديد: اعمل حسابك على واحدة تانية. مازن ويضربها بالقلم بخفة: ششش، لو كنتي سكتي من الأول كان زمانا مقسمينها. بعد ما خلصوا الخطوبة والناس مشيت. عمرو: أنا وافقت عشانك يا ماما عشان شكلك قدام الناس، بس إحنا هنعتبر إن مفيش حاجة حصلت.

ويخلع الدبلة قدامهم وقدام قمر. قمر بحزن وتكلمها بصوت منخفض: مش قولتلك مش هيوافق. فاتن: إنت بتكسر كلامي يا عمرو. عمرو: أنا آسف يا ماما بس أنا مش موافق، هي بالغصب!!! ويطلع أوضته. ياسمين باستغراب: إنتي مقولتليش إن عمرو رافض إنه يتجوز قمر، ليه!! ياسمين بندم: إيه اللي انتي عملتيه ده يا فاتن، طيب بنتي ذنبها إيه. قمر: أنا عارفة يا ماما إن عمرو مبيحبنيش. ياسمين: إيه عارفة!!

، طالما عارفة إيه اللي خلاكي توافقي على الخطوبة دي يا بنتي، ليه تحطي نفسك في الموقف ده. قمر: عشان بحبه. ياسمين بحزن: بس هو مبيحبكيش يا بنتي، هو ميستاهلكيش. فاتن: ياسمين خدي بنتك طلعيها أوضتها وبكرة نبقى نتكلم. بعد أسبوع. عمرو ويشيل منها التقل اللي كانت شايلاه. ريتال بضحك: لا متقولش المرة دي صدفة برضه. عمرو: بصراحة آه. ريتال بابتسامة ولطف: وطبعًا عايز ورد أحمر كالعادة، عمومًا مجهزاه.

عمرو: لا بصراحة كنت جاي أسألك سؤال محيرني أوي، ده لو مش هيضايقك يعني. ريتال: حتى لو ضايقني أنا هجاوب عشان ساعدتني. عمرو: إنتي ليه كنتي موجودة في الـ night club. ريتال وبتفتكر: آه ده عش... ويقاطعهم مازن. مازن: وحشتيني يا ريرو. ريتال: وإنت كمان يا ميزو. وتكمل بضحك: بس ده هو يوم اللي غايب فيه عن البيت. عمرو بصدمة وعدم فهم بيمشي من المكان.