رواية اوقعتني في حبها بشده الفصل السادس 6 - بقلم دنيا فادي

مازن: وحشتيني يا ريما. ريما: وانت كمان يا ميزو. وتكمل بضحك: بس ده أول يوم اللي غايب فيه عن البيت. عمرو بصدمة وعدم فهم: بيمشي من المكان. مازن: أنا هروح البيت تعبان مش قادر. ريما: ماشي روح انت. وتمشي ريما وتفكر في عمرو: وده مشي لي؟ عمرو في ذهنه: وأنا ليه اتضايقت؟ أنا مالي بيها أصلاً. يعني كنت متوقع إيه من واحدة كانت في نادي ليلي يعني؟ عمرو ويتذكر الجملة اللي هي قالتها. فلاش باك ريما: أوعى إيديك دي، انت اتجننت؟

أنا مش منهم قلت لك، انت أييي مبتفهمش! باك عمرو: أنا يمكن كنت فاكرها غيرهم بجد. ويكمل باستخفاف: أنا مديها مساحة من حياتي ليه أساساً؟ فارس بزعيق: عمروووو! انت بتكلم نفسك؟ عمرو: يخربيتك فزعتني يا أخويا. فارس: هي مين دي اللي مديها مساحة من حياتك؟ عمرو: مفييشش، خلصت اللي قلت لك عليه. فارس: آآه.

قمر بحزن: يا خالتي عمالة تقولي عمرو ليكي، عمرو ليكي ومحصلش أهو، أنا مش فاهمة مبيحبنيش ليه، ده أنا ألف واحد يتمناااني، مش كده يا خالتي؟ فاتن: أيوا يا حبيبتي. 9:00PM بليل ريما في ذهنها: هو ليه مستناش أجاوب؟ طب! ينهار أبيض أكيد فهمني غلط. ريما بجدية: ما يفهم غلط، هو كان حاجة بالنسبة لي يعني! ريما بندم: ياربي، ده أكيد فهمني غلط، كان لازم تيجي في الوقت ده يا مازن. ريما تتذكر أنه كان مديها الكارت بتاعه.

و تجيبه و تنقل رقمه على تليفونها. ريما و تستوعب اللي هتعمل: إيه اللي هعمله دلوقتي ده بقى؟ فوقي يا ريما، هكلمه عشان موقف فاهمه غلط!! لا طبعاً، ما يولع، إلا كرامتي، كرامتي فوق كل شيء. بعد 5 دقايق عمرو: إيه؟ ريما بتوتر: احم، امم أنا ريما. عمرو باستغراب: في مشكلة ولا حاجة؟ ريما: لا لا مفيش حاجة، انت مشيت قبل ما أجاوبك. عمرو بكذب: آآه كان عندي مشكلة بس فاضطريت أمشي.

ريما: امم، أنا كنت موجودة في النادي الليلي مع أختي عشان كان عيد ميلاد صحبتها، دي إجابة السؤال. عمرو: أنا قولت كده برضه. وأنا آسف. ريما باستغراب: آسف ليه؟ عمرو: يمكن فهمتك غلط لـ.. ريما في ذهنها: ينهار أسود، فهمني غلط!!! كنت حاااسة. عمرو يكمل كلامه: لما شفت اللي جه سلم عليكي وهو أكيد خطيبك. ريما باستغراب: خطيبي!! لا لا ده أخويا. عمرو باستيعاب ويبتسم: أخوكي!! ريما: اممم، تمام كده جاوبتك على السؤال. سلام.

عمرو بتسرع: استني. ريما: إيه؟ عمرو: هو أنا ممكن أشوفك؟ ريما بعدم فهم: وده ليه؟ عمرو ويرجع شعره لورا بتفكير: مش عارف. ريما: لما تعرف ويبقى في سبب إنك تشوفني، ساعتها هبقى أشوفك. عمرو ويرمي نفسه على السرير: تمام، هسجل رقمك. عندك مانع؟ ريما تقفل في وشه وتضحك. ريما باستخفاف: تفو على كرامتي بجد. شمس بفرحة وحماس: اتقبلت في الشركة يا ريماااا. ريما: مبروك يا شموس. شمس ببراءة: تفتكري هكمل في الشغل بطول لساني وعصبيتي وعلو صوتي؟

ريما: يا عينيي، إيه يا بت البراءة اللي ظهرت دي؟ شمس بضحك: خايفة بجد، مبقدرش أتحكم فيهم خالص، أنا لو معليتش صوتي وأنا بتكلم أموت، كده أتشل. عمرو: ادخل. قمر: بص بقى، أنا مش هخرج إلا لما تقولي أنا غلطت في إيه. قولت لك كنت فاكراك انت اللي طلبت كده، فوافقت على الخطوبة. عمرو: ماشي. قمر بفرحة: خلاص كده هتكلمني؟ عمرو: لا. قمر ببراءة: يا عمرو بقى، طب تعال ننسى كل حاجة ونبدأ صفحة جديدة، ممكن؟ عمرو: كل حاجة؟ قمر: أيوا.

عمرو: طيب. قمر: طب بما إننا بدأنا صفحة جديدة، إيه رأيك بكرة بعد ما تخلص شغل تيجي معانا أنا ومروان؟ عمرو: لا روحوا انتوا. قمر: عشان خاطر مروان يا عمرو بليززز. عمرو بزهق: طيب، ممكن تخرجي من أوضتي بقى؟ قمر: تمام، بس اعمل حسابك هنعدي عليك بعد ما تخلص شغل. شمس: بصي أنا مجبتش غير طقم واحد بس اللي هروح بيه بكرة عشان أول يوم ليا للشغل.

ريما: وأنا بكرة هروح أشتري هدوم للكلية. بصي بعد ما تخلصي شغلك نروح نجيب هدوم وأجيب ندي معايا. انتي بس ابعتيلي اللوكيشن بعد ما تخلصي. شمس: تمام. 9:00AM الصبح عمرو: اتفضل يا فندم التصميم اللي طلبته. خليل: هايل يا أستاذ عمرو. عمرو: شكراً يا فندم. تؤمر بحاجة؟ خليل: لا يا ابني اتفضل. عمرو: بقولك إيه. فارس: إيه. عمرو: في حد جديد في الشغل، كانوا طلبوا مني أعرفه شغله ونظامه وأديله الملفات دي والحوار ده، انت عارفه طبعاً.

فارس: أيوا، عايز مني إيه؟ عمرو: استلم الموضوع ده مكاني. فارس: ماشي. فارس: غريبة، عمرو قالي واحد مش واحدة. فارس: اتفضلي يا آنسة. شمس: إيه دول؟ فارس: الملفات اللي هتشتغلي عليها. شمس: آآه تمام، ماشية. فارس ويشرح لها النظام وقوانين الشركة. فارس: وإيه التأخير كمان لي خصم؟ شمس بملل: تمام، في حاجة تانية؟ فارس: لا. ويكمل باستغراب: هو أنا شوفتك قبل كده؟ شمس: لا، أكيد بتشبه عليّ. فارس: تمام، هسيبك أنا. وبعد ساعات

عمرو بيخرج من الشركة. ويلاقي قمر ومروان واقفين قدام العربية مستنينه. ويروح يشيل مروان ويهزر معاهم. مروان: عمو عمو. عمرو: حبيب عمو. مروان: خالتو قمر قالتلي إنكم هتخرجوني النهارده، أنا مبسوط أوي يا عمو عشان بحبكم انتوا الاتنين أكتر اتنين في الدنيا عشان بتجيبولي الألعاب اللي أنا عايزها كلها. عمرو: وأنا كمان بحبك وهجيب لك اللي عايزو يا حبي.. ويتصدم لما يشوف ريما جايه ناحيته.