رواية اوقعتني في حبها الفصل الثالث والعشرون 23 - بقلم اسراء محمود

عند عشق قربت تخلص الامتحانات وهتبتدي تجهز حاجات كتب الكتاب. عشق روحت البيت وبتفتح الباب سمعت مراد بيكلم مع سهام. مراد: إيه يا سوسو مش بتسألي عني؟ ينفع كده؟ لا أنا زعلان، لا بجد أنا زعلان. سهام: معلش يا حبيبي، والله بطمن عليك من عشق. مراد: لا ماينفعش كده يا سوسو، المفروض تتصلي عليا وتطمنيني عليا بنفسك. سهام: خلاص بقى يا حبيبي، المرة اللي جاية. عشق: سلام عليكم. مراد: وعليكم السلام. سهام: كويس إنك جيتي، هحضر بقى الغداء.

مراد: ماشي يا سوسو. بعد ما سهام مشيت، مراد قعد هو وعشق. مراد بحب: حبيبتي عاملة إيه في الامتحانات؟ عشق بكسوف: الحمد لله، إن شاء الله أطلع الأولى على الدفعة السنة دي. مراد بمشاكسة: أيوة بقى، علشان نِتجوز، أصلي بالمنظر ده هعنس. عشق: حبيبي، إنت معنس من زمان. مراد وهو يصطنع الزعل: يعني إنتي شايفاني عجوز؟ يعني أنا أكبر منك بكتير؟ عشق: لا طبعًا، مفيش فرق. وبعدين فيه واحد يبقى كبير وعجوز ويبقى مززز كده؟

مراد: نعم، إنتي قولتي إيه؟ عشق بكسوف: مقلتش حاجة. مراد: لا قولتي إني مززز. كفاية إني في نظرك كده. دخل عليهم أحمد. أحمد: إقْفُش! بتعمل إيه في أختي يا سيد مراد؟ اتمسكت ولازم تصلح غلطتك. مراد: غلطت في إيه؟ أحمد: غلطتك، أوعى تنكر. أنا مسكتك متلبس. عشق: إيه يا هبل؟ عشت في دور أوي. مراد: جدًا. سهام: يلا يا ولاد علشان ورق العنب هيبرد. مراد: أيوة بقى ورق عنب علشان أغظ الواد ده. سهام: تعالي يا حبيبي اقعد جمب عشق.

مراد: ده أكيد يا سوسو، من غير ما تقولي. وراح قعد جمبها. أحمد: اقعد الناحية التانية في وشه. أحمد: سوسو فين؟ سهام: هتتأخر النهاردة، عندها محاضرات بعد الامتحان. أحمد: أحسن كده البيت هادي. مراد أول ما قعد مسك إيد عشق، فاعشق اتنفضت. مراد وهو يهمس: أهدي، الله يخربيتك، هتفضحينا. عشق بنفس الهمس: ما إنت اللي بتعمل حاجات متنفعش. سهام قطعتهم: بتقول حاجة يا مراد؟ مراد: بقول تسلم إيدك على الأكل يا سوسو، الأكل تحفة.

سهام: تسلم يا حبيبي. ورجع تاني مراد مسك عشق من إيديها. عشق وشها احمر من الكسوف: مراد، سيب إيدي. مراد: أبدًا، ده أنا لما صدقت. عشق: سيب إيدي علشان أكل. مراد: أبدًا، خلاص بأكلك أنا. عشق بكسوف: لا. أحمد بخبث: مالك يا عشق؟ مابتأكليش ليه؟ عشق بتوتر: مش جعانة. أحمد بخبث: وفي إيه؟ عمالة تقوليه لمراد؟ عشق بتوتر: مفيش، أنا شبعت. وراحت جت تقوم لقت مراد لسه ماسك في إيديها. عشق: مراد، سيب إيدي علشان أقوم.

مراد: لما أخلص أكل أبقى أسيب إيدك. أحمد بخبث: مالك؟ قعدتي تاني ليه؟ عشق: أصلي جعت تاني. أحمد: طب كُلي. ساعتها مراد ساب إيديها، فاعشق استغلت الفرصة وافترست الأكل. أحمد: يا عيني، كنتي جعانة لدرجة دي؟ عشق وهي تبلع بصعوبة: جدًا. مراد كان قاعد بيضحك على شكلها. عشق ضربته في دراعه: بس يا بارد. مراد: خلاص، أهو بطلت. بعد شوية مراد استأذن ومشي، كانت عشق بتوصله لحد الباب.

مراد بحب: سلام يا روح قلبي، لو عليا مكنتش عايز أسيبك، بس أعمل إيه؟ عشق: وأنا كمان مش عايزة أسيبك، حاسة إن الحاجات دي مش هتتكرر تاني. مراد: ليه يا حبيبتي؟ إحنا هنفضل مع بعض على طول إن شاء الله، ومش هيفرقنا غير الموت. عشق: بس بلاش السيرة دي، فاهم؟ مراد: فاهم يا فندم. يلا سلام. عشق: سلام. مراد نزل درجتين. مراد: عشقااااه. عشق بصتله. مراد جرى عليها وباسها من خدها ونزل يجري قبل ما تهزق.

عشق اتكسفت أوي وحست إن نار بتطلع من خدها ودخلت وقْفَلَت الباب. عند منه في الجامعة. منه قاعدة مع رنا ورنا شكلها زعلانة وحزينة. منه: مالك يا رنا؟ رنا: مفيش حاجة. منه: لا فيه. رنا بدموع: هو أنا ليه بيحصلي كده؟ منه: حصل إيه؟ فهميني. رنا بدموع: يعني أخوكي محكلكيش؟ منه: لا، حكالي، بس أحمد بجد بيحبك. رنا بدموع وعصبية: بيحبني إزاي؟ شافني هما مرتين تلاتة لحق يحبني؟

وضحكت بسخرية. إذا اللي كنت بحبه عمري كله طلع ندل وحيوان، عايزاني أصدق إن الحب هيجي بسرعة كده؟ منه: أيوة، فيه حب بيجي من أول مرة، مش كلهم زي بعض. انسِي اللي فات وخليكي في دلوقتي. رنا بدموع: مش قادرة ومش عارفة. منه قامت وقربت منها ومسحت دموعها: اسألي ده، وإنتي تعرفي. وكانت منه بتشاورلها على قلبها ومشيت وسابتها. عند أحمد وعشق في البيت. أحمد خبط على أوضة عشق. عشق: ادخلي. أحمد: ممكن أكلم معاكي يا أختي يا حبيبتي.

عشق ابتسمت: طبعًا، جي عايز حاجة؟ قولي. أحمد بتوتر: بصي، هو فيه واحدة بحبها وتكون صاحبة منه و.... حكالها كل حاجة. عشق: لو إنت بتحبها، خليك متمسك بيها. على فكرة هي كمان بتحبك بس بتكابر، فهماني؟ أحمد: فاهمك، وأديني صابر. عشق: طب كنت عايز إيه بقى؟ أحمد بتوتر: بصي، أصل منه كانت عاملة خطة..... واحكاله على اللي حصل بينه وبين منه. عشق بدهشة: تفكير زبالة بجد من منه، مع إن الموضوع اتعمل كذا مرة، بس هينفع.

أحمد: يعني إنتي موافقة؟ عشق: أكيد، إنت أخويا حبيبي، أكيد هساعدك. استوب. فلاش باك صغير. منه وأحمد وهما في الأوضة. منه: هقولك على خطة هتخلي رنا بنفسها تيجي وتقولك بحبك. أحمد: قول لي بسرعة.

منه: بس يا سيدي، إنت تروح تتفق مع عشق إنها هتروح معاك الجامعة عندي وتيجي تقول ورنا قاعدة إن عشق حبيبتك وكده، وإنك أول ما تخلص هتروح تخطبها. وغير كده، أنا وعشق في نفس الجامعة، فعادي يعني. وعشق لو تدلع حبة يبقى حلو أوي، بس أهم حاجة عشق توافق. أحمد: وهي ممكن ترفض؟ منه: عشق بيصعب عليها أي بنت، فممكن متوافقش. أحمد: بس إنتي يا بومة، إن شاء الله هتوافق. منه: أنا بومة؟ ماهي أختك اللي بتحبها أوي.

أحمد: بس الصراحة، رنا صعبانة عليا. أنا ممكن أضعف. منه: نعم؟ يعني أنا خططت وإنت تيجي تقول لي أضعف؟ أحمد: بس إنتي دماغك جزمة. منه: ميرسي. انتهى الفلاش باك. أحمد لعشق: خلاص، بكرة أشوفك في الجامعة. عشق: تمام يا رئيس. عند أدهم، راح لمراد في المكتب. أدهم: مراد حبيبي، اللي وحشني. مراد: حبيبي يا أدهم، تصدق وحشني رخامتك الكام ساعة دول. أدهم: والله، وإنت بتوحشني وإنت معايا يا وحش. مراد: مالك؟ فيك إيه؟ سخن؟

لا، صح، إنت سخن على طول. أمال في إيه؟ أدهم: الصراحة، حاسس إن منه لحستلي دماغي. مراد: هي ملحوسة من زمان. أدهم: آه، عشان مأكذبش، هي ملحوسة من زمان، بس منه كملت على الباقي من دماغي. مراد: آه، صح، مش كنت عند سوسو النهاردة وغدتني ورق عنب؟ أدهم: نهار أبوك أسود! كلت ورق عنب من غيري يا حيوان؟ مراد اتعصب: ما تلم نفسك يا زبالة! إنت إزاي تشتم أبويا؟

أدهم: والله أنا آسف، بس ده ورق عنب، ده عشقي يا بني، إنت مش فاهم قصتي معاه، ده أنا بحبه أكتر من فريدة. مراد: برضه مليش دعوة، وأنا مالي أبويا في الموضوع؟ أدهم: هو جه كده بقى. مراد: خلاص، هسمحك المرة دي. أدهم: هو إنت أصلًا تقدر على زعلي؟ مراد: أبدا، ده أنا من غيرك أموت. أدهم بثقة: ما أنا عارف إني مهم. مراد: طب غور من وشي عشان متعصبش عليك. أدهم: أنا مش عارف إنت قافش كده ليه؟ مراد: طب برة بقى عشان ورايا شغل.

أدهم: بتطرد يعني؟ مراد: حاجة زي كده. أدهم: طب أستأذن أنا بقى عشان شغلي. مراد: إذنك معاك يا حبيبي، متورناش وشك تاني، خليك توحشنا. أدهم: إن شاء الله يا مراد، مكنتش أعرف إنك بتحبني كل الحب ده. مراد: اديك عرفت، هو إحنا بقا. أدهم: ماشي يا عم، بس براحة، متزوقش. وخرج من عند مراد. أدهم كان قاعد في المكتب بيفكر إزاي يصالح منه.

أدهم: لا، لازم أصالحها بكرة، حتى لو هتشالبلها. دي منه مجنونة وهبلة، بس بعشق أمها. آه، صح، لازم أصالحها عشان أروح آكل ورق عنب من بتاع سوسو. عند عشق في البيت تاني يوم. دخل أحمد على عشق الأوضة وهو متشيك. عشق: أيوة بقى، هو ده الحب اللي بيبهدل صاحبها. أحمد: ليه يا ختي؟ شيفاني مبهدل؟ عشق: لا، بس هتتبهدل يا خويا يا حبيبي. أحمد: وإشمعنى إنتي متبهدلتيش لما حبيتي مراد؟

عشق: لا، مراد ده حاجة تانية، مش موجودة في الحياة دي. المهم، هخلص امتحان وأجيلك عند كلية منه. أحمد: ماشي، بس استنى برا لحد ما أنا أجلك وأنا أدخل معاك. عشق: خلاص تمام. في نفس الوقت مراد اتصل على عشق. عشق بصت لأحمد: إيه؟ عايز حاجة تاني؟ أحمد بغباء مصطنع: لا، إنتي عايزة حاجة تاني؟ عشق: لا، اتفضل. أحمد: ولا حاجة، ولا حاجة. عشق: ولا حاجة، امشي بقى. أحمد: طب اقعد أسمع. عشق: اطلع برا بدل ما أجي معاك.

أحمد: خلاص طالع. إنسانة مادية حقيرة. عشق: بتقول حاجة؟ أحمد: بقول ردي على مراد بدل ما يشعلك. عشق: آه، بحسب. أحمد: طلع، وعشق ردت على التليفون. عشق: الو يا مراد. مراد بغضب: ساعة عشان تردي؟ عشق: أصل الواد البارد أحمد كان قاعد معايا ومكنتش هعرف أكلمكم. مراد: خلاص يا روحي، سامحتك. عشق: إنت تقدر تخصمني أصلًا؟ مراد: لا، مش هقدر طبعًا. عشق: أيوة كده.

مراد: طب أنا مستنيكي تحت البيت عشان أوصلك الجامعة ونكلم سوا شوية، بقالي كتير مش بشوفك. عشق: خلاص تمام، وأنا كمان عايزة أحكيلك على حاجة. مراد: طب إنتي جاهزة ولا هستنى سنتين؟ عشق: لا، جهازة، هنزل على طول. مراد: ماشي يا حبيبي، سلام. عشق: سلام. لبست عشق الشوز بتاعها، نزلت لمراد. مراد أول ما شافها صفر: هو فيه كده؟ عشق بكسوف: فيه اللي أحلى مني طبعًا. مراد: لا طبعًا، مفيش حد أحلى من حبيبتي. عشق بكسوف: طب مش يلا؟

مراد: يلا إيه؟ عشق: يلا نمشي وتقولي كنت عايزني في إيه في العربية. مراد: تمام، يلا. ركبوا العربية. مراد مسك إيديها. عشق: سيب إيدي يا مراد، عيب كده. مراد: لا مش عيب، إنتي خطيبتي وكلها كام يوم وهتبقي مراتي. عشق: طب سيب بقى لحد ما أبقى مراتك. مراد: والله يا عشق، أول ما نكتب الكتاب لتشوفي هعمل إيه. عشق: لا بجد خوفت منك، أنا بقول بلاش جواز أحسن. مراد: لا، ما خلاص، إنتي واقعتي يا روحي.

عشق: مراد، قول بقى إيه هي الحاجة المهمة؟ مراد: إنتي جبتي الفستان؟ عشق: لا. مراد: طب جهزتي الحاجات بتاعة كتب الكتاب؟ عشق: لا. مراد: وطبعًا مروحتيش القاعة وشوفتيها؟ عشق: لا. مراد: عشق حبيبتي، إنتي علقتي؟ عشق: لا. مراد: هو فيه إيه، مالك يا روحي؟ عشق: أصل الصراحة، انصدمت من الحاجات دي كلها، وأنا معملتش أي حاجة.

مراد: خلاص يا روحي، أول ما تخلصي الكلية اتصلي بيا، وأنا هاجي آخدك، ونروح نجيب الفستان والبدلة بتاعتي، ونعدي نشوف القاعة. عشق: خلاص تمام، بس أنا ممكن أتأخر شوية. مراد: ليه؟ عشق: بص يا سيدي...... وحكت على الخطة بتاعتها هي وأحمد. مراد: لا يا عشق. عشق: لا ليه؟ مراد: عشان أنا بغير، حتى من أخوكي. إزاي يا عيني هتحضنيه والكلام ده؟ عشق: بس ده أخويا، مش حد غريب. مراد: حتى لو كان باباكِ. أنا راجل غيور. ده أنا معملتش كده.

عشق: وإنت تعمل كده ليه؟ كنت أخويا. مراد: لا، جوزك المستقبلي. عشق اتكسفت: اديك قلت جوزي المستقبلي، يعني لسه. مراد: ماشي يا عشق. عشق: يا مراد، وافق عشان أحمد هيزعل. مراد: لا. عشق: يا حياتي عندكم. مراد: بتحلفيني بأغلى حاجة في حياتي. عشق: يعني موافق؟ مراد: أه، بس بشرط. عشق: إيه؟ مراد: تبوسيني. عشق: نعم؟ مراد: بوسة بريئة من خدي. عشق: لا يا مراد، بعد ما نتجوز. مراد: خلاص، لاعشق. عشق: يا مراد، متصعبهاش.

مراد: إنتي بتحبكيها بقا يا عشق؟ عشق بصت لقت إنها قربت من الجامعة. عشق فجأة قربت وباست مراد من خده ورجعت قعدت على الكرسي بتاعها وهي مغطية وشها من الكسوف. مراد بصالها وقعد يضحك: خلاص، موافق تروحي مع أحمد. عشق بكسوف: ما إنت لازم توافق بعد البوسة دي. والله ما مسامحاك يا مراد. مراد: ده كله عشان بوسة؟ عشق: بس بقى، بكسف. وأول ما وصلت نزلت تجري على الجامعة، ومراد اتحرك بالعربية. عشق خلصت واتصلت على أحمد.

عشق: الو يا أحمد، إنت فين؟ أحمد: أنا برا عند كلية منه. عشق: وأنا كمان. أحمد: خلاص، شوفتك، يلا باي. عشق كلمت منه عشان تعرفها. منه: الو. عشق: إحنا داخلين. منه: خلاص تمام. عشق: ماشي، سلام. أحمد: يلا ندخل. عشق: يلا. أحمد لف إيديه حوالين خصر عشق وصله لحد منه. أحمد: منه حبيبتي، عاملة إيه؟ منه: أحمد، كويس إنك جيت تاخدني. رنا بصتلهم، ولما شافت إيد أحمد محوطة خصر عشق اتعصبت. منه: إيه؟ مش هتعرفني؟

أحمد: آه، عشق حبيبتي وخطيبتي إن شاء الله. رنا بصتله. وأووي، وعايزة تقوله ليه كدا؟ أحمد في نفس الوقت بص لرنا وكان قرب يضعف، بس تراجع. أحمد بيكمل: ودي منه أختي يا حبيبتي. عشق: أهلاً، اتشرفت بمعرفتكم. منه: أنا أكتر. عشق وهي بتبص على رنا: مين دي؟ رنا قامت وقربت منها ومدت إيديها ومسكت إيد عشق، بس بمعنى أصح عصرت إيد البنت المسكينة. رنا: أنا رنا، صاحبة منه. عشق بألم: آه، ممكن تسيب إيدي؟ رنا: أه، سوري، مأخدتش بالي. عشق

وهي بتتعلق في رقبة أحمد: حبيبي، مش هنروح بقى عشان زهقت. أحمد: تمام، يلا. وبص لمنه: هتيجي معانا؟ منه: لا، هقعد شوية مع رنا وأروح. أحمد: خلاص تمام. وبص عند رنا اللي كانت بتطلع نار من ودانها. عشق: باي يا منه، باي يا رنا. رنا باستخفاف: باي. منه: مالك يا رنا؟ مش طايقاها ليه؟ رنا: بنت بتدلع ووحشة ومسلوعة. أنا مش عارفة أخوكي عرفها منين. منه: لا، عشق حلوة أوي بجد، إنتي بتهزري؟ رنا: أنا ماشية يا منه. منه: طب اقعدي شوية.

رنا: لا، مش قادرة. عند عشق وأحمد. عشق أول ما مشيت فطست من الضحك. أحمد: مالك؟ إيه كمية الضحك دي؟ عشق: الصراحة، البت كانت هتموتني، دي هرست إيدي من كتر الغيظ. أحمد: أحسن عشان تحرم إنها تبعد عني. عشق: أنا ساعدتك عشان عارفة إنك بتحبها وهي كمان بتحبك، بس هي خايفة. أحمد: بجد؟ يعني إنتي حستى إنها بتحبني؟ عشق: أه، وأوي كمان. ❤ أحمد: يا فرج الله يارب، أول واحدة تقولي بتحبك. دا منه قالتلي إنها مش طايقاني ولا طايقة تكلمني.

عشق: إنت بتاخد بكلام منه؟ خد بكلام ناس عاقلة. منه مهتمة غير بالأكل والنوم والنت بس 😂😂😂. مراد كان واقف بالعربية مستنيهم، شاف أدهم وهو نازل من العربية بتاعته وماسك في إيده بوقيه ورد أحمر وفيه شوكلاتات كتير 😍😍. مراد: إقْفُش! إنت إيه اللي جابك هنا؟ أدهم بتوتر: جاي أشوف واحد صاحبي. مراد: واحد صاحبك باردو؟ وجايبله بوقيه ورد وشوكلاتات؟ أدهم: متفهمنيش صح يا مراد. مراد: قول، جاي تصالح منه ليه؟ أدهم: يالهههوى! يا مصيبتي!

هي جت اشتكتلك؟ يا عيني عليك يا أدهم، اتفضحت. مراد: إيه يا ابني؟ لا مجتش اشتكت، هو باين المعفن بيجيب بوقيه ورد لمنه، أكيد فيه إنان؟ أدهم: يعني تخمينات، الحمد لله يارب. مراد مسكها من هدومه: بس إنت هتقولي غلط معاها في إيه، بس لما نكون لوحدينا. أدهم: حاضر. أجري أنا بقى. وطلع يجري. مراد لسه بيلف، شاف عشق وهي وأحمد وهما جايين وبيضحكوا وأحمد حاطت إيده على كتفها. مراد قرب منهم وشال إيد أحمد: مش عايز أشوفك بتعمل كده تاني.

أحمد بذهول: دي أختي. مراد بغيرة: وأنا مليش دعوة، أنا بغير عليها حتى منك إنت. أحمد بص لعشق: الله يكون في عونك يا حبيبتي. مراد: لا، وبلاش كمان حبيبتي، قوليها. عشق: بس ده أخويا. مراد: لا، جوزك المستقبلي. أحمد بص لعشق: لا، إنت فظيع. أنا ماشي، سلام. مراد فتحلها الباب ورجع ركب جمبها من غير ولا كلمة وانطلق للمول. عشق باستعطاف: مراد. مراد مش عايز يرد. عشق: ميرو. مراد مش عايز يرد. عشق: طب يا حبيبي.

مراد بصالها: أووف، مش عارف أتماسك قدامك. عشق بثقة: طبعًا، أنا مش أي حد. مراد: عارف، بس أنا لسه زعلان. عشق: يا مراد، ده أحمد أخويا، بتتغير من أخويا؟ مراد: أه، وبغير عليكي حتى من الهوا اللي بتتنفسيه. عشق: خلاص بقى يا مراد. مراد بحب: ماشي، خلاص، مش زعلان عشان خاطر العيون الحلوة دي. عشق: أيوة بقى، هو ده مراد حبيبي. مراد بصالها بحب وكمل الطريق لحد المول. عند أدهم ومنه.

أدهم دخل الكلية وفضل يدور على منه لحد ما لقها قاعدة في الكلية وبتشرب بيبسي. أدهم بمرح: بتشربي من غيري يا وحشة؟ منه تفت البيبسي اللي كان في بقها على أدهم. أدهم: ينفع كده؟ منه بذهول: إنت اللي بتيجي فجأة. أدهم: خلاص يا ستي، مسامحك. منه بصتله وبصت للورد: الورد ده ليا؟ أدهم: لا، مش ليكي، ده لحبيبتي. منه بحزن: طب غور، روح لحبيبتك. أدهم: ما حبيبتي واقفة قدامي. منه بغباء: فين؟

أدهم مدالها الورد: أنا آسف على الكلام اللي قولته، والله مفيش بنت حسيت بيها قبلك، ولا عملت معاها أي حاجة من اللي بتحصل بينا غير إنتي. منه خدت الورد وكانت مبسوطة: أنا سامحتك من أول ما شفت الورد ده. أدهم بصالها بفرح. منه باستغراب: إنت سخن يا أدهم؟ أدهم: لا، ليه؟ منه حطت إيديها على خده: لا، أكيد سخن، مش معقول أدهم يعمل مفاجأة زي دي. أدهم مكنش حاسس بحاجة غير عينيها اللي قدامه وإيديها اللي على خده.

منه هي كمان غابت في عينه، بس فجأة فاقت وبعدت. أدهم: ليه بعدتي إيدك من على خدي وضيعتي اللحظة الرومانسية دي اللي بتحصل كل 4 سنين مرة؟ منه بكسوف: يلا يا أدهم، نروخ. أدهم: لا، أنا مش مصدق إن منه بتكسف زي بقيت البنات، يا سبحان الله. منه ضربته في كتفه: هغير رأي ومش هصالحك. أدهم: لا، خلاص، يلا تعالي أوصلك. منه: يلا. ومشوا من الجامعة. عند مراد وعشق في المول. مراد واقف هو وعشق قدام محل الفساتين.

مراد بزهق: هااا يا حبيبتي، عجبك فستان ولا لسه؟ عشق: لا، لسه، مش عاجبني أي حاجة. مراد: يا عشق، خلصي، والله أنا زهقت. عشق: إنت زهقت مني؟ مراد: أكيد، مش منك، بس الفساتين حلوة وإنتي مش عاجبك حاجة. عشق: خلاص، ندخل المحل التاني. مراد: تعالي يا آخرة صبري. عشق دخلت هي ومراد. عشق نقيت فستان اوف وايت، ضيق من فوق ونازل واسع من تحت، وكان فيه جزء فضي. مراد: حلو أوي يا حبيبتي. عشق: خلاص، هدخل أقيس. مراد: طب استنى ثواني.

دخل مراد وبص في البروفة يشوف فيه كاميرات محطوطة في البروفة، بس ملقاش حاجة. مراد: خلاص، ادخلي. عشق: إنت ليه بصيت في البروفة؟ مراد: أخاف يكونوا حاطين كاميرا جوه عشان يصورو البنات اللي بتدخل تقيس. عشق: خلاص يا مراد، الحمد لله إنك ملقتش حاجة عشان أدخل أقيس بقى. ودخلت عشق. عشق لقت الفستان مظبوط عليها وعجبها، راحت غيرته ولبست هدومها وخرجت. مراد بذهول: ملبستيش الفستان ليه؟ عشق: لا، لبسته وطلع حلو. مراد: طب مشفتهوش أنا ليه؟

عشق: لا، مش هوريهولك قبل كتب الكتاب، لازم تشوفه عليا يوم كتب الكتاب. مراد: وافرض طلع ضيق؟ أبقى اتحطيت قدام الأمر الواقع. عشق: لا، مش ضيق، متخافش. مراد: أنا واثق فيكي يا حبيبتي. عشق ابتسمت. مراد: يلا عشان نشتري البدلة بتاعتي. عشق: يلا. واشتروا الفستان، وراحوا يشتروا البدلة. مراد: دي حلوة ولا دي؟ ولا أقولك دي. عشق: لا يا مراد، كده كتير، اختار واحدة. مراد: ما إنتي عملتي معايا كده، استحملي بقى. عشق: خلاص، بس دي حلوة.

مراد: خلاص، هدخل أقيس، وعلى فكرة عجبتني عشان إنتي اللي مختراها. عشق اتكسفت، ومراد دخل يقيس البدلة. وبعد شوية مراد خرج من غير ما يوريها البدلة عليه. عشق: مشوفتش البدلة عليك؟ مراد: مش هوريهالك زي ما إنتي مورتنيش الفستان. عشق: بارد. مراد: ميرسي. عشق: طب أنا عايزة آكل. مراد: لا. عشق: لا إيه؟ بقولك جعانة. مراد: وأنا قلت لا. عشق: والله أفضحك وأقول للناس دي إنك بتعذبني ومش راضي تاكلني.

مراد: خلاص، تعالي أطفحك بدل ما تفضحيني. عشق: أيوة كده، رجالة مبتجيش غير بالعين الحمرا. مراد: هرجع في كلامي. عشق: لا، على إيه، أكلني أحسن. وراحوا المطعم عشان يطفحوا، أقصدى يتغدوا 😅😅. عشق كانت بتاكل بشراهة. مراد: براحة، إنتي قربتي تاكلي الطبق. عشق: ملكش دعوة، ما إنت كنت مجوعني، أعمل إيه؟ مراد: لا، أنا كده أخاف على نفسي بعد الجواز، أخاف أصحى من النوم ملقيش دراعي. عشق: خلاص، إنت لسه في أولها، متتجوزنيش.

مراد: لا، خلاص، ما أنا واقع ومحدش سمي عليا. عشق: أهو الأكل مش هاكل، إنت قفلت نفسي. مراد بصدمة: قفلت نفسك؟ فين؟ دا إنتي خلصتي الأكل، ده ناقص تاكلي الطبق. عشق: إنت هتحسدني؟ الله أكبر. مراد: لا، على إيه. عشق: طب يلا نمشي عشان نشوف القاعة. مراد: يلا. وراحوا القاعة، وعشق أعجبت بيها جدًا وبذوق مراد، وملقتش حاجة ناقصة فيها. وصلها مراد لحد الباب. عشق: بشكرك أوي يا مراد، اليوم كان حلو جدًا.

مراد: اليوم النهاردة كان حلو عشان كنت معاكي. عشق بصتله بحب: أنا بحبك أوي يا مراد. مراد: وأنا أعشقك. عشق: طب هطلع أنا بقى. مراد: مع السلامة يا حبيبتي. عشق: سلام. وطلعت عشق تحت نظرات مراد. عند منه وهي وأدهم لما كانوا في العربية. منه بتوتر: أدهم، هو يعني إيه حد يحب؟ أدهم بغمزة: اعتبري ده إيه؟ بتصرحيني باللي في قلبك؟ منه وهي بتضربه: لا يا بارد، أنا بسأل لمجرد الفضول.

أدهم: بصي يا منه، أنا عشت الحب ده، وهقولك على اللي بحسه. منه: نعم؟ عشت إيه؟ أدهم: إنتي غيرانة ولا إيه؟ منه: لا، إحنا اتفقنا إننا صحاب، صح؟ أدهم: ماشي يا منه، صحاب، مع إني مش عاجبني الموضوع ده. منه: ها، قول لي بقى. أدهم: الحب إنك تحسي بلخبطة، وتعيشي مع اللي بيحبك قصة جنان وهبل. وغمزلها. الحب إنك تحسي بجوع ومغص وحاجة كده مقرفة. منه: إيه ده؟ ده على كده ياريتني ما حبيت أحسن. إيه الحب مقرف للدرجة دي؟

أدهم: هو الحب ده بنسبالي. منه: أنا غلطانة، أنا جيت أسأل واحد غلط. أدهم: مش سألتِ، وأنا جاوبت. منه: أنا غلطانة، أنا آسفة إني سألت. أدهم: معلش يا ستي، هو ده اللي أعرفه عن الحب، وهو ده اللي بيحصلي. منه: لا، شكرًا، بعد الشر عليا، مش عايزة يحصلي كده. أدهم: هيحصلي يا منه، ده مش اختيار، ده إجبار. منه: وإنت إيه اللي عرفك؟ أدهم: قلبي هو اللي عرفني. منه: هو إحنا لسه قدامنا كتير عقبال ما نوصل؟

أدهم: بتخرجي من الموضوع، بس هسيبك براحتك. أه، قربنا. منه ابتسمت وسكتت. أدهم بهيام: والله أنا مش قد الضحكة دي. منه بكسوف: بس بقى يا زفت. أدهم: هو فيه إيه؟ هو إنتي بلعة راجل جواكي؟ في معلم صغير جوه؟ منه: لا، قصدك معلم كبير وكبير أوي كمان. أدهم: أنا قولت، والله إنتي أرجل من صاحبتي. منه ببرود: ميرسي. أدهم: باردة. منه: بتقول حاجة يا أدهم؟ أدهم: بقول سلمتكم. منه: أيوة كده، افتكرت بتقول حاجة. أدهم: أبدا، هقول إيه؟

إنتي ظلمانى. منه: جدًا، أنا عارفة إني ظالماك. أدهم: كويس إنك عارفة. لسه كانت هترد، بس أدهم وقف العربية عشان كانوا وصلوا. أدهم وهو بيزقها: غورى يلا. منه: إيه؟ غور دي؟ أدهم: أه، يلا، أنا زهقت منكم. منه: شكرا. ولسه هتنزلي. مسك إيديها. أدهم همس في ودانها: خلي بالك من نفسك يا قطتي الشرسه. منه بصتله: حاضر. أدهم بهمس: خدي الورد. منه خدت الورد وكانت عاملة زي المغيبة ونزلت وطلعت الشقة. أحمد فتحلها واستغرب حالتها.

أحمد: إيه يا مجنونة؟ مالكم؟ منه مش بترد. أحمد: يا أم لسان ونص، روحتي فين؟ منه مش بترد وسرحانة. أحمد شد شوكولاتة من اللي كانوا في بوقيه الورد. أحمد: الله، ديه ميلكا. خلاص، أنا خدته. منه فاقت ورجع المعلم اللي جواها: إيه يا بابا؟ الشوكولاتة دي بتاعتي؟ تعالي هنا. أحمد: لا، أنا خدتها. منه: لا يا حيوان، دي بتاعتي. أحمد: لا، مش هديهالك. منه: لا يا ماما، أنا عايزة شوكولاتة بتاعتي. 😫😫 سهام: اديها لها يا ابني.

أحمد: مش هديهالك غير لما تقولي، هو مين اللي جابها؟ منه بتوتر: هو... هو. أحمد: إيه؟ القطة كلت لسانك؟ منه قربت منه: أدهم. وخدت الشوكولاتة وجريت. أحمد: آه، عرفت، عشان كده كنتي هيمانة على نفسك. يتبع