رواية اوقعتني في حبها الفصل الثاني والعشرون 22 - بقلم اسراء محمود

مراد وعشق ابتدأت مقابلتهم تقل بسبب امتحانات عشق. إلى ابتدأت. أدهم ومنه، بمعنى الصح، المجانين مش بيشوفه بعض خالص، وكل واحد التاني واحشه، بس خايف ليكون التاني مش عايز يشوفه. أما أحمد فحس باليأس إن رنا ممكن تحبه، بس يا ترى هيستسلم؟ عند عشق في البيت. سهام وهي بتدخل الأوضة: عشق انتي صحيتي؟ عشق: لا يا ماما أنا منمتش من خوف الامتحان. سهام: يا بنتي كده مش هينفع، مش هتعرفي تحلي. عشق: ده أول امتحان وطبيعي إني أكون خايفة.

سهام: ربنا معاكي يا بنتي. عشق: يارب يا ماما. سهام: هروح أنا أصحّي المجنونة التانية علشان امتحانها هي كمان. عشق: روحي، دي أصلاً مش هتصحى غير بطبل بلدي. سهام: هقول إيه، ربنا بلاني بيها. وراحت سهام علشان تصحّي منه. سهام: منه قومي يا بت. منه بنوم: بس بقى يا كلب اللي بتصحيني. سهام: قومي يا زفتة. منه بنوم: لا مش هقوم وحل عني بقى. سهام: حاضر هحل عنك. وراحت أقلعها الشبشب المصري الأصيل ونزلت بيه على منه.

منه وهي مفزوعة: آآآآه ليه كده بس يا ست الكل؟ سهام: بقا أنا كلبة؟ وحل عني، ده أنا هوريكي. منه: يا ماما ماتخديش على كلامي وأنا نايمة. سهام: يعني أنا غلطانة إني جايه أصحّيكي علشان الامتحان؟ منه: طب ليه السيرة دي على الصبح؟ سهام: يا بت انتي معندكيش قلق، خوف، معندكيش دم؟ منه: لا معنديش. سهام: آآه يا ربي صبرني على البلاء ده. وخرجت. منه لبست وراحت عند أحمد الأوضة. منه: مودي حبيبي.

بس أحمد كان سرحان في رنا ومش عارف يركز ولا سامع. منه بصوت عالي: ااااحمـد. أحمد: الله يخرب بيتك على بيتي في يوم واحد. منه: ما انت اللي كنت سرحان. أحمد: هو انتي كمان مش عايزاني أسرح زي بقيت البني آدمين؟ منه: حبيبي انت مش بني آدم. أحمد: ليه كنت إيه؟ منه: كنت من فصيلة القرود. أحمد: نعم يا ختي، أمّال انتي من فصيلة إيه؟ منه: العصافير. أحمد: أصدقك؟ الخرتيت عصافير إيه اللي انتي بتوصفى نفسك منهم؟

منه: بس انت عمال تتوه على الموضوع علشان متقولش انت كنت سرحان في إيه. أحمد بحزن: متشغليش بالك. منه: لا احكيلي. أحمد: حشرية، أقول إيه بس، على العموم إللي حصل...... وحكالها على موضوع رنا. منه بحزن على أخوها وصاحبتها: انت عارف كل حاجة، فالمفروض متزعلش ومتستسلمش. أحمد: هي حتى مش مديني فرصة إني أقرب منها. منه: خلاص أنا هقولك تعمل إيه. أحمد: قولي يا أم دماغ سم. منه: انت لسه شوفت حاجة، بص بقى. أحمد بدهشة: يالهوي على دماغكم.

منه: أنا غلطانة إني عايزاها تيجي تقولك بحبك بنفسها. أحمد: خلاص تمام. منه: شوفت، منه مش أي حد. أحمد: طب ارحمي أدهم شوية، ده شكله بيحبك. منه: حبه برص، وغير كده عمري ما هرحمه، هو لسه أنا عملت فيه حاجة؟ أحمد: الله يكون في عونك يا أدهم يا ابني. منه: ملكش دعوة انت يا قرد. أحمد: مين اللي قرد؟ منه: انت. أحمد: طب تعالي وأنا هوريكي. وطلع يجري وراها وهي تجري. منه: عااااا. و استخبت ومسكت في عشق اللي كانت نازلة الجامعة.

منه: خليه يسبني في حالي يا عشقة. عشق: أكيد عملتيله حاجة. أحمد: حسبي انتي يا عشق يا حبيبتي. عشق: طب احسبوا يا مجانين، أنا ورايا امتحان. وسابتهم ونزلت. منه لسه هتجري مسكها أحمد. أحمد: مسكتك يا بطة ومحدش سما عليكِ. منه وهي بترفس: عااااا سبني. أحمد: لا أبداً مش شتمتيني يا وزعة. منه: خلاص يا عم خليك انت الكبير. أحمد: لا اعتذري. منه: أبداً. أحمد خدها ودخلها المطبخ عند مامتها. أحمد: ماما انتي عايزه البت دي؟

سهام: لا يا حبيبي أنا معرفهاش أصلاً، دي بت مجنونة وأكيد مش بنتي. أحمد: اهو وكمان أمك مش عايزاكي. منه: كده يا سهام، طب خليكي فاكراها. سهام: ماشي مش هنسى. أحمد خدها عند الشباك: استعدي للموت يا حلوة. واحد، اتنين، تلاتة. منه: لا خلاص أنا آسفة يا مودي، آسفة. أحمد: ما كان من الأول. بعد ما منه نزلت. منه: مجنون. أحمد: بردو مش هتتلمي غير لما تموتي، تعالي. ولسه هيمسكها، طلعت تجري وقفل عليها الأوضة.

عند عشق نزلت وهي راكبة التاكسي. مراد اتصل عليها. مراد: ألو يا حبيبتي. عشق: إزيك يا مراد؟ مراد: يعني أنا أقولك حبيبتي تقوليلي مراد؟ لا مينفعش الكلام ده خالص. عشق بضحك: معلش مش فايقة لحبيبي وحبيبتي خالص، أنا واحدة ورايا امتحان. مراد: لا أنا كده أغير من الامتحان اللي بعدك عني. عشق: معلش بس ده أول امتحان وأنا خايفة. مراد: متخافيش، أنا حبيبتي متخافش من أي حاجة، انتي قدها يا حبيبتي وكنتي بتذاكري كويس.

عشق: بردو هو عشان أول امتحان وبس، بعد كده بيجيلي مناعة وتانحة وبرود. مراد: ده كله خلاص، أول ما تخلصي الامتحان كلميني وطمنيني. عشق: حاضر. مراد: يلا سلام يا حبيبتي، ربنا معاكي. عشق: سلام يا حبيبي. وقفل بسرعة. عند منه لبست ونزلت. أول ما نزلت لقت أدهم واقف وساند على العربية بتاعته، وكان لابس بدلة الشغل وكان مزز بمعنى الكلمة. منه أول ما شافته قالت في نفسها: يا نهار أسود، إيه المزز اللي هناك ده؟ طب أعمل إيه فيه؟

وأنا اللي كنت بقول إني هخلي رنا تقول لأحمد بحبك، ده أنا اللي هروح أقول لأدهم أنا بعشقك، يالهوي على القمر يا ناس. قطع كلامها أدهم: منه مالك واقفة متنحة وفاتحة بوقك زي الحمار كده ليه؟ منه: مين دي اللي حمار يا بغل؟ أدهم ضحك: أنا بغل؟ يلا يا وزعة. منه في نفسها: لا أنا مش قد الضحكة دي، طب أروح أعرض عليه الجواز أحسن، ممكن يوافق. أدهم: إيه يا بنتي انتي كل شوية تسرحي؟ أنا عارف إني مززز بس مش كده، إحنا في الشارع.

منه: بس يا شاطر، اجري العب بعيد، قال مزز قال، مش عارفة مين اللي ضحك عليكي وقال كده؟ أدهم: بنات كتير وكمان كانوا بييجوا يطلبوا رقم تليفوني. منه: طب غور من وشي وروح للبنات الكتير اللي عايزة رقم تليفونك. أدهم مسكها قبل ما تمشي: بتغيري يا جميل؟ منه: أكيد لا، وبعدين حاسب من وشي. أدهم: طب أوصلك. منه: لا. أدهم: انتي اللي خسرانة. منه: ماشي. أدهم بصوت تامر حسني: طب فكري. منه: فكرت. أدهم بصوت تامر: فكري تاني.

منه: حاسب، أنا مش فاضيلك، أنا ورايا امتحان. أدهم: ربنا معاكي يا مجنونتي. منه اتكسفت: حاسب كده. ووقفت تاكسي ومشيت. أدهم بفرحه: شكلها بتغير عليا، أيوه، باين إنك مش أي حد يا واد يا أدهم. عند عشق خلصت الامتحان وهي خارجه لقت عمرو في وشها. عشق: ازيك يا عمرو؟ عمرو: الحمد لله، انتي عاملة إيه؟ عشق: الحمد لله. عمرو: ممكن نكلم مع بعض شوية؟ عشق: آآه اتفضل، بس بسرعة عشان ورايا معاد.

عمرو: آه أكيد، بصي يا عشق أنا بحبك، بحبك من زمان أوي، من أول ما دخلتي الجامعة. عشق بدهشة: ليه؟ عمرو: معرفش، بس انتي كل حاجة فيكي شداني، الحب مش بإيدي. عشق بصدمة وحزن عليه: بس أنا ما بحبكش، أنا ما حبتش غير مراد ومش هقدر أحب حد تاني، وبعدين أنا مخطوبة، يعني الكلام ده مينفعش. عمرو: لا يا عشق هتحبيني أنا وهتبقي ليا أنا، وبعدين مراد إيه اللي بتقولي بيحبك؟ أنا بحبك أكتر منه وأنا أحسن منه.

عشق: لا مفيش حد أحسن من مراد، ابعد عني بقى، يا إما نبقى صحاب يا متعرفنيش تاني أحسن. وسابته ومشيت. عمرو: انتي اللي جبتيه لنفسك، حاولت أساعدك، بس أعمل إيه؟ انتي اللي اخترتيه، استحملي بقى. عند عشق مشيت وهي متعصبة وكانت بتفكر، إيه فيها أكتر من البنات التانية عشان الكل يحبها؟ بس قطعها صوت التليفون. عشق: ألو يا حبيبي. مراد: أيوه كده يبقى الامتحان خلص وكان حلو صح؟ عشق: آه كان حلو أوي، وإن شاء الله أقفلهم.

مراد: أيوه بقى، هي دي عشق اللي أعرفها. عشق بثقة مصطنعة: يا ابني أنا مش أي حد. مراد: ابنك؟ لا كده كتير، أنا حبيبك وجوزك المستقبلي. عشق بكسوف: هو انت لازم كل شوية تكسفني؟ مراد وهو بيضحك: أموت أنا وأشوفك دلوقتي بتبقي عايزة تتاكلي. عشق: لا انت زودتها أوي، أنا هقفل أحسن عشان انت مش ناوي تجيبها لبر. مراد: أنا؟ دا أنا غلبان، تعالي بصي شوفي البراءة هتنط من وشي. عشق: آه غلبان جداً، ما أنا عارفة.

مراد: ماشي يا عشق، خليكي فاكرة، نتجوز وهتشوفي. عشق: لا أنا بخاف. مراد بشر: هو انتي لسه شوفتي حاجة؟ ده أنا هطلع عليكي القديم والجديد. عشق: ليه؟ مراد: أجي أمـسك إيدك؟ لا يا مراد حرام، كلمة حبيبي اتمنعت عندك في القاموس، عايزاني أعمل إيه؟ ما انتي نشفتي رقي. عشق: مش كفاية اللي انت بتقوله واللي بتعمله؟ مراد: أنا عملت حاجة؟ في نفس الوقت دخل عليه أدهم. مراد: طب اقفلي بقى، مفرق الجامعات وصل. عشق وهي بتضحك: ابقى سلملي عليه.

مراد: حاضر، سلام. مراد لأدهم: مالك قالب وشك ليه؟ أدهم: مراد، المهمة اتحددت. مراد بصدمة: إيه؟ مش كانوا بيقولوا إن قدامها شهر؟ أدهم: لا يا مراد، شكل فريد مش ناوي يجيبها لبرا. (فريد ده أكبر رجل أعمال في الشرق الأوسط وكمان أكبر رجل بيتاجر في السلاح والمخدرات، فالمهمة صعبة مش سهلة خالص) مراد: متخافش، مفيش حد يقدر يهز مني شعرة. أدهم: أيوه هو ده مراد اللي أنا أعرفه. مراد: طب المهمة امتى؟ أدهم: بعد أسبوعين.

مراد: يعني بعد كتب كتابي أنا وعشق بيوم؟ أدهم: بالظبط، عشان كده أنا بقولك مصيبة. مراد: هو انت عمرك دخلت بحاجة تبسطني؟ أدهم: وأنا مالي أنا؟ لما بعرف حاجة مهمة باجي أقولكم. مراد: لا متقوليش، مش عايز أعرف يا عم. أدهم: بجدية، مراد هو أنا ممكن أسألك سؤال؟ مراد: اتفضل. أدهم: انت مش المفروض تأجل كتب الكتاب حتى بعد المهمة؟

مراد: لا طبعاً، أنا عايز عشق تكون بتاعتي حتى لو لساعات، بس ماينفعش أجل كتب الكتاب، أنا مستني اليوم ده بفارغ الصبر، فاهم يا أدهم ولا انت مش هتفهم؟ انت دماغك تخينة. أدهم: لا فهمت، بس انت كده أناني. مراد: سميها زي ما تسميها، لكن أنا بسميها حب. أدهم: خلاص يا صاحبي، أنا معاك وراك عشان حاسس بيكم. مراد: غور من وشي يا أدهم، عمرك ما هتحس بحبي لعشق قد إيه.

أدهم: ماشي، أنا همشي، بس أصلاً مفيش زي حبي لمنه، وطلع لسانه لمراد وطلع يجري. مراد: عبيط، هقول إيه؟ صبرني يا رب. عند آدم في البيت. غادة: آدم انت كده خلصت كل أوراقك؟ آدم: آه يا ماما، خلصت كله، وإن شاء الله هسافر بعد كتب الكتاب بيوم. غادة: طب يا ابني، أجله شوية، أنا مش متخيلة إني مش هشوفك تاني. آدم: لا هشوفك يا أمي، يوم فرح مراد، انتي ناسيه إني لازم أحضر؟ غادة: لا يا آدم، متجيش الفرح.

آدم: ماينفعش يا أمي، مراد أخويا، وعشق قبل ما تكون حبيبتي فهي أختي وصاحبتي. غادة: أنا مش عايزة أتوجع تاني يا آدم. آدم بحزن ووجع: مش هتوجع أكتر ما أنا اتوجعت يا أمي. غادة: ربنا معاك يا ابني. وسابته وخرجت. آدم بوجع: هسافر يا عشق وهبعد عنك، كان نفسي ماسافرش، بس ده أحسن ليا وليكي، بس مش عارف إزاي هقدر أشوفك مع حد غيري، لا وكمان مش أي حد، ده صاحبي وحبيبي، بس المتأكد منه إني لما هسافر هنسيكي يا عشق.