رواية اولاد الجيران الفصل السادس 6 - بقلم نيرة محمد

يوصل حور وحسام المستشفى. حور: أنا عايزة أدخله. حسام: لو سمحتي هي عايزة تدخل للمريض علاء نور الدين داود. الممرضة: تمام تعالي هدخلك. تأخذ الممرضة حور لتدخلها لعلاء الغرفة وتطلع. وترزح حور جنب سرير علاء وتقعد تتكلم. حور: أنت الصبح قولتلي إنك بتحبني، حتى ما سبتش ليا فرصة أتكلم. أنا ما بقاش قاسم يفرق ليا من بدري يا علاء، أنت ما كنتش بالنسبة ليا مجرد جار وصاحب، أنت كنت أكتر من كده. تخلص حور كلامها وتقوم تقف عشان تطلع.

وفجأة تلاقي علاء مسك إيديها بإيده اللي فيها محاليل والأجهزة، فترجع تقعد على الكرسي جنبه. بعد شوية، الممرضة تدخل عليهم الغرفة هي والدكتور. الدكتور: آنسة حور، إحنا لازم نطلعك عشان نتعامل معاه لإنه في غيبوبة، وإن فضل كده هيصيبه شلل. حور: بس حضرتك هو كان لسه ماسك إيدي من شوية. الممرضة تبص على إيد حور وعلاء وتبتسم. الممرضة: ولسه ماسكها. حور تبعد إيديها من عند إيد علاء. الممرضة بنفس الابتسامة: ده من آثار الرومانسية.

حور تتكسف وتطلع برا الغرفة وتقعد على مقعد في المستشفى، وحسام يروحلها ويقعد جنبها. حسام: في إيه طلعتي ليه؟ حور: الدكتور جوا وبيقول إنه محتاج يشوفه لإنه في غيبوبة وممكن يصيبه شلل فا خايفين من كده. حسام: ده كلو بسببي أنا اللي قولتله يطلع يتأكد من إن الفلوس اتحولت، هي شغلانة وكانت شورة هباب عشان سيبته لوحده. حور: شغلانة إيه وفلوس إيه؟ فجأة حور تسمع صوت بنات عمالين يضحكوا ويتهمسوا ويبصلها. حور: هو في إيه؟

حسام: لا بس أنتي جاية بالبيجامة. صوت البنات عمال يعلى وحور بدأت تتعصب. ست كبيرة قاعدة: في إيه يا حبيبتي منك ليها. البنت الأولى: أنتي مش شايفة جاية بإيه؟ الست: لا كلنا شايفين وساكتين، أنتوا إيه اللي عرفكوا ظروفها كانت إيه عشان تيجي كده؟ البنت الثانية بضحك: أكيد لا عشان تمشي ببيجامة برا البيت. الست: حبيبتي ما تعرفيش اللي جوا ده يبقى مين ومن خضتها جات كده. الدكتور يقطعهم: أستاذ حسام، آنسة حور، أستاذ علاء فاق.

حسام: هو مش كان في غيبوبة؟ الدكتور: آه بس مؤقتة مش أكتر. حسام يقوم ويبقى واقف على باب الغرفة. حسام: حور يلا. حور وهي بتتمشى في الطرقة: لا خش أنت ويستحسن ما تقولش لعلاء إني جيت معاك لا ياخد مقلب في نفسه. حسام: طب روحي اقعدي في العربية وهتلاقي جاكت لعلاء البسيه. حور: لا مش هروح العربية أنا هقف هنا. حسام يطلع ويجيب الجاكت ويديه لحور. حسام: البسي عشان ما تبرديش ومش عشاني عشان علاء. حور تلبس الجاكت.

حور: روح وأنا جاية وراك. حور تمشي ناحية الست اللي كانت بترد على البنات. حور: شكراً على اللي حضرتك عملتيه جداً. الست: يا بنتي إحنا محدش فينا حاسس بظروف التاني ولا عارفها. حور: شكراً جداً على ذوق حضرتك. الست بضحك: إلا قوليلي مين اللي أنتي جاية له؟ حور: ده واحد جيراننا وصاحبي من الطفولة. الست: لو عايزة نصيحة هتلاقيني قاعدة في البيت الأحمر اللي هناك كده قصاد المستشفى. حسام: يلا يا حور. حور وهي ماشية لحسام: شكراً.

يدخل حسام وحور الغرفة عند علاء. حسام: علاء أنت كويس؟ علاء بتعب: آه ما تخافش... حسام أوعى تكون قولت لأمي. حسام: هي أمك ما تعرفش بس في حد يعرف. علاء: مين ده أهلك؟ حسام: لا، ويشاور على حور. علاء: حور؟ حور وهي رايحة تقعد جنب علاء: أنت تسكت خالص ده أنت جبتني بالبيجامة وخلتني كنت هتخانق برا. علاء: أنتي إيه اللي جابك؟ حور: أنت بتطردني بالذوق ولا إيه؟ علاء بزعيق وباين عليه التعب: حور إيه اللي جابك؟

تطلع حور برا الغرفة وترجع تقعد جنب الست. الست: احكي. حور: ده لسه قايلي إنه بيحبني الصبح. الست (فوزية) : وأنتي بتحبيه؟ حور: قلبي كان مع غيره وفجأة بقيت عايزة أشوفه على طول بقى بالنسبة ليا حاجة. فوزية: الحب ما بيفرقش بين كبير وصغير، ولو دوقتي استحملي أنتي بس دوقي مر ببعده عنك. حسام: علاء إيه اللي أنت قولته ده؟ علاء: حسام الوقت متأخر. حسام: على فكرة كنت تقدر تتكلم براحة. علاء: حسام أنا تعبان ومش قادر.

حسام: طيب وهي إيه نظامها؟ حسام ياخد علاء يطلعوا بعد ما بيشيل الكانولا والمحاليل ويطلعوا يقعدوا جنب حور. حسام: أنا هروح أحاول أعمل ورق إني أطلع علاء من هنا. حور: تمام... هي دي بنت حضرتك؟ فوزية: آه بنتي. حور: اسمك إيه؟ البنت: اسمي شهد. علاء: