رواية اولاد الجيران الفصل الخامس 5 - بقلم نيرة محمد

علاء.. جيبي الكوتشينه الاول. حور جابت الكوتشينه وعلاء بيفكر. حور.. خير بقا يا استاذه عليوة هتقولي اي؟ علاء.. حور أنا… أنا بحبك. حور بصدمة.. اي؟ علاء.. أنا همشي. سلام. علاء مشي وساب حور واقفة بصدمتها. حور.. هو علاء قال اي؟ بنت صغيرة كانت واقفة جنبهم بتبيع ورد. البنت.. قالك انو بيحبك يا ابله وخدي مني الوردة دي هدية حلوة. حور.. لا شكراً. البنت.. والنبي ما تكسفيني يا ابله ده أنا فرحتلك.

حور خدت الوردة وابتسمت للبنت وراحت البيت. دعاء.. احنا هنمشي بقا يا حوري عشان اتأخرنا. حور.. طب ابقوا تعالوا تاني. ملك.. حاضر هنبقى نجيلك. يارا.. نيجي أي ده أنا اتهنت. وتضحك وتكمل كلامها.. هو ده منظر بحث. حبيبة.. ده بحث يشل. حور بضحك مصطنع.. انتوا اللي مش دحاحين. البنات ضحكوا ومشوا وقعدت حور هي وحبيبة في أوضتهم. حور.. حبيبة. حبيبة.. نعم مالك مش مظبوطة لي كده؟ حور.. حبيبة أنا مش عارفة أعمل إيه. وتبدأ تعيط.

حبيبة.. في إيه مالك؟ حور.. علاء. حبيبة.. ماله علاء؟ حور.. اعترفلي إنه بيحبني. حبيبة.. إيه؟ بيحبك انتي؟ حور.. مش عارفة أعمل إيه. عند علاء اللي بيدخل الكلية بالليل على الساعة تسعة، بيدخل لي مكتب العميد وهو مخبي وشه، ويقعد على الكرسي ويفتح اللابتوب ويبدأ يبحث فيه. حسام قاعد مع أهله وبيلاقي علاء بيرن عليه. يخش جوه ويرد ويفتح اللابتوب عشان يعمل شغل. علاء.. هو اللي نقل الفلوس لحساب وهمي والحساب باسم بنت.

حسام.. جيبلي اسم الحساب عشان أنقل الفلوس منه. علاء.. سلمي إبراهيم. الرمز **********. حسام نقل الفلوس لحساب علاء. حسام.. علاء الفلوس اتنقلت على حسابك. اطلع بعد ما تجيب نسخة لكل اللي على اللابتوب في الفلاشة اللي معاك وتأكد إن الفلوس وصلت. علاء.. تمام. ماشي. علاء ينسخ اللي على اللابتوب على الفلاشة ويطلع من المكتب وينط من على سور الجامعة. ويبقى ماشي باصص في الفون عشان يرن على حسام.

فجأة صوت زمارة عربية عمالة تزمر بسرعة رهيبة ورا بعض. وفجأة الدنيا بقت سودة في عيون علاء وصوت الناس حواليه عاملين يقولوا إنه يروح المستشفى. عند حسام تلفونه بيرن رقم غريب. حسام.. الو مين معايا؟ الشخص.. حضرتك أستاذ حسام. حسام.. آه خير حضرتك مين؟ الشخص.. أحب أقول لحضرتك إن في شخص عندنا في مستشفى الحياة جه وحالته حرجة جداً وهو حالياً بين الحياة والموت. حسام.. أنت بتقول إيه يا عم انت اتجننت؟ الشخص.. حضرتك تقدر تيجي تتأكد.

حسام يقفل الفون ويقوم يلبس ويطلع ويقابل حور على السلم. حور.. رايح فين دلوقتي يا عم انت الوقت متأخر. حسام.. علاء عمل حادثة وبين الحياة والموت. حور بصدمة.. إيه؟ انت بتقول إيه؟ حسام.. مش عارف أنا رايحله المستشفى اللي رنوا عليا منها. حور بقلق.. أنا هاجي معاك ينفع. حسام.. بس خالتي سمية مش هتقولك حاجة؟ حور.. هبقى أرن عليها يلا بس. ينزل حور وحسام يركبوا العربية ويتحركوا. وحور ترن على مامتها. سمية.. الو يابت انتي فين ده كله؟

حور.. أنا مع حسام. سمية.. مع حسام فين يا بت؟ حور.. علاء عمل حادثة وبين الحياة والموت ورايحة معاه المستشفى. سمية.. ينهار أسود. عمالة إمتى يا بت؟ حور.. مش عارفة يا ماما. ادينا رايحين. سمية.. طيب. ولما توصلي ابقي طمنيني عليه. حور.. حاضر يا ماما. تقفل حور مع مامتها وتبص لحسام اللي بيسوق ومتنح. حور.. حسام ممكن أسألك سؤال؟ حسام.. اتفضلي اسألي. حور.. انت تعرف إن علاء بيحبني ولا لأ؟

حسام.. آه هو قالي وأنا اللي قولتله إنه يعترفلك. بس ليه؟ حور.. اممممم… طيب. حسام.. هو عارف إنك بتحبي غيره؟ حور.. عرف منين؟ حسام.. حور أنا هقولك حاجة كأختي ومش عشان علاء ابن عمي أو صاحبي. بس لما تحبي حاولي تدي فرصة لشخص بيحبك بجد مش شخص جرحك بكلمة أو ضايقك. صدقيني كلنا دوقنا الحب من طرف واحد. حور.. بس محدش فينا حس بوجع.

حسام.. لأ علاء حس. كل مرة كان بيشوفك فيها ويشوف بصتك لقاسم قلبه كان بيوجعه إنك ممكن متبقيش ليه. ديما أنا كنت شاهد على كلام علاء عليكي. علاء حبك بجد. ولو يطول يجبلك حتة من السما يجيبهالك بس تبقي ليه. حور انتي اتقدملك عرسان كتير قبل كده واللي كان بيطردهم كان بيبقى علاء. حور.. علاء كان بيعمل كل ده؟ حسام.. ولو يطول يعمل أكتر هيعمل. علاء عاصر نفسه في الشغل عشان يجيب شقة ويستقر بنفسه لأنه كان نفسه يتقدملك جداً.

حور.. وانت جربت الحب من طرف واحد ده منين؟ حسام.. أنا جربته مرتين. مرة في حبيبة أختك زمان ومرة في بنت بس حبينا بعض. حور بمفاجأة.. حبيبة أختي؟ حسام.. حبيبة لسه سايبة في قلبي أثر. لسه سايبة في نفسي علامة. كنت بشوف براءتها وكنت بشوفها قدام عيني بس حسيت إنها مش ليا فبطلت أوجع قلبي. حور.. أهي دايرة وبتدور. حسام.. دايرة وبتدور إزاي؟

حور.. يعني أنا كنت بحب علاء وأنا في الثانوية وهو دلوقتي بيحبني بعد ما أنا طلعته من دماغي وقولت إنه مستحيل يحبني. وانت كنت بتحب حبيبة بس خوفت توجع قلبك. بس هي قلبها اتوجع من حبها اللي بطرف واحد. حسام.. مين بقا؟ حور.. دايرة دوارة. يوم ليك يوم عليك. أنا كنت بحب علاء الأول وانت كنت بتحب حبيبة زمان. اهو دلوقتي هما اللي بقوا بيحبونا. حسام يضغط فرامل فجأة. حور.. في إيه؟ وصلنا؟ حسام.. حور هو أنا الشخص اللي حبيبة بتحبه؟

حور.. أينعم. حسام.. انتي بتهزري؟ حسام.. إحنا لو لفينا الدنيا مش هنلاقي زيهم لأنهم حبونا واحنا كنا بنحبهم. حور.. طب يلا نطمن على علاء الأول ونشوف الحوار ده بعدين. يوصل حور وحسام المستشفى. حور.. أنا عايزة أدخل. حسام.. لو سمحتي هي عايزة تدخل لي المريض علاء نور الدين داود. الممرضة..