رواية اولاد الجيران الفصل الثاني 2 - بقلم نيرة محمد

روح حبيبه وتخش البيت. حبيبه: يا اللي عايشين هنا. حور: مفيش حد يا اختي هنا. تدخل حبيبه وتنط جنب حور على الكنبه. حبيبه: اومال راحو فين يا اختي. حور: بابا خد ماما يخرجها. وتضحك وحسام خرج مع المزة اللي هتبقى مرات أخوكي إن شاء الله. حبيبه بضحك: هما العيال دول مش في تالتة ثانوي تقريباً. حور: تقريباً يا اختي. قوليلي يومك عدى إزاي. حبيبه: قبل ما أقولك، انتي مروحتيش الكلية ليه. حور: مش ليا نفس أروح نهائي. حبيبه: عشان قاسم.

حور: ممكن ننهي الموضوع ده وتقوليلي يومك عدا إزاي. حبيبه: اوكي، بس ترجعي تحكيلي وعد. حور: وعد يحبوبة، بس قولي. حبيبه: أنا كنت نازلة متأخر على الكلية وقابلت حسام واقف تحت عند البوابة. لما قولتلوا يعديني قالي إنه يوصلني وإنه كان مستنيني أصلاً، فـ ركبت معاه. حور تلف لحبيبه: اوبا اوبا اوبا. واتكلمتوا على إيه.

حبيبه بنبرة حزن: اتكلمنا عن الحب من طرف واحد وسألني إن جربته ولا لأ. قولتلوا إني جربته وهو قالي إنه جربه بس بقى من طرفين. حور بزعل: وهي مين دي بقى. حبيبه: يارا. حور: يارا اللي كانت البيست فريند القديمة بتاعتك وكنت جيرانا قبل سبعتاشر سنة. حبيبه: أيوا هي، بس عادي. يلا احكي انتي بقى. حور: احكي إيه، فكك مني عشان منكدش على بعض. حبيبه: لا أنا بحب أنكد، يالا يابنت احكيلي.

حور: انتي عارفة إني بحب الدكتور قاسم اللي عندي في الجامعة. وفي حد عرف وراح قال له. حبيبه: مين اللي عرف يا حوري. حور: مش عارفة…. بس هو جه قعد يديني محاضرة في الحب وإنه أكبر مني وإنه عيب وحرام. حبيبه: بس روحي كليتك مش هتوقفيها عشان قاسم يعني. حور بزعل: مش عارفة احنا إيه حكايتنا احنا الاتنين في الحب من طرف واحد. حبيبه: خلاص بقى وقومي ذاكري عشان هتروحي كليتك بكرة.

حور: مهو بس قبل ما نذاكر، يلا افتحي الشنطة اللي حسام أدهالك. تفتح حبيبه شنطتها وتطلع الشنطة اللي حسام أدهالها وتفتحها. حبيبه: واو، هو عرف منين إني كان نفسي حد يجبلي سلسلة عليها فراشة وكمان شكولاتة. بقولك إيه يابنت يا حوري، احنا هنقسم الشوكلاتة دي بينا. حور: أصلاً حسام هيجبلي عشان لو اتأخرت برا وبابا وماما جم قبله، استر عليه ومقولهومش إنه بيقابل بنت أو المزة اللي أمك هتبقى حماتها.

حبيبه بضحك: لا خدي دي من حسام، التانية من حسام. تضحك حور وتاخد الشوكولاتة من حبيبه وياكلوها ويجيبوا كتبهم ويقعدوا يذاكروا. بعد ساعة، حسام بيدخل البيت وبيكون خايف إن أهله يكونوا جم. حور: ادخل ادخل، لسه مجوش. حسام بطمئنان: اه طمنتيني. يدخل يقعد جنب أخواته. حبيبه: أي فرحتوا بالخروجة. حسام: كانت وحشاني أوي يحبوبة والله، كان نفسي أشوفها وهي مش بتروح معايا أي درس.

حور: أي الرومانسية دي ياواد، ربنا يخليكوا لبعض، بس ركزوا في مذاكرتكم. بعد ساعتين من مذاكرة العيال. حسام: أنا جوعت. حبيبه: وأنا والله، ولما كالنا الشوكولاتة وجعتلي بطني لأني مفطرتش. حور: تعالوا نقوم نعمل أكل. يقوموا العيال يعملوا أكل وياكلوا ويقعدوا يذاكروا. الأب وهو بيفتح الباب: محمد. الأم: لا بس إيه رأيك في الخروجة يا كل السمية. الأب: كانت جميلة جداً يا حاج، ربنا ما يحرمني منك.

حسام: أيوه، والعة معاكم انتو أوي، إيه ده كله من العصر لحد الساعة 9. ما لسه بدري. يخش الأب والأم يقعدوا جنب عيالهم. الأم: العيب إن أبوكوا سألني فيا، مش زيكوا يا خايبين. حسام بهمس لحبيبته: أنا مشيت بعد أبوكي وأمك وجاي بقالي تلت ساعات. حبيبه: بكرة لما تخطبها، مهترجعش البيت غير لما الليل ييجي. حسام: أنا هتجوز على طول، كفاية من أولى ثانوي. الأب: بتتهمسوا في إيه يا ضنى منك ليها.

الأم: سيبك يا حاج منهم، وقوم غير يا أخويا هدومك وخش نام. وانتوا خلصوا مذاكرتكم وخشوا ناموا عشان انت عليك مشوار زي ما بتقول. وانتي يا حور مش ناوية تروحي الجامعة. حور: لا يا ماما، هروح من بكرة. حبيبه: أنا مش عندي كلية بكرة، بس رايحة مشوار مع حسام. الأم: طب يلا خلصوا مذكرة وخشوا ناموا. تاني يوم الصبح. حبيبه في أوضة حور وهي بتشيل البطانية على حور. حبيبه: حور، يلا يابنت الكلية. حور بنعس: إيه، لسه بدري، في إيه.

حبيبه بمكر: قومي الساعة تسعة. حور: أنا عارفة إن الساعة لسه ستة ونص. حبيبه: طب يلا، أنا طالعة وانتي قومي البسي ويلا. الساعة سبعة. حور: عملتي الفطار يا سوسو. الأم: اه، تعالي افطري. تفطر حور وتنزل عند باب العمارة. حور: صباح الخير يا حسام. حسام: صباح النور يا حوري. حور: إيه واقف كده ليه. حسام: كنت مستني حبيبه. حور بابتسامة: لا، امشي، هي مش عليها كلية النهاردة. حسام بابتسامة: طيب، تعالي أوصلك.

حور بضحك: إيه، هو أي حد توصلو وخلاص. حسام: ما أنا طول عمري بوصلك، بس انتي اللي قعدتي من الكلية فجأة. حور: ما علينا، يلا عشان أنا متأخرة. حسام: بقولك إيه، خدي الشوكولاتة دي. حور: إيه، كنت جايبه لي حبيبه ولا إيه. حسام: لا، بس أنا عارف إنك مش بتقعدي من الكلية غير لما بتبقي زعلانه. حور: انت لسه فاكر. حسام: حور، انتي كنتي أقرب صاحبة ليا، واللي كنتي بتعملي في المدرسة نفس اللي بتعملي في الكلية، حتى لو أنا أكبر منك.

تبتسم حور وتأخذ الشوكولاتة من حسام. حور: شكراً جداً يا حسام، حقيقي انت أفضل صاحب أنا شفته في حياتي. حسام: يابنت، انتي في قلبي وأكتر واحدة أنا بحبها وبحب أتكلم معاها، انتي مش مجرد صاحبة. تبتسم حور لحسام وهو كمان يبتسم ليها وهو يركب العربية وهي تخش الجامعة. في الطرقة تبص على الشوكولاتة وتبتسم، فتلمح ورقة على الشوكولاتة اللي مربوطة بفيونكة عشان الشوكولاتة مش تتفك وتقع وتلاقي كاتب ليها:

"القمر وصاحبي مينفعش يزعل. يحرق اللي مزعلك يا قمر انت. دي حاجة بسيطة لحد ما أجيب ليكي الهدية الكبيرة. ومتزعليش يا روحي وفكك من أي حد يزعلك يا قمر ♡" حور بابتسامة: آه منك يا حس يا بكاش. صوت من ورا حور بينادي عليها. حور بتبص وراها: دكتور قاسم. أهلاً. قاسم: أومال انتي فين يا بنتي بقالك فترة مش بتيجي الكلية ليه. حور بثقة مصطنعة: ....