رواية اولاد الجيران الفصل الثالث 3 - بقلم نيرة محمد

حور بتبص وراها. دكتور قاسم: أهلاً. قاسم: أومال إنتي فين يا بنتي بقالك فترة مش بتيجي الكلية ليه؟ حور بثقة مصطنعة: لا بس مكنش ليا مزاج إني أنزل الكلية الفترة اللي فاتت، فقضيتها مع ماما وعيلتي في البيت. قاسم: حور، هو إنتي زعلانة مني بسبب الموضوع اللي حصل؟ حور: لا لا لا لا عادي على فكرة، أنا بس كنت قاعدة عشان مكنش بيبقى في حد في البيت وأنا بقعد فيه مش أكتر. قاسم: متأكدة يا حور؟

حور: دكتور قاسم، أنا ببقى قاعدة في البيت لأنهم مش بيبقوا في البيت وأنا ببقى تعبانة مش أكتر، مش شايفة سبب يخليني أكذب عليك يا دكتور. قاسم: أنا مش قصدي إنك بتكذبي عليا يا حور، بس اتفضلي إنتي عليكي محاضرة مش عايز أعطلك. تدخل حور المدرج وتقعد مع أصحابها. رنا صحبتها: إيه ده! أوب أوب مين اللي جابلك الشيكولاتة دي يا بت يا حوري؟ حور بابتسامة: الواد حاس، جيرانا وصاحبي من الطفولة. رنا: طب يلا ركزي في المحاضرة ياختي.

عند حبيبة في البيت. حبيبة: بقولك يا واد يا حاس. حاسم: إيه يا حبوب، خير. حبيبة: إنت كنت رايح فين في مشوارك اللي هتروحه ده اللي قلت عليه؟ حاسم بهمس: كنت رايح أقابل البت اللي أنا بحبها. حبيبة بحماس: أووو! طب خدني معاك، هموت وأشوفها. حاسم: مش عارف يا حبوب، والله. حبيبة: طب رن عليها وكلمها. حاسم: طب خشّي أوضتك وأنا هجيب فوني وأجي. حبيبة: حاضر يا حسوم. تدخل حبيبة الأوضة بتاعتها وحاسم يروح يجيب فونو.

وفي مكان تاني شبه مهجور، لكنه شكله جميل واستايِله ملوكي. راجل كبير في السن قاعد هو وحسام وبيتكلموا. الراجل: إنت لازم تنفذ اللي قولنا عليه. حسام: يفندم، هو محتاج فترة طويلة عشان أجهزه بدون أي أخطاء. الراجل: قدامك خمسة عشر يوم، إن معملتهوش في الفترة دي كلنا هنتبهدل، صدقني يا حسام. حسام: تمام يا فندم. الراجل: يلا روح لشغلك. يروح حسام لشغله. ونروح لحاسم وحبيبة. حاسم يدخل الأوضة وهو معاه الفون ويقعد جنب حبيبة على السرير.

يفتح حاسم الفون وبيطلع الرقم. حبيبة: تاريخ إيه اللي إنت عامله رمز الموبايل ده؟ حاسم: تاريخ عيد ميلادها. حبيبة: الحب ولّع في كيس الدرة. حاسم: طيب أرن ولا هتقعدي تتريقي؟ حبيبة: لا لا، رنّي. رن حاسم على البنت وترد عليه. البنت: زينة. حاسم: الو يا روحي. زينة: إيه يا حاس، خلصت مذاكرة؟ حاسم: آه. زينة: بقولك. حاسم: قول، اتفضل. حاسم: أختي الكبيرة كانت عايزة تيجي معايا النهارده.

زينة بتردد: لا لا، مش عارفة، أنا مش شفت أخواتك نهائي. حاسم: زينة، أولاً أخواتي دول عارفين كل حاجة عني وبيحبوكي جداً. زينة: والله يا حاسم أنا خايفة مش أكتر. حاسم: متخفيش، أخواتي مستحيل يعملوا ليكي أي حاجة. زينة: خلاص، هاتيهم وأنا هلبس كمان شوية وهخرج. حاسم: تمام يا روحي، خلي بالك من نفسك. يقفل حاسم مع زينة ويقوم يلبس هو وحبيبة ويروحوا لحور ورنا في الجامعة.

رنا: يلا بقا المحاضرة خلصت، خلينا نروح نقعد في الكافتيريا شوية عشان جاي لينا دكتور جديد. حور: يلا ياختي. في الجامعة شخص بيتمشى وبيتكلم مع حسام على الفون. حسام: أنا مش عارف هنقدر نعمل كده إزاي. علاء: والله ولا أنا يا ابن عمي. علاء يدخل ورا حيطة من المكان اللي كان ماشي فيه. علاء: ينهار أسود! حسام: في إيه يا علاء، مالك؟ علاء: حور هنا في الكلية دي. حسام: آه ما أنا عارف، أنا اللي موصّلاها الصبح للكلية.

علاء بضيق: ومقولتليش ليه يا عم إنك... حسام: أنا مش مركز، إحنا قدامنا خمسة عشر يوم بس. علاء: مش مهم بقا. يقفل علاء مع حسام. وحور ورنا يروحوا الكافتيريا ويطلبوا قهوة ويقعدوا. عند حاسم وحبيبة وصلوا للكافيه اللي هيقابلوا فيه زينة. حاسم يشاور على طاولة لحبيبة. حاسم: هي اللي قاعدة هناك دي. حبيبة: قمورة أوي. يروح حاسم وحبيبة ويقعدوا جنب زينة. زينة: أهلاً. حاسم: إزيك؟ زينة: كويسة الحمد لله. حاسم: كنتِ وحشاني على فكرة.

زينة: وإنت، وعلى فكرة. وقلت لك تعالي معايا كام درس، إنت اللي عامل فيها دحيح ومش راضي. حاسم: والله يا زوزة، إنتي عارفة إني مش بفهم غير من المدرسين دول بس. زينة: يا راجل! على الله بقا بعد ده كله متجيبش مجموع، طب والله أقتلك. حاسم: يا قمر انت، فكك مني، المهم إنتي تجيبي مجموع الكلية اللي إنتي عايزها يا زوزو يا قمر انت. زينة: أختك قاعدة يا أستاذ. حبيبة بضحكة: والنبي فكّكوا مني وكملوا. حاسم: في إيه يا حبوب، مالك؟

زينة: هو إنتي اسمك حبيبة؟ حبيبة: آه... مش عارفة، حاسة إني عارفاكي. زينة: ممكن يكون تشابه مش أكتر. حبيبة: إنتي ليكي أخت كبيرة؟ زينة: آه، رنا في تانية جامعة. حبيبة: رنا في جامعة إيه؟ زينة: في كلية حقوق. حبيبة بصدمة: إنتي أخت رنا؟! حاسم: إنتي تعرفيها يا حبوب؟ حبيبة: دي صاحبة حور، أختك اللي بتيجي معاهم طول الوقت. زينة: إنتوا أخوات حور؟ حاسم: في إيه بقا؟ هو إنتوا جايين تتصدموا دلوقتي؟ زينة: إنت مقلتليش أسماء أخواتك نهائي.

حاسم: زينة، لأن إنتي مسألتنيش عليها، ولا إنتي قولتيلي إن عندك أخت اسمها رنا، إنتي قولتيلي إن ليكي أخ أصغر منك. زينة: لأنك مسألتنيش عليها يا حاسم. حبيبة: هقولكو حاجة، إنتوا الاتنين مسألتوش بعض عن أخواتكم، وأنا شايفة إن ده مش ضروري، مدام إنتوا عارفين كل حاجة. زينة: إنتي شايفة كده؟ حبيبة: أنا ككبيرة شايفة كده... هي رنا عارفة؟ زينة: آه عارفة، بس مش تعرف إن أخوكي. حبيبة: ربنا يخليكوا لبعض. بعد نص ساعة زينة بتقوم تمشي.

وحاسم بيروح هو وحبيبة عند حور في الجامعة. الاستراحة خلصت والعيال بيخشوا المدرج. قاسم: دكتور علاء، إنت هتخش لمدرج رقم خمسة. علاء: تمام، أنا اطلعت على أسماء الطلبة، إنتوا بدأته ببنت وبحرف الحاء كمان، إيه السبب؟ قاسم: ترتيبهم هنا بيبدأ من الأشطر، وحور أشطر بنت في الكلية. يدخل علاء وقاسم المدرج. رنا: جاي لينا دكتور، العيال بيقولوا مزز. كل الطلبة يلتفتوا للدكتور الجديد اللي دخل. حور بصدمة وصوت عالي...