رواية أوتار عاشقه الفصل التاسع 9 - بقلم دنيا ثروت

يا مدام ده غير عاقل. الفندق كله أكد إنه... هوماسه: وأنا بقول لحضرتك إن جوزي ميعملش كدا. ده حبيبي ونور عيوني. = بس.!! ماسه: مفيش بس. حضرتك ممكن تطلعه وتجيبه هنا. لأني مشتكتش عليه وميهمنيش كلام الفندق. وعن إذنك عايزة أستريح. = تمام. بعد عدة ساعات بيدخل عليها ليث وبيجري عليها يمسك إيدها بعياط: أنتي... أنتي كويسة يا ماسه؟ ماسه بتعب بتشد إيدها، بتفضل متردش. ليث: هتخاصميني يعني. بيقعد على الأرض وينكمش ويعيط.

ماسه بزهق: خلاص قوم... قوم يا ليث. بيقوم وبيجري عليها ويمسح دموعه: هنروح البحر صح؟ ماسه: صح إن شاء الله. بتلبس هدومها وبيخرجوا من المستشفى، بيرجعوا الفندق وكل العاملين عينهم عليهم. بيخبط في طفل: مش شايف قدامك. الطفل خاف ومشي. ماسه بتمسكه من دراعه: معلش ياحبيبي... معلش. بيطلعوا الأوضة وبتقفل الباب، بتقعد على السرير وهي تعبانه جدا. ليث: هننزل امتى يا ماسه. ماسه بتمسكه من إيده بحنية وهدوء:

إيه رأيك نلعب في الأوضة شوية، وبكره ننزل عشان ماسه تعبانة. ليث: طيب... ماثي. ماسه: يلا، هدخل آخد دوش وأنت العب شوية بالفون. محمد كان بيشتغل ويرتب الأوض. دخلت عليه ست شبه عاريه قطعت هدومها. محمد: احترمي نفسك، البسي. استغفر الله. الست بصويت: ألحقوووني... بيتحر'ش بيا... ألحقوني ياناس... ألحقووووني. الفندق بيتلم عليهم والأمن بيودوه القسم. محمد: والله يابيه ما عملت حاجة. الظابط: ماشاء الله... سوابق بتاعتك حلوة.

محمد: أبوس إيدك يابيه أنا ملمستهاش. الست بمياصة: يابيه الراجل ده كان هيلمسني. صاحب الفندق بيكلمها في ودانها: خدي كام قرش ونحلها ودي. الست: خلاص يابيه... الراجل برضو مهما كان زي أبويا تلاقيه الشيطا'ن وزه ولا حاجة. خرجت من القسم واخدت الفلوس. اتصلت بالتليفون: عملت اللي قولتلي عليه. أظن مكافأتي جاهزة. هههييييهههي. خرج من القسم مش عارف يروح فين ولا يجي منين. هيبات في الشارع ولا يعمل إيه. حد بيرمي الرسالة في وشه:

لو قتل'ته مش هتبات في الشارع. دويدار وهو بيحط رجل على رجل في المكتب: كلها أيام وأنول اللي عايزة. المحامي: البت دي لازم تتظبط كل شوية عشان متبوظش شغلنا كله. دويدار: أمرها سهل أوي... بعد ما نخلص منه هنخلص منها. سهلة. بتخرج من الحمام كان ماسك الموبايل. لفتت انتباهه بشعرها الحرير. ليث بيسيب الفون ويقرب عليها. كانت بترجع لورا لحد ما أنفاسه تقربت مع أنفاسها. أتكلم بصوت رجولي وعشق: إيه رأيك نتمم جوازنا.