رواية أوتار عاشقه الفصل العاشر 10 - بقلم دنيا ثروت

بيسحبها من خصرها وبيكمل في كلامه: مردتيش يعني. جسمها كان بيصب عرق، ضربات قلبها بتزيد: أنت بتقول أي! بيرجع ويبص ليها، بيزيح شعرها لورا: لي بقا مسمعتيش كويس. بيبعده وبتلف الهدوم عليها كويس: ليث أنت واعي للي بتقوله! بيقعد على السرير ويخلع قميصه ويتكلم زي الأطفال: جدو دويدار قالي إن الجواز لما تبوسيني. ماسة بتقرب عليه وتقعد جنبه، بتديله القميص بجمود: طيب ألبس الأول. ليث: لا أنا عايز اتجوز، لا أنا عايز اتجوز.

ماسة: مانت متجوزني. ليث بفرحة: يعني في بطنك بيبي دلوقتي. ماسة بصدمة: بيبي! ليث: أيوه، حتى جدو دويدار قالي أول مابتتجوزو بيجي البيبي. ماسة: طيب ألبس وأنا هفهمك. لبس، هي راحت جابت كوباية ميه وادتهاله: بص بقا، حكاية البيبي دي بتبقى متأخر، يعني ياسيدي لما تكبر كبير أوي أوي هتلاقي بيبي، اتفقنا. ليث: بس أنا عايزة دلوقتي. ماسة بضحك: هو مش لعبة هنشتريها. بتمسك إيديه بلطف: بعدين أنا هفهمك، بس متعملش حركاتك دي كتير ماشي.

ليث: أممم حاضر ياماسة. أنا جعان. ماسة: طيب هنزل أجيب ليك أكل وأطلع ماشي. نزلت فعلاً وراحت البوفيه، أخدت طبق كبير أوي ليه. كانت طالعة الاسانسير مش واخده بالها، خبط فيها: أنتي عامية ماتفتحي! بتلف راسها ليه بعد ما الطبق اتكسر: أنا اللي أفتح ولا أنت؟ بيبص عليها مذهول من جمالها، محسش بنفسه غير وصاحبه بيناديه، وهي مشيت. أخدت طبق جديد. ياسر: بقولك أي، البت دي صاروخ، لازم نعرف أوضتها. بتدخل الأوضة، كان قاعد يلعب،

بص عليه بصه طفولية: اتأخرتي لي ياماسه. ماسة حطت الطبق: واحد غبي خبطني تحت. ليث بفضول: خبطك هههههه. ماسة بتحاول تصبر نفسها: الأكل اهو. ليث: مش هننزل البحر. ماسة: مش قولت بكره. بعدين إن شاء الله هنروح بكره، أنام وأرتاح بس. ليث: طيب. أنا زهقان. ماسة: مش كنت جعان!! بيتصل تلفون الفندق. ماسة: ألو. دويدار: شاطره إنك رجعتي وعقلتي. ماسة بقرف: عايز إيه.

دويدار: ولا حاجة، اتصلت أحذرك لو حاولت تلعبي بدماغك. يلا باي ياحلوة، شهر عسل سعيد. بترزع التلفون بقرف. بتقعد على السرير ماسكة راسها، بتبص عليها وهو كان قاعد زي الأبله: أنت بتبص كدا لي. ليث بضحك: أصل شكلك عامل زي توم وجيري هههه ههه. وقام أخد الطبق عشان ياكل. محمد بيروح بيت عاصم، بيراقبه من بعيد، أول ما خرج جه وراه. صالح حس إن حد وراه، لف ملقاش حد. محمد من ضهره طعنه في شارع مكنش فيه مخلوق. صالح وهو

بيمسك إيده بيتكم بالعافية: مش هسيب، مش هسيبكم. محمد بيزق إيده: بنتي أولى بيك يازبا'له. وتف على وشه وجري. بعد مناهدة اتبعتتله رسالة: جدع يامحمد. محمد بيحاول يتصل بالرقم كذا مرة بعياط: بنتي بنتيييي، حرام عليك عايز أشوفها، لو سامعني أنا عايز بنتي، بنتيييي. عندي سؤال ياماسة. ماسة: ها. = أنتي إزاي اتجوزتيني وأنا متجوز!!