رواية أوتار القلب الفصل الأول 1 - بقلم ريناد أحمد

اروى: أنا عايزة مدرس رياضيات ضروري يا جماعة عشان المستر اللي كان محببني في الرياضيات وقف دروس ومش بفهم من حد غيره وعدى شهرين ومبدأتش درس لحد دلوقتي. مريم: انت عبيطة يابنتي! انت بتسألينا واحنا أدبي أصلاً؟ اروى: آه نسيت معلش، طب ألاقي مدرس رياضيات إزاي؟ أنا جربت كل المشهورين السنة اللي فاتت وطلعوا أي كلام.

ريم: هدى صاحبتي كانت بتقول إنها شاطرة في الرياضة وبتحبها وإن المستر هو اللي حببها في المادة بسبب شرحه، هبقى أعرف لك هو مين وفين بالظبط. اروى: تمام يا حبيبتي، أنا هروح درس الكيمياء بقا أشوفكم على خير. ريم ومريم: ربنا معاكي. اروى: ربنا معاكوا انتوا كمان. وذهبت وتركتهم. ريم ذهبت لدرس العربي. ريم: هدى، بتاخدي رياضة فين؟ هدى: باخد عند مستر زين سالم. ريم: طب اكتبي عنوانه هنا في الصفحة دي. هدى كتبت العنوان وبدأت حصة العربي.

بعد مرور ساعتين وبعد انتهاء الحصة. ريم اتصلت بأروى لتخبرها عن المعلم "زين سالم". اروى: تمام، شكراً يا ريمو. ريم: تحت أمرك يا ست أروى. باليوم التالي. ذهبت أروى لدرس الرياضيات الجديد. اروى: السلام عليكم، لو سمحتي أنا عايزة أعرف مواعيد مستر زين سالم. السكرتيرة: انتي سنة كام؟ اروى: تالتة ثانوي. السكرتيرة (منال) : في ميعاد يوم الأحد والثلاثاء والخميس الساعة 3 العصر، نافع معاكي؟

اروى: آه نافع، طب هو ممكن المستر يشرحلي اللي فاتني؟ منال: اسأليه انتي ويشوفلك ميعاد يشرحلك فيه. اروى: تمام، طب الحجز بكام؟ منال: 300 جنيه. اروى: تمام، اتفضلي. منال: اسمك إيه؟ اروى: أروى الجوهري. منال: تمام، المستر جاي كمان ربع ساعة فاستنيه عشان تحددي ميعاد معاه. اروى: تمام. بعد مرور ربع ساعة. زين دخل الدرس. زين: السلام عليكم. منال: وعليكم السلام، مستر زين، في واحدة جايه جديدة وعايزة حضرتك تشرحلها من أول المنهج، ينفع؟

زين: ينفع طبعاً، هي فين؟ اروى: أنا يا مستر. زين ألتفت لها وظل يدقق في ملامحها لفترة. اروى: مستر! زين: أيوه معاكي. اروى: ممكن تشرحلي اللي فاتني؟ زين: حاضر طبعاً، فاضية يوم الأحد والأربعاء الساعة 5؟ اروى: فاضية الأحد بس، الأربعاء عندي درس تاني. زين: طب الثلاثاء الساعة 5 برضه؟ اروى: تمام، يعني يوم الأحد والثلاثاء بس؟ زين: آه، هحاول ألملك المنهج من أوله. اروى ابتسمت: شكراً جداً يا مستر، السلام عليكم. زين: وعليكم السلام.

اروى تجاهلت نظراته في البداية، لكن بعدما نزلت من الدرس ظلت تفكر في نظراته العجيبة إليها. "زين سالم شاب وسيم عنده 27 سنة، معلم رياضيات مبتدئ ولكن ممتاز في مهنته وليس مشهور كباقي المعلمين." "أروى الجوهري بنت جميلة جداً وملامحها رقيقة وعيونها خضراء، وهي في تالتة ثانوي عندها 18 سنة، حلمها أن تكون مهندسة معمارية ودائماً تسعى لتحقيق هدفها." جاء يوم الأحد وذهبت أروى لدرس الرياضيات. اروى: السلام عليكم. السكرتيرة (منال)

: وعليكم السلام، اتفضلي يا أروى، اقعدي لحد ما المستر يخلص الحصة، خلاص فاضل له 5 دقايق. اروى أشارت لها بالإيجابية. بعد خمس دقائق. خرج زين وكان في قمة غضبه من الطلاب، وعندما رأى أروى ابتسم فجأة. اروى لاحظت غضبه وبعدما رآها ابتسم! اروى لنفسها: ده أنا مكشرة في وشه حتى، هو بيعمل كده ليه؟ زين: إزيك يا أروى؟ اروى وقفت: الحمدلله يا مستر. زين: يارب دايماً، خدتي الملازم؟ اروى: لسه. زين فجأة: مناااال! منال: نعم يا مستر.

زين: عايز ملزمة لأروى دلوقتي. منال: هي بتطبع لسه. زين: طب هاتي ملزمتي الخاصة. منال: اتفضل. زين: شكراً، ادخلي أوضة الدرس يا أروى وأنا لحظة وجاي. اروى أشارت له بالإيجابية. اروى دخلت غرفة الحصة وبعد 5 دقائق زين دخل. زين: أنا آسف إني اتأخرت، هو انت عندك درس بعدي؟ اروى: لا. زين: تمام. -بسم الله الرحمن الرحيم، يلا نبدأ. -بصي منهج الرياضيات تقيل شوية فـ حاولي تستوعبي قدر الإمكان. اروى: تمام.

زين بدأ الشرح وطوال الشرح ينظر لعيون أروى ويدقق بها. اروى كانت متوترة بسبب نظراته وحاولت بقدر الإمكان أن تركز في الدرس وليس في زين. زين: فاهمة يا أروى؟ اروى أشارت له بالإيجابية. زين: طب تاخدي مسألتين تحليهم؟ اروى: تمام. انتهت الحصة وكانت أروى في قمة توترها. زين: ميعادنا يوم الثلاثاء الساعة 5 يا أروى. اروى: تمام. اروى ذهبت لبيتها وهي مازالت متوترة بسبب زين. نامت أروى بعد تفكير طويل.

اروى كانت شاغلة عقل وتفكير زين وأنه أعجب بها بشدة. حلمت أروى بزين وفاقت من نومها مفزوعة. اروى بفزع: بسم الله الرحمن الرحيم، أسيبه في الدرس يطلع لي في الحلم وكمان جاي يخطبني في الحلم! اروى تحدثت مع ريم ومريم وحكت لهم. ريم: عريس؟ أحضر السواريه؟ مريم: يا دبلة الخطوبة عقبالنا كلنا. اروى: هتعصب على فكرة. ريم ومريم: لاااا الا عصبيتك دي، إحنا آسفين. اروى: أيوه كده اتعدلوا، أعمل إيه بقا في الحوار ده؟

ريم: اطلعي من عنده لو مش مرتاحة. مريم: آه اطلعي. اروى: المشكلة إنه من أول حصة وطلع شرحه حلو أوي زي المستر القديم وبيفهم اللي قدامه كويس أوي. ريم: حاولي تتجاهلي نظراته. اروى: بحاول بس مش عارفة، ببقى متوترة أوي. مريم: حطي في دماغك إنك تفهمي الدرس وبس، ولما يشرحلك بصي في الكراسة أو في أي حاجة. اروى: هحاول. وظلت أروى على هذا الحال لمدة 3 أسابيع. ذهبت أروى للدرس وهي على باب الدرس سمعت منال وزين يتحدثون عنه:

منال: أنا ملاحظة إنك مركز مع أروى أوي. زين: .....