رواية أوتار القلب الفصل الثاني 2 - بقلم ريناد أحمد

منال: أنا ملاحظة إنك مركز مع أروى أوي. زين: ..... أروى تدخلت ودقت الباب. منال نظرت لزين: اتفضلي يا أروى. أروى دخلت غرفة الحصة. زين دخل ورائها. زين: إزيك يا أروى. أروى: الحمد لله. زين: بصي، دي آخر حصة هتكوني فيها لوحدك، بعد كده هتدخلي في مجموعة بقى. أروى: تمام. أثناء الحصة، أروى كانت تفكر في زين وكانت تتخيل رد فعله على منال، وليست منتبهة للحصة نهائيًا. زين: إنتِ معايا يا أروى؟ أروى: آه يا مستر، معاك. زين: واضح.

أروى: آسفة. زين: متتأسفيش، عادي. هعيد الحتة دي تاني وركزي. أروى: حاضر. وبعد انتهاء الحصة. زين: معادنا الأحد والتلات والخميس الساعة 3. هاه؟ أروى: تمام. وذهبت أروى. منال تنظر لزين بحزن. زين: في إيه يا منال؟ منال: لا مفيش. أنا همشي دلوقتي يا مستر عشان تعبانة. زين: ألف سلامة. منال: الله يسلمك. مع السلامة. *فلاش باك* منال كانت تتحدث بالهاتف مع صديقتها "رؤى": أنا شكلي حبيت زين يا رؤى.

زين جاء من ورائها وسمع حديثها واتصدم صدمة كبيرة، لأنه يعتبر منال أخت له وليس أكثر ولا أقل. رؤى: اتكلمي براحة ليسمعك. منال: ما يسمعني، أنا آخر ما زهقت. هعترف له. رؤى: متتهوريش يا منال، اهدي. منال: أعمل إيه أخفي حبي وغيرتي إزاي؟ والبنات بتقعد تتمايص عليه. رؤى: مش عارفة والله، بس حاولي تخبي شوية. منال: حاضر، هحاول. زين ذهب دون أن تعلم منال أنه جاء حتى. *باك* زين ذهب لصديقه. زين: أنا أعمل إيه دلوقتي؟

أنا حبيت أروى، ومنال بتحبني وبتضايق من أروى جدًا. مازن "صديق زين": إنت بتعتبر منال أختك قبل ما أروى تجيلك الدرس؟ زين: آه يابني، مش عارف أحبها أصلًا. مازن: أروى حاسة إنها بتحبك؟ زين: لحد دلوقتي لا، مش حاسة خالص. مازن: بتحب واحدة مش بتحبك وسايب اللي بتحبك!!! زين: مفيش مشاعر لمنال خالص. مازن: ادي لنفسك فرصة إنك متشوفهاش أختك، شوفها إنها بنت عادية وحاول تحبها. زين: .....

مازن: ولو عايز تتأكد إن أروى مثلًا بتحبك، حاول تعمل حاجات تخليها تغير عليك وشوف إنت واحكم هي بتحبك ولا لأ، فاهمني؟ زين: فاهم. _أروى قابلت صحابها "ريم ومريم". أروى: مش عارفة أعمل إيه بجد. ريم: قولنا اطلعي من عنده من سكات. أروى: مش هلاقي حد يشرح بالطريقة دي، مضطرة أكون عنده. مريم: شوفي في المجموعة الكبيرة هيركز معاكي بردو ولا لأ، لو ركز يبقى حبك واتعلق بيكي يا أروى. أروى صمتت قليلًا: أنا رايحة عشان اتأخرت، باي.

ريم ومريم: باي. أروى ظلت تفكر في كلام مريم لمدة طويلة. _بعد يومين. في درس الرياضيات. أروى وصلت الدرس وتفكيرها كله بـ زين وكلام مريم. أروى دخلت غرفة الحصة. أروى: السلام عليكم. نتاليا: بصوا بصوا، بنت جديدة. نور: باين إنها رخمة. مايا: شكلها كده. أروى سمعتهم وصمتت بحزن. شهد: اهدوا يا جماعة، إنتوا اتعرفتوا عليها عشان تحكموا أصلًا؟ أروى نظرت لشهد وابتسمت: شكرًا يا... شهد ابتسمت: شهد. أروى: شكرًا جدًا يا شهد.

شهد: وإنت اسمك إيه؟ أروى: أروى. شهد: دي أول حصة ليكي؟ أروى: لا، أنا جيت من فترة والمستر خلاني في ميعاد لوحدي وشرح لي اللي فاتني في الشهرين اللي فاتوا. شهد: آها تمام، اتشرفت بيكي. أروى ابتسمت: الشرف ليا. نتاليا بغضب: سمعتوا قالت إيه؟ نور ومايا: .... نتاليا: جابها لوحدها وشرح لها. مايا: عادي يعني يابنتي، هي قالت إنها حبيبته! نور: زين هيبص لدي ويسيبك يعني يا نتاليا؟ نتاليا: مهو مش بيعبرني أصلًا.

نور: حاولي إنت تخليه يعبرك. نتاليا: بحاول وبفشل. مايا: خليكي على طول بتحاولي. شهد: في إيه؟ نتاليا: ملاك الشلة أهلاً. شهد: !!! نتاليا: رايحة تتصاحبي عليها وسيبانا؟ شهد: بنت محترمة وجميلة، إيه اللي يمنع إني أتعرف عليها؟ حرام ولا إيه؟ مالك يا نتاليا؟ نتاليا: بتقولك جابها لوحدها وشرح لها. شهد: وإيه يعني؟ واحدة جاية متأخر شهرين ومن واجبه إنه يشرح لها. نتاليا: ابعدي عني يا شهد وروحي اقعدي جمبها تاني يلا.

شهد: مانا فعلًا رايحة. نتاليا نظرت لها بغضب: ..... زين دخل: يلا نبدأ. وبدأت الحصة. هدى دقت الباب بعد مرور ربع ساعة من الحصة. هدى: أنا آسفة جدًا، بس كنت في درس والله. زين: ادخلي يا هدى. هدى دخلت ورأت أروى وعرفتها لأن أروى تتصور مع ريم كثيرًا. زين بدأ الشرح من جديد وعيونه مش بتتشال من على أروى. أروى لنفسها بتوتر: أروح منه فين ده؟ نتاليا لاحظت نظراته لأروى. نتاليا بهمس وغضب لنور ومايا: بصوا نظراته ليها.

نور ومايا بهمس: اهدي يا نتاليا، اهدي. زين: نتاليا، حلي معايا المسألة دي. نتاليا بغضب: حاااضر. زين: في إيه يا نتاليا؟ ما تتكلمي عدل. نتاليا: ماله كلامي؟ زين: حلي اخلصي. نتاليا حلت المسألة. زين: فاهمين يا جماعة؟ أشاروا بالإيجابية. زين: فاهمة يا أروى؟ أروى أشارت له بالإيجابية. نتاليا كانت غاضبة جدًا. أروى لاحظت أنه ينظر لها بحُب وظلت تتجاهل نظراته حتى انتهاء الحصة. زين وهو ينظر لأروى: نكتفي بهذا القدر.. اتفضلوا يا شباب.

_أروى: أنا بدأت أتعلق بيه وأتعود على نظراته. ريم: بتهزري! مريم: نحضر السواريه؟ أروى: يا جماعة أنا مش عايزة أتعلق بيه أصلًا، أنا عايزة أركز في الدراسة، في 3 ث مينفعش الكلام ده. مريم وريم: ..... _بعد مرور أسبوعين. أروى تعرفت على هدى وشهد أكثر. زين: يلا ادخلوا سمعوا، التسميع صعب وركزوا. كان يتحدث وهو عينه على أروى. أروى تجاهلت نظراته ودخلت غرفة الدرس. نها التسميع وزين دخل الغرفة. زين: إزيكوا يا شباب. جميعهم: الحمد لله.

زين: ركزوا معايا بقى هه عشان الحصة تقيلة النهارده. وانتهت الحصة. زين: قبل ما تمشوا عايز أقولكم حاجة وبالذات أروى. أروى بصدمة: ...