رواية أوتار القلب الفصل الثاني عشر 12 - بقلم ريناد أحمد

أروى: إيه اللي حصلك؟ نتاليا: حادثة بسيطة والحمد لله عدت على خير. أروى: الحمد لله. نتاليا: إيه اللي جابك النهاردة؟ شهد: أنا جيت لقيتها جاية لمستر زين في الأوضة اللي جنبك. نتاليا بصدمة: ماله مستر زين؟ أروى: عمل حادثة النهاردة. نتاليا: ألف سلامة عليه، طب هو كويس؟ أروى: أيوه الحمد لله. نتاليا: الحمد لله. أروى: هسيبك ترتاحي شوية، مع السلامة. نتاليا بابتسامة أشارت بالإيجاب. أروى خرجت. شهد: مش قولتلك إنها طيبة؟

نتاليا: فعلاً باين إنها طيبة جداً. شهد: فعلاً. أروى: هيخرج إمتى يا زياد؟ زياد: استنى هسأل الدكتور. أروى: تمام. زياد: دكتور، زين ممكن يخرج إمتى؟ الطبيب: النهاردة عادي، هو كويس الحمد لله وممكن يخرج. زياد: طب ممكن تكتبله على خروج؟ الطبيب: تمام. زياد: هيخرج النهاردة. أروى وهدى ولينا: الحمد لله. زياد: إيه يا بطل؟ زين: الزوز. زياد: حابب تروح النهاردة؟ زين: يا ريت، أنا مبحبش جو المستشفيات ده.

زياد: عارف عشان كده خليت الدكتور يكتبلك على خروج. زين: أخويا اللي حافظني. زياد: عيب عليك. الطبيب: عامل إيه يا بطل؟ زين: الحمد لله يا دكتور. الطبيب: كتبتلك على خروج أهو. زين: شكراً جداً يا دكتور. خرجوا من المستشفى. زياد أوصل أروى وزين لبيتهم، وأوصل هدى لبيتها، ووصل لبيته هو ولينا. أروى ساعدت زين وأوصلته للغرفة. زين: ساكتة ليه؟ أروى: عادي. زين: مالك؟ أروى: مفيش، ارتاح أنت وأنا رايحة أذاكر. وكادت أن تذهب لكنه مسك يدها.

زين: انتي هتقوليلي مالك يا إما مش هتطلعي من الأوضة. أروى: سيب إيدي يا زين. زين: لا قوليلي مالك الأول. أروى: ماهو لو في حاجة مش هقول ليه؟ زين: عشان عنيدة. أروى: أنا عنيدة؟ زين: أيوه، قوليلي مالك بقا. أروى: أنت زعلان مني ولا لأ؟ زين: لأ، ليه؟ أروى: الحمد لله، أنا كده ارتحت. زين: كنتي زعلانة عشان مفكراني زعلان!!! أروى: أيوه. زين: امشي يا أروى من هنا. أروى: بس متزقش، آه نسيت أقولك. زين: في إيه؟

أروى: نتاليا عملت حادثة ورجلها اتكسرت. زين بصدمة: لا حول ولا قوة إلا بالله، إمتى ده؟ أروى: امبارح لما طلعت من الدرس. زين: ربنا يشفيها. أروى: يا رب. باليوم التالي. نتاليا: أنا عايزة أخرج بقا، أنا بقالي يومين هنا كفاية كده. ليلى: هروح أسأل الدكتور ينفع تطلعي النهاردة ولا لأ. نتاليا: تمام. ليلى سألت الطبيب. الطبيب: ممكن عادي، هكتبلها على خروج. ليلى: تمام، شكراً يا دكتور. نتاليا: أخيراً، أنا تعبت من الجو ده.

خرجت نتاليا من غرفتها على عكازين. مراد وشهد وصلوا. مراد: إيه ده، رايحة فين؟ شهد: إيه اللي مخرجك؟ نتاليا: الدكتور كتبلي على خروج. شهد: الحمد لله، تعالي أروحك. نتاليا: طب لحظة. شهد: في إيه؟ نتاليا: فين أوضة مستر زين؟ شهد أشارت على الغرفة. نتاليا دقت باب الغرفة ودخلت: السلام عل... أنا آسفة. نتاليا: أنت متأكدة إن دي الأوضة؟ شهد: أيوه. نتاليا: يبقى مستر زين خرج بقا. شهد: ممكن برضه. مراد: يلا؟ نتاليا: يلا.

مراد أوصل ليلى ونتاليا لمنزلهم. عدت الأيام وجاء وقت امتحانات الثانوية العامة. كل الطلاب والأهالي كانوا متوترين جداً. أروى: أنا خايفة أوي. زين: اهدي وبراحة خالص وهتعرفي تحلي، يلا ادخلي المدرسة، باي. أروى: استنى شوية معايا يا زين، أنا متوترة جداً. زين: حاضر. عايزه تراجعي على حاجة في المنهج بسرعة؟ أروى: لأ، أنا كده هتوتّر أكتر. زين: طب اهدي بالله عليكي، اهدي بقا. أروى بتوتر: مش عارفة، خايفة أوي.

زين: طب يلا ادخلي، فاضل خمس دقايق والامتحان هيبدأ. أروى: ماشي، نازلة. نزلت وهي متوترة جداً ودخلت اللجنة وامتحنت. وقت الامتحان انتهى والكل خرج من اللجان. أروى اتصلت بزين. زين: عملتي إيه؟ طمنيني. أروى: الحمد لله، الامتحان كان حلو. زين: الحمد لله، أجي آخدك ولا هتروحي دروسك مع صحابك؟ أروى: معلش لو تقدر تيجي تاخدني. زين: حاضر، خمس دقايق وهبقى قدامك. أروى: تمام. زين أخذها من المدرسة. زين: خدي، دي عشان حليتي حلو.

أروى: الله، شيكولاتة!! وعانقته. زين: عقبال باقي الامتحانات يا حبيبتي. أروى: إن شاء الله. زين: عندك درس؟ أروى: أيوه. زين: دلوقتي؟ أروى: لأ، على العصر كده. زين: يعني هتروحي البيت دلوقتي؟ أروى: أيوه. زين: تمام. ووصلوا للبيت. زياد ولينا: عملتي إيه يا أروى؟ أروى: الحمد لله، الامتحان كان حلو. زياد ولينا: الحمد لله، عقبال الباقي. أروى: يا رب. وأغلقوا المكالمة. مراد: عملتي إيه يا شهد؟ شهد: الحمد لله، كان الامتحان حلو.

مراد: الحمد لله، ممكن موبايلك؟ شهد: ليه؟ مراد: هعمل مكالمة. شهد: اتفضل. مراد أخذ رقم نتاليا من هاتف شهد دون علم شهد. مراد: خلاص يا شهد، شكراً. شهد: أنت لحقت تتكلم؟ مراد بتوتر: لأ، ماهو اكتشفت إني شاحن رصيد وناسي. شهد: تمام. على الواتساب. مراد: إزيك يا نتاليا، عملتي إيه في الامتحان؟ نتاليا: مين؟ مراد: أنا مراد أخو شهد. نتاليا: آه، إزيك يا مراد. مراد: الحمد لله، طمنيني عليكي وعملتي إيه في الامتحان؟

نتاليا: الحمد لله، أنا تمام، والامتحان كان حلو وحليت حلو الحمد لله. مراد: الحمد لله، ربنا معاكي. نتاليا: يا رب يا مراد. أروى تحدثت مع هدى. هدى: الحمد لله، حليت حلو. ريم ومريم تحدثوا مع هدى وأروى. ريم ومريم: عملتوا إيه؟ هدى وأروى: الحمد لله، كان حلو. أروى: أنتوا لسه هتبدأوا بكرة مش كده؟ ريم ومريم: أيوه، إن شاء الله، ادعولنا. هدى وأروى: ربنا معاكوا. ريم ومريم: يا رب. وباليوم التالي.

ريم ومريم ذهبوا للامتحان، وهدى وأروى اطمأنوا عليهم. عدت الأيام وانتهت الامتحانات. زين: عشان ده آخر يوم امتحانات، وكمان الحمد لله حليتي حلو، فهنتغدى برا النهاردة. أروى: هيييه، والله أنت جدع. زين بضحك: جدع! أروى: أيوه أوي. زين: ماشي يا حبيبة الجدع. أروى: يابني متثبتنيش كده. زين: أنا حر. أروى: أوك، أنت حر. زين: معندكيش كلمة كده ولا كده؟ أروى: لأ، خلصني عشان جعانة. زين: خلصني!! ده تأثير الجوع أكيد.

أروى: بالظبط، لما آكل هبقى أقولك اللي انت عاوزه يا زوز، يلا بقا. زين بضحك: ماشي. أروى وزين وصلوا للمطعم. أروى: ياه، أخيراً وصلنا وهاكل. زين: همك على كرشك. أروى: أنا عندي كرش!!! زين: لا والله ما أقصد، هي بتتقال كده. أروى: لا أنت تقصد، أنا عندي كرش يا زين؟ دانت ليلتك مش هتعدي النهاردة، نروح البيت بس وهنكد عليك، استنى عليا. زين: اهدييي، إيه براحة، مالك في إيه؟ تعالي كلي وهتنسي إنك هتنكدي عليا، يلا بينا يا فضيحة.

أروى: وكمان فضيحة؟ استنى عليا يا زين. زين بضحك: يادي النيلة على دماغي، يلا يا جعانة. أروى: سديت نفسي، بس هاكل برضه ولا يهمني. زين بضحك: ماشي يا أختي. وبعد قليل. أروى: شبعت الحمد لله. زين: شكلك كنتي هتموتي من الجوع لدرجة إنك كنتي هتاكليني أنا شخصياً. أروى: زين، شكلك عايزني أنكد عليك بجد، إيه جعانة ما أكلش؟ زين: يبنتي بهزر والله!! أروى: سديت نفسي يا شيخ. زين: سديت نفسك إيه، مانت أكلتي أصلاً. أروى: أيوه صح.

زين بضحك: هتوتّريني من الضحك. أروى: الحلو هينزل إمتى؟ زين: حلو! انت مشبعتيش!! أروى: لأ شبعت الحمد لله، بس لازم التحلية برضه، ده أنا حتى ثانوية عامة وهفتانة طول السنة، اعذرني يا زوز، مالك في إيه؟ زين: وجهة نظر تحترم برضه، حاضر، هتطلبي إيه؟ أروى: وافل بالشيكولاتة. عدت الأيام وجاء يوم النتيجة. الكل كان في توتر. زين: أروى.. أروى.. اصحي. أروى: إيه في إيه؟ النتيجة طلعت؟ زين بحزن مزيف: أيوه. أروى: جبتها؟ زين: أيوه.

أروى: أنت زعلان كده ليه؟ أنا جبت كام؟ زين بفرحة: 98%. أروى بفرحة: بجد!!! زين: أيوه والله. أروى عانقت زين ووقفت على السرير وكانت تقفز بفرحة: الحمد لله، أنا الفرحة مش سايعاني بجد. زين: يا رب دايماً يا حبيبتي. أروى: شكراً يا زين، بجد شكراً، أنت وقفت جنبي كتير، ربنا يخليك ليا يا حبيبي. زين: ويخليكي ليا يا روحي. أروى: جبتوا كام؟ مريم: أنا جبت 95.5%. ريم: وأنا جبت 95%. هدى: وأنا جبت 97.6%. وانت جبتي كام؟

أروى: 98%. مبروك يا حبايب. ريم ومريم وهدى: مبروك لينا كلنا. مراد: شهد، أنت جبتي 97%. شهد: أيوه، هيييه! فرحانة أوي، أخيراً. مراد: مبروك يا حبيبتي. مراد تحدث مع نتاليا على الواتساب. مراد: إزيك يا نتاليا، عملتي إيه؟ نتاليا: الحمد لله، جبت 96%. مراد: مبروك يا نتاليا. نتاليا: الله يبارك فيك يا مراد. زين: أنا نازل أجيب حاجة وجاي. أروى: تمام. زين قابل زياد ولينا. زين: جبتوا الحاجة؟ زياد: أيوه، عيب عليك. لينا: يلا بينا نطلع؟

زين: يلا. زين وزياد ولينا صعدوا لأروى. أروى: حاضر جاية. أروى فتحت الباب وجدت زين وزياد ولينا ومعهم هدايا. أروى: حبايبيييز. زياد ولينا: مبروك لأحلى أروى. زين: مبروك لحبيبتي. أروى: الله يبارك فيكوا يا حبايب قلبي، بحبكوا أوي. وأعطوها الهدايا واحتفلوا بتفوق أروى. زياد: إلا قوليلي، مريم صاحبتك عملت إيه؟ أروى غمزة له: عايز تعرف ليه هه؟ زياد: عادي. أروى: واشمعنى مريم؟ زياد: خلاص صحابك كلهم عملوا إيه؟

أروى: مريم جابت 95.5% وريم جابت 95% وهدى جابت 97.6%. زياد: ما شاء الله، ربنا يحميكوا. أروى: كنت بتسأل على مريم بس ليه بقا؟ زياد: عادي، عشان أنت بتتكلمي عليها كتير وكده. أروى: يعني مفيش حاجة كده ولا كده؟ زياد: لأ لأ. أروى: متأكد؟ زياد: أيوه. زين: عندي ليكوا قرار مفاجئ. لينا وأروى وزياد: إيه هو؟ على الواتساب. مراد: أنا تحت، ممكن تنزلي هديكي حاجة؟ نتاليا: !!!