رواية أوتيل السعادة بقلم كريم محمد | كاملة

مساء الخير يافندم. بعد اذنك أنا محتاج غرفة لليلة واحدة بس. أصلي أنا عربيتي اتعطلت هنا جمبك ومش لاقي حد يساعدني. الطريق كله مفيهوش غير الأوتيل ده، والجو بره تلج وفي عاصفة قوية. كان شخص عجوز قاعد علي كرسي متحرك، والغريب انه مردش عليا بس ابتسم واداني مفتاح مكتوب عليه غرفة 7. ومطلبش مني أي أوراق شخصية ولا سألني عن اي حاجه. كان طريقتة غريبة جداً لأن في العادة علي الأقل بيسأل عن البطاقة الشخصية أو أي إثبات تاني عشان الحجز. ممكن مسألش عشان هبات ليلة واحده. مهتمتش أنا أصلاً تعبان وعايز استريح. خدت المفتاح وطلعت الغرفة. المكان قديم، اعتقد المكان متجددش من القرن ال 18. ديكورات قديمة بس ممتعة. دخلت ووأنا بغير هدومي لاحظت كتاب موجود علي التربيزة. الكتاب شكله قديم وغريب ومكتوب بخط الأيد. تجاهلته وكنت رايح علي السرير بس حسيت أن فضولي مخليني عايز أقرأه رغم التعب وإني محتاج أنام، خصوصاً اني عندي شغل بكرة وأنا لسه...