رواية اراده قويه الفصل التاسع 9 - بقلم زهرة البستان

ليلي: أنا بحبك يا سليم. سليم: وأنا مبحبكيش، وابعدي بقي عني. ثم مشى واختفى. قامت ليلي من النوم مفزوعة، ثم تحدثت في نفسها: "أنا بحبه؟ لا لا، فوقي يا ليلي. دا كان حلم. وبعدين إنتي مستنية رد فعله إزاي؟ ما طبيعي هيكون كارهك بعد اللي عملتيه. بس نظرته ليا ووقفته معايا يدل إنه لسه بيحبني. بس إنتي مبتحبهوش، هتستفيدي إيه لما تكسري قلبه تاني؟ بس أنا حاسة من ناحيته حاجة." ثم تحدثت بعياط: "كفاية، كفاية." وافقت أمينة تروح مع علي،

بس أثناء رحيلهم: أمينة: فين لبنى يا سليم؟ سليم: معرفش يا أمي. هي متعرفش حاجة هنا، هتكون راحت فين طيب؟ ثم أخرج هاتفه ورن عليها، فرد شخص غريب. سليم: مين حضرتك وفين أختي؟ زياد: الآنسة عملت حادثة وهي دلوقتي في مستشفى. ذهب الجميع للمستشفى، ثم اقترب سليم من زياد. زياد: سليم. سليم: إنت تعرفني؟ زياد: أنا زياد يا عم، نسيتني ولا إيه؟ وإيه اللي جايبك هنا؟ سليم: فيه حد اتصل عليا وقالي إن أختي هنا. زياد: إنت اللي متصل؟

إيه اللي حصل وحادثة إيه؟ زياد: الآنسة كانت بتعدي الطريق وعربية خبطتها. الدكتور خرج من شوية وقال إن إيدها اتكسرت، وهي دلوقتي كويسة، تقدر تروح البيت. سليم: طب أنا هدخل أشوفها. دخل سليم وأمه وأبوه. ذهبت أمينة مسرعة، ثم قالت: "مالك يا بنتي؟ ما تاخدي بالك، وإيه اللي خرجك ومقلتيش ليه؟ لبنى: أصلي كنت راحة أقابل واحدة صحبتي. سليم: صحبتك مين؟ إنتي تعرفي حد هنا؟ لبنى: آه آه، أصلي كنت أعرفها من ليلي، هي صحبتها واتصاحبنا.

سليم بشك: ماشي. عند ليلي: "مين؟ أنا جايه أهو." ذهبت ليلي للمصحة ودخلت لنرمين، لقت حالتها صعبة. اقتربت منها، ثم قالت: "نرمين، إيه اللي حصل؟ إيه اللي عمل فيكي كدا يا نرمين؟ نرمين بعياط لم ترد عليها. دخل محمد وقتها. محمد مسرعاً: بقولك أنا... ولكن سكت لما رأى ليلي. ليلي: محمد، إنت بتعمل إيه هنا؟ ولما إنت عارف إن نرمين هنا مقلتليش ليه؟ محمد: أصلي... الأبلة... وعندما نظر إليها صعبت عليه وقرر ألا يقول لليلي أي حاجة.

محمد: أصلي حد اتصل عليا وقالي إنها عملت حادثة، وأنا رحت ليها. بس بعدها اللي حصل وإني جيت هنا. أنا ماشي، سلام.