رواية اراده قويه الفصل العاشر 10 - بقلم زهرة البستان

نرمين: ليلي أنا اللي كنت متفقة مع أحمد إنه يسيبك، أنا السبب في اللي أنتِ فيه. ليلي: إيه؟ أنتِ بتتكلمي جد؟ إزاي تعملي كده؟ أنا عملت لك إيه عشان تعملي معايا كده يا نرمين؟ نرمين بعياط: أنا آسفة والله سامحيني يا ليلي. أنا مليش حد، وأهو أنتِ شايفة حالتي. أحمد اللي وصلني لهنا، ولما أنا اتخبطت قعدت أقول له يساعدني، سابني ولا صعبت عليه بنسبة 1%، أنا أخذت عقابي يا ليلي، سامحيني.

ليلي: خلاص يا نرمين، وأنا عارفة أنتِ عملتي كده ليه. كله عشان كنتِ مفكرة إني بضحك عليكي. أنا مكنتش بحب سليم ولا أعرف إنه كان بيحبني، وأهو أنتِ شفتي إني اتخطبت لأحمد. بس لو كنت أعرف إن أحمد كان بينتقم من سليم، مكنتش فكرت فيه حتى. أنا عمري ما بصيت لحاجة أنتِ بتحبيها. وسليم اهو، روحي قوليله وبصت بحزن ثم أكملت: إنك بتحبيه وربنا يسعدكم.

نرمين: بس أنا معتش بحبه، أنا بحب أخوكي. أنا ظلمته قبل كده وغلطت فيه، خليه يسامحني يا ليلي. أنا لما أطلع من هنا همشي من هنا وأبعد عنكم خالص، ويا ريت تكوني مسامحاني من قلبك. ليلي: لا، أنتِ مش هتمشي يا عبي*طة. وبعدين أقول لك حاجة، محمد لسه بيحبك بس هو بيكابر. بس على اللي أنتِ عملتيه، روحي قوليله وأنا أوعدك إنك هتتعافي قريب وتعيشي معانا. نرمين حضنتها وقعدوا يبكوا. ليلي: خلاص بقى، هو إحنا في ميتم؟

لما أروح أشوف الواد ده راح فين. وأصلاً أنا متأكدة إنه ممشيش، استني كده. خرجت ليلي وجدته قاعد على كرسي في الخارج. ليلي: إيه يا أبو حميد، مش كنت ماشي ولا إيه؟ محمد: أصل أنا... أنا كنت مستنيكي نروح سوا. ليلي بضحك: عليا يا ولد؟ ادخليها وبراحه عليها، هي قالت لي كل حاجة. ها يا محمد، بلاش تزعلها. محمد: حاضر يا أختي. في الداخل، محمد اقترب من نرمين، كانت تنظر للشباك، ثم قال: احم احم. التفتت إليه نرمين وبصت له بعيون مدمعة.

اقترب محمد منها ثم قال: طب إيه بقى، كل لما أبصلك ألاقيكِ هتعيطي؟ نرمين بعياط: أنا آسفة، خلاص. محمد: خلاص يا هبلة، تعالي. ثم حضنها ثم قال: فاكرة يا نرمين لما قصيت شعرك عملتي إيه؟ نرمين بضحك: لا، متفكرنيش عشان لو حصلت تاني ممكن أقت*لك المرة دي. محمد بضحك: خلاص، أنا أخاف على روحي بقى. ثم رفع وشها وقال: بحبك. نرمين بابتسامة: وأنا بحبك. محمد: إيه؟ نرمين بصوت هادي: بحبك.

محمد: يااه، ده أنا بقالي سنين مستنيها. إيه النقلة دي يا بت؟ أنا هروح أجيب المأذون حالا. نرمين: اهدى يا محمد، إيه؟ أنا هطير لما أخرج من هنا بقى. دخل أحمد وقتها و...