رواية أرض الهلاك الفصل الحادي عشر 11 - بقلم رشا منصور

كنت قاعد ع سطح السفينة. شوفت حمامة ومعاها رسالة، شكيت إنها جايه لصفوان. مسكتها بسرعة قبل ما يشوفها رسلان. ولما قرأتها عرفت إنها من السلطان. وروحت بلغت رسلان إننا كدا، في الصباح نطلع ع الجانب الغربي، وده قريب من أرض النعمان. نجم الدين: طلبت من علاء الدين إنه يساعدني نوصل لأرض الهلاك.

ولقيت عمي عفان قالي: "على فكرة يابني، التنين مسحور. ولو رميت عليه الميه اللي في الإزازة هيرجع لطبيعته وعمره ما يضرك، لأنه مسالم ومش مؤذي. هو مغصوب، ربنا يسامح بنتي." قلت له: "أهم حاجة إني عرفت فين مكان الأميرة. وخلي بالك يا عمي، أوعى ياسمين تعمل أي حاجة تانية." "وإنتي يا صابرينا، ساعدي البحارة يعدوا من أرض الضباب وخليهم ينتظروني في الجانب الغربي."

"المفروض إن السلطان منتظر الأميرة هناك، بس كنت عاوز أعرف فين رسلان دلوقتي." عفان: "تعالى معايا." وسألت المرايا المسحورة ولقينا سرحان ماسك رسالة وبيقرأها لرسلان وبيقوله: "كدا إحنا هنطلع الجانب الغربي وهنوصل هناك في الصباح." "وبعدين يابني، كدا لما رجالتك توصل هناك يمكن يتقبض عليهم. العمل إيه؟ نجم الدين: "أخدت

ورقة وكتبت فيها: 'أول ما يوصل رسلان، احتفظ به علشان أقدر أجيب الأميرة في أمان.'" ومضيت باسمي "البحار نجم الدين". "واديت الرسالة لضرغام وقولت له: 'وصلها للسلطان وانتظرني مع حمدان، ولو عرفت أي حاجة تعالى وبلغني.'" "واخدت علاء الدين ومشينا من بيت عمي." صفوان: "أول ما عرفت برسالة السلطان، عرفت إنه ناوي لرسلان ومش عاوز حد من شعب الجانب الشمالي يعرف حاجة من اللي حصل. مينفعش شكل الأسرة الملكية يتهز قدام الشعب." قمر الزمان:

"عرفت إن التنين حزين وإنه بيحب واحدة من زمان، من أيام ما كانت طفلة وكبرت قدام عينيه. وكان بينفذ لها كل حاجة علشان يفرحها، وفي الآخر سحرته لتنين وفضل سنين محبوس في جحر التنين اللي في جبل الظلام." "كنت مستغربة إن في واحدة ممكن تعمل كدا في اللي بتحبه. ولما سألته عليها، لقيته رفع الثياب اللي كانت فيها الفاكهة. ولما دققّت فيه، ده فستان ياسمين. إزاي؟ أنت قصدك إن ياسمين هي حبيبتك وعملت فيك كدا؟

"بص لي وهز رأسه وحسيت إن الدموع في عينيه. صعب عليا وقربت منه وقولت له: 'متزعلشي، أكيد في حل.'" علاء الدين: "دعكت الخاتم اللي في إيدي وطلع لي العفريت. طلبت منه يحضر البساط السحري وجهولي في الحال."

"وأخدت نجم الدين وأمرت البساط يطير بينا لأرض الهلاك." وطار بينا بعيد بين السحاب. وبعد فترة وصلنا لأرض صحراء جرداء والدنيا ظلام ومش شايفين أي حاجة. وكان فاضل ع طلوع النهار ساعتين. انتظرنا وفضلنا ساكتين خايفين نعمل أي صوت يحس بينا التنين ونكون متأكلين. نجم الدين: "انتظرنا. ومع أول شروق الشمس شوفت من بعيد قمر الزمان وهي نايمة ع جناح التنين. استغربت وقولت لعلاء الدين: 'أظاهر عليه مسالم زي ما قال عم عفان.'"

"وقربت براحة من قمر الزمان أصحيها. وخليت علاء الدين خلف التنين وطلبت منه يطلع العفريت يساعدنا لو احتاجنا له." "وببص لقيت التنين هو اللي صحي وبص لي وبص لقمر الزمان ولقيته بيحرك جناحه براحة وابتدت تصحي." "وأول ما شفتني لقيتها قامت بسرعة وقالت للتنين: 'مش قولتلك إنه شهم وشجاع ومش هيسيبني؟ "قولت لها: 'هو ده وقته؟ أنا هتجنن منك! قمر الزمان:

"أنت مش فاهم يا نجم الدين، التنين بقي صديقي. وع فكرة بقي ده غلبان ومسحور زيي كمان ومحتاج اللي يساعده." علاء الدين: "كنت سامع اللي بيتقال، وواضح إني مش هحتاج للعفريت." "وظهرت للأميرة وقولت لها: 'إيه الحلاوة دي؟ إنتي جميلة أوي.'" "ولقيت نجم الدين قالي: 'كلمة كمان وهنسى إنك صاحبي.'" "ابتسمت له وقولت: 'كان لها حق تغيير ده، أنت دايب يا مسكين.'" "طيب أنا قاعد ع البساط لحد ما تخلصوا كلام." قمر الزمان:

"أخدت بالي من غيرة نجم الدين عليا. وبصيت للتنين وبعدين افتكرت ياسمين. أنا لازم أساعده." "قولت لنجم الدين: 'هي ياسمين اللي بعتتك هنا؟ "راح قالي: 'هي مكنش قصدها تعملك سحر، هي بس كانت عاوزة تحافظ عليكي بعيد عن رسلان لحد ما تخلص منه، وبعدين ترجعك بأمان. اخلعي العقد ده وقطعيه علشان ينفك السحر في الحال.'" "بصيت للتنين لقيته هز رأسه. قولت له: 'بس أنا مش هتتحرك من غير التنين. لازم أخده معايا لياسمين علشان تحرره.'"

"واتفاجأت بنجم الدين قالي…" نجم الدين: "طول ما قمر الزمان بتتكلم وأنا ببص للتنين. لو كان مؤذي كان زمانه أكلنا كلنا ولا حرقنا. لكن ده ساكت." "قولت لها: 'مدام يهمك أمره، أنا هساعده.'" "بعدت عنه وروحت فتحت الإزازة ورشيتها عليه، ولقيت فجأة بدأ يدوب وجناحاته بتتخلع وتطير." "هو اتبخر ولا إيه؟ التنين (شمشون) "لقيت نفسي فجأة بدوب وبتحول بعد ما نجم الدين الهجين رمى الميه عليا. ورجعت لصورتي الطبيعية وكنت فرحان أوي."

"وشكرته وشكرت الأميرة قمر الزمان." "ولقيتها قالت لي: 'مش هسيبك هنا، لازم آخدك لياسمين.'" "فرحت أوي." قمر الزمان: "أنت عسول أوي. ومكنتش متخيلة شكلك كدا." نجم الدين: "مكنتش طايق نفسي وأنا شايفها معجبة به وبتتكلم معاه. مش عارف ليه حسيت بالغيرة. وقولت لها: 'واضح إنك كنتي مبسوطة معاه وأنا جيت ضايقتكم.'" "ولقيت علاء الدين قال: 'ما يلا بينا من هنا. انتوا مش شايفين الصحراء اللي واقفين فيها دي. مافيش نقطة ميه نشربها.'" "بصيت

لقمر الزمان وقولت لها: 'اتفضلي علشان أوصلك للسلطان.'" "قالت لي: 'لا، هتوصلني عند عمك عفان. عاوزاه في حاجة، وبعد كدا نطلع ع ولدي السلطان.'" "قولت إيه؟ التنين (شمشون) "كنت شايف الغيرة في عيون نجم الدين. فقُلت له: 'أنا ممكن أنقلكم كلكم لهناك. أنا كمان مستعجل، عاوز أشوف حبيبتي.'" "وأول ما قولت كدا، لقيته قالي: 'إيه؟ أنت لك حبيبة؟ "ضحك وقالي: 'تعالى معانا، هنركب البساط ونروح البستان عند عمي عفان.'" قمر الزمان:

"ركبنا البساط وأنا فرحانة وأنا حاسة بغيرة نجم الدين عليا. بس يا خسارة، كلها ساعات ومش هشوفه تاني. ياريتك يا ولدي تغير قانون المملكة، أو ياريت ينفع أهرب معاه وأعيش في السفينة." "وببص لقيت نفسي وصلت عند عم عفان ولقيته واقف منتظرنا ع الباب ورحب بينا." "وبص لل (شمشون) وقاله: 'إيه اللي جابك؟ مش خلاص اتحررت؟ إيه رجعك تاني؟ "قولت له: 'استنى يا عم عفان، أنا اللي جبته، وأظن إني ليا حق عندكم. هي فين ياسمين؟ عفان:

"أول ما قمر الزمان ما سألت ع ياسمين، شكيت تكون عاوزة تنتقم منها عن طريق (شمشون) "قولت لها: 'عاوزاها في إيه؟ "قالت لي: 'لما تنادي عليها هتعرف.'" "ولقيت نجم الدين قالي: 'افتح لها يا عمي، متقلقش.'" "فتحت لياسمين وكان بتبكي. واخدتها وطلعت لهم وأنا من جوايا بستعد لأي غدر من الجان." قمر الزمان: "بصيت لياسمين وقولت لها: 'مفاجأة صح؟

نجم الدين قالي إنك عملتي كدا علشان تحميني من رسلان، وأنا مش مقتنعة. بس اللي استغربته أكتر إن في بنت تبعد حبيبها عنها وكمان تسحره، إزاي قلبك طوعك تعملي كدا؟ ياسمين: "بصيت لها وبصيت لنجم الدين وقولت لها: 'أنا سحرت حبيبي؟ محصلش.'" "لقيتها قالت لي: 'حبيبك اللي عايش معاكي من صغرك وبيحاول يسعدك طول الوقت، وأنتي مش حاسة به.'" "قولتلها: 'مش فاهمة، أنتي قصدك إن في حد بيحبني من زمان؟ قمر الزمان:

"أيوه يا ياسمين، بيحبك وعاوز يعيش معاكي. وأنا دلوقتي بطلب إيدك من عم عفان ل (شمشون) اللي بيحبك من سنين. قولتي إيه؟ بس ع شرط مافيش أسحار تاني. إيه رأيك يا عم عفان؟ عفان: "أنا نفسي أجوز بنتي لواحد بيحبها ويحافظ عليها، ولو هي موافقة أنا كمان هوافق." ياسمين: "بصيت لشمشون وقولت له: 'أنت فعلاً بتحبني؟ طب ليه مقلتليش؟ ليه محاولتش تلمح لي؟ التنين (شمشون)

"بحبك من أول مرة شوفتك فيها وشوفتك بتكبري قدام عيني كل يوم. وكنت منتظر لما تحسي بيا واحس إن أنا بس اللي في قلبك، وساعتها أعترفلك بحبي وأطلب إيدك. لكن أنتي سحرتيني وحبستيني في جبل الظلام. هونت عليكي يا ياسمين تحرميني إني أشوفك؟ ياسمين: "كنت فرحانة أوي لأول مرة أحس إن في حد بيحبني.

وقولت لبابا: 'أنا موافقة أتجوز شمشون. أنا هحتاج إيه أكتر من واحد بيحبني واستحملني طول السنين دي. وحقك عليا يا قمر الزمان ومتشكرة أوي، لولاكي مكنتش عرفت إن في حد بيحبني.'" نجم الدين: "كنت بتابع اللي بيحصل وإزاي رغم اللي شافته قمر الزمان من ياسمين، إلا أنها فكرت إزاي تسعدها وتجمع بينها وبين حبيبها." "ولقيت عمي عفان بيبص لي وقالي: 'دواك عندي يابن أخويا.'" السلطان لقمان:

"وأنا قاعد مع إخواتي وبقولهم ع اللي عرفته من صفوان، وإن كل أفعال رسلان دي سببها إنه ميعرفش حقيقة اللي عمله روهان أبوه، وإنه لازم يعرف الحقيقة قبل ما ياخد جزاءه." "وببص لقيت النسر ظهر ومعاه رسالة. قولت لهم: 'أكيد دي من قمر الزمان.'" "واخدت الرسالة وعرفت إنها من البحار وإنهم ع وصول. وطلبت من الحراس أول ما يوصل رسلان يحضروا في الحال." علاء الدين: "أظن أنا دوري هنا انتهى ومن حقي بقي أروح أكمل نوم." "ولقيت

عم عفان بيقولي: 'لا، لسه مطلوب منك تنقلني أنا ونجم الدين وقمر الزمان.'" "تودينا عند السلطان لقمان في الجانب الغربي، بس مش دلوقتي. انتظر في حاجة الأول محتاج أعملها." "واستدعيت ضرغام واخدته ع جنب وقولت له ع حاجة يوصلها لـ صابرينا." "وطار." رسلان: "وصلنا للجانب الغربي ولقيت في حراسة كتير وخدوني عند قصر خالي بلهان ولقيت الجميع هناك." "واتفاجأت أول ما لقيت قدامي."