رواية أرض الهلاك الفصل العاشر 10 - بقلم رشا منصور

روحت ل وردشان البيت لقيتها مش موجودة. أكيد اختفت قبل ما اوصل لها، يبقي أكيد هي اللي ساعدت ياسمين. أنا عارف التنين ده كان خادم ياسمين وهي صغيرة. مامتها كانت مخلياه حارس عليها، لكن لما مامتها ماتت ياسمين كرهت كل البنات اللي في سنها لأن لهم أم وهي لأ.

وابتدت تطلب من الجان ينتقم لها، وهو كان بينفذ أمرها. وقتها كان نجم الدين عايش معانا. خوفت عليه منها، طلبت من أخويا ياخدوا معاه. واديتُه ضرغام هدية علشان أقدر أطمن عليه من خلاله. وحاولت طول الفترة دي أخرج ياسمين من حالتها. ولقيت إن وجود خالتها هيكون مهم في حياتها، يمكن تعوضها عن أمها.

لكن بدل ما خالتها تحميها، بدأت تعلمها السحر. ومع الأسف معرفتش إلا بعد سنين طويلة. وأول ما عرفت هددت وردشان لو فكرت تعلم ياسمين أي حاجة تاني هدمرها في الحال. وفضلت أحاول مع ياسمين وقولت لها إني هحرر الخادم اللي معاها، لكن هي طلبت إنها تعمل كدا بنفسها. لكن بدل ما تحرره حولته لتنين وخفيته. ومقدرتش أعرف وديته فين. وقالت إن ده عقاب له لأنه ساعدها تعمل حاجات كتير غلط. وزعلت الكل منها، وللأسف صدقتها. علاء الدين..

فضل نجم الدين يحكي لي كل حاجة بالتفصيل. وقولت له يبقي اللغز هنا في اتنين، وردشان وياسمين. يبقي لازم نروح لبيت عمك عفان، أكيد هيساعدنا أو على الأقل يعرف حد يفك لنا السحر. قمرالزمان…. ببص حواليا لقيت أرض مشققة من قلة المية وحيوانات ميتة من حواليا. وقولت للتنين انت جايبني هنا علشان أموت بالبطيء؟ أرجوك تساعدني أنا معملتش حاجة لحد علشان يحصلي كدا.

لقيته قالي فكري مين له مصلحة يبعدك من قدام الناس، مين مش عاوزك موجودة في حياتهم؟ ركزي يا أميرة. فضلت أفكر، قولت بس هي كهرمان. أكيد بتعمل كدا علشان تبعدني عن رسلان لأنها أكيد بتحبه، ما هي مش هتساعده إلا لو كانت حباه. ولقيت التنين قالي اللي عمل السحر كان عاوز يخلص على رسلان، لكنه نفد منها ومازال على قيد الحياة. ….طب وبعدين؟ أرجوك ساعدني أو حتى تلميح بسيط. قالي مقدرش أقول غير إنها شخصية لسه عرفاها جديد.

ياتري يقصد مين ؟؟! نجم الدين … خلاص يلا بينا على عمي عفان. بس أضمن منين إننا هنكون في أمان؟ ما يمكن يكون هناك رسلان. ولقيت علاء الدين قالي لما نقرب أقف بعيد وشاور لي على البيت وأنا هروح هناك والف حواليه. ولو مشوفتش حد هنادي على عمك عفان. وأول ما هيطلع هسأله لو البيت أمان هشاور لك. قولت له تمام، فكر سليم يلا بينا. السلطان لقمان…..

أنا مش هينفع أستنى هنا. لازم أروح عند أخويا بلهان. يمكن قمرالزمان تقدر تروح لهناك. وناديت على الحارس يجيب لي كهرمان. وأول ما جات لي قولت لها جهزي حالك أنا هروح عند أخويا بلهان. مش طايق أفضل هنا من غير قمرالزمان. وهاخدك معايا هناك. سمعت إن عنده هناك رسام، يمكن يقدر يرسم لنا ملامح القرصان. يلا جهزي نفسك مع أول طلوع للنهار هنمشي في الحال. وكتبت رسالة لبلهان، قولت له جمع إخواتك وخليهم ينتظروني عندك في الصباح هكون عندك.

كهرمان…. رجعت ل حجرة الوصيفات وجهزت الملابس. وابتديت أفكر هوصف لهم إيه. بس ما لو اتقبض على حد منهم أكيد هيعترف على رسلان. بس أنا عاوزة انتقم منه بنفسي وأخلص عليه. رسلان….. كنت قاعد برتاح وشوفت صفوان وسرحان بيتكلموا مع بعض. ولقيتهم جايين لعندي وبيقولوا لي الأفضل نبدأ في الطريق علشان نلحق وقتنا. وقومت معاهم. بعد ما عرفت إن في طريق بين الوديان مختصر وهيوصلنا بأمان بعيد عن الذئاب. وبكدا ممكن نوصل أرض النعمان في الصباح.

نجم الدين …. أخدت علاء الدين وفضلنا ماشيين بين الأشجار لحد ما قربنا من البستان. وفضلت واقف وراح علاء الدين يلف حوالين المكان، وبعدها قرب من البيت ونادى على عمي عفان. وفضلت واقف بعيد ومتابع. لحد ما لقيت عمي بيشاور إني أروح لهم. باعت له ضرغام وبعدها جالي وفهمت منه إن هناك أمان. يا عمي محتاج مساعدتك. قمرالزمان سابت جبل الظلام. ودلوقتي مش عارف طريقها فين. بس المشكلة إن حتى لو عرفت أوصلها أزاي ننقذ نفسنا من التنين؟

قمرالزمان قالت لي لو عرفنا مين اللي عمل السحر ممكن يتفك. أنا شاكك في وردشان. عفان…. السحر اللي على قمرالزمان مربوط بها هي وهي بس اللي هتقدر تفكه. ومحدش ممكن يسعدك. ولو قدرت تعمل ده ممكن تلاقيها قدامك أو عند السلطان في القصر. نجم الدين…. هو أنت تعرفهم منين؟ أنا حسيت من كلامك على رسلان إنك كنت تعرفهم، وإنك عارف السلطان وقمرالزمان، وإنك روحت القصر كمان. عفان. …

أنا كنت طبيب القصر أيام السلطان والد لقمان. وأنا اللي اكتشفت بالصدفة بعد سنين المادة اللي كان بيحطها روهان للسلطان علشان يموت بالبطيء. وكشفت أمره للسلطان لقمان. وبعدها كانت ياسمين اتولدت. وقررت آخدها هي وأمها وأعيش بعيد. وأداني السلطان مكافأة كبيرة من المال. قدرت بها أبني البيت والبستان. وحتى أنت يا نجم الدين روحت قبل كدا هناك أنت وأبوك. وقتها كنت أنت صغير. وأبوك كل كام شهر ياخدك معاه كام يوم علشان مامتك تشوفك.

وساعتها السفينة عطلت. وفضل في الجزيرة يدور على حد يساعده في تصليحها. ولما السلطان عرف إن في غريب ومالوش مكان يبات فيه استضافه عنده. وبعت جاب اللي يصلح السفينة من الجانب الغربي. واهتم أكتر بكم لما عرف إن أبوك يبقي أخويا. وبعد كدا أداكم أكل يكفيكم كذا يوم. وبعدها أبوك جابك ليا ورجع تاني لرحلاته. قمرالزمان….. حسيت إني عطشانة وجعانة. بصيت للتنين قولت له إلا تموتني أو تجيب لي أشرب.

بص لي وطار. فضلت أنتظر وغاب وقت طويل والشمس ابتدت تروح. وحسيت إن روحي هتروح معاها. وفقدت الأمل إن التنين يرجع. واستسلمت للموت. كان نفسي أشوف بابا. ومرة واحدة سمعت صوت أجنحة قوية. أكيد راجع يتأكد أنا متت ولا لسه. وببص لقيته حط قدامي حاجة ملفوفة. بفتحها لقيت فاكهة. ولقيته حاططها في ثياب. ضحكت له. واضح إنه ملقاش سلة يحط الفاكهة فيها. وفضلت آكل وأديته يأكل معايا. وشكرته إنه مسبنيش أموت.

وفضلت أتكلم معاه وأوصف له جنينة القصر. وكلمته عن بابا وحنيته عليا. وإد ايه هو واحشني. وحكيت له عن رسلان وإنه السبب في كل اللي بيحصل. وكلمته عن نجم الدين وإزاي بيحاول ينقذني منه. وكان بيبص لي بأهتمام ويواسيني. وبدأ يحكي بعض الأمور عني. رسلان….. وصلنا ل أرض النعمان. وأخدنا السفينة وطلعنا نرتاح فيها من الطريق. وفضلت أرتب هقول إيه للسلطان. السلطان لقمان…..

وصلنا ل الجانب الغربي. والخدم والحرّاس أخدوا مكانهم. وأنا اجتمعت بأخواتي وحكيت لهم اللي عمله رسلان وكهرمان. وإني منتظر رجوع الأميرة هنا ومعاها البحار نجم الدين. صفوان…. أول ما وصلت السفينة باعت رسالة للسلطان فيها مكاننا. وأننا هنرجع القصر في الصباح. وحكيت فيها عن كل حاجة عرفتها. حمدان….

سفروت أخدنا بالسفينة للقرية اللي بعد الغابة السودة. لكني كنت قلقان على نجم الدين. علشان كدا طلبت من صابرينا تحاول تطمني عليه. ولقيتها اختفت من قدامي. وبعدها رجعت وقالت لي إنه عند عمه عفان ومعاه صديقه علاء الدين. وبعدين اختفت مرة تانية. صابرينا..

أنا رشا منصور. جيت عشان شيفاك محتار يا نجم الدين ومش عارف توصل للي عمل السحر. وعمك عفان محرج يقولك إن بنته ياسمين وراء كل اللي بيحصل. ومش بس كدا هي أول ما لقت أنك قربت توصلها أمرت التنين أنه ينقلها ل أرض الهلاك. ولو مش مصدقني هي واقفة بتصنت على الباب. نجم الدين….

اتصدمت من كلام صابرينا. وخرجت لقيت ياسمين واقفة وبتعيط. مسكتها وبصيت لعمي وقولت له كنت عارف اللي بنتك عملته. سيبتني أروح جبل الظلام وأنت عارف إن ممكن مرجعش علشان تداري على بنتك. وبالنسبة للأميرة اللي ملهاش ذنب في أي حاجة ليه تتحمل جنان بنتك؟ وأنتي ارتحتي دلوقتي؟ ممكن تفهميني هي عملت لك إيه علشان تعملي معاها كدا؟ وأنا اللي افتكرتك اتغيرتي. أثاريكم بترسمي وتخططي لهلاكها. صابرينا….

ياسمين عملت كدا علشان بتحبك. وكانت عاوزة تخلص من رسلان علشان تحميك. ودلوقتي يا ياسمين لازم تصلحي غلطتك وتأمري التنين يرجعها تاني علشان نجم الدين يسامحك وميزعلش منك. ياسمين. …. انتوا مش فاهمين حاجة. أنا شكيت إن بابا هيعرف إني أنا السبب ويحاول يساعدها. علشان كدا خليت السحر هي بس اللي تعرف تفكه. يعني ولا أنا ولا غيري ممكن يساعد. نجم الدين…. والسحر ده موجود في إيه؟ وهتعرفوه إزاي؟

واستغربت لما قالت لي إنه موجود في العقد اللي قدمته لها هدية. كان نفسي أخنقها بأيدي. وفضلت ماسك نفسي. ولقيت عمي عفان قالها: أنتي صحيح مش هتعرفي تفكي السحر، بس على الأقل تقدري تخلينا نشوفها ونطمن عليها. ياسمين….. كنت مضطرة أنفذ كلامهم. وطلعت البلورة السحرية وطلبت ظهور قمرالزمان. وشفوها وهي بتكلم مع التنين وبتحكي عن نجم الدين وإزاي هو شهم وشجاع وبيحاول ينقذها.

اتحرق دمي لما سمعت كلامها. وكنت هكسر البلورة. لكن خدها مني نجم الدين ومسكني وحبسني في أوضتي. بعد ما عرف مني مكان الأميرة. وقال لبابا لو الأميرة جرى لها حاجة مش هخلي بنتك تعيش مع البني آدمين لحظة واحدة. فضلت أبكي على حالي. أنا عشت طول عمري مافيش حاجة ملكي. كل بنت عندها أم وأنا لأ. كل بنت لها أصحاب وأنا لأ. كل بنت لها حبيب بيحبها وأنا لأ. ليه مش من حقي أكون زي كل البنات؟ ليه الكل بيكرهني. السلطان لقمان…..

وصلتني رسالة صفوان وبلغني بكل اللي كان. وطبعا مكنش ينفع أبعت له رسالة أفهمه فيها أنا فين. عشان كدا بعت الرسالة لرسلان. وكتبت فيها أنا في الجانب الغربي. مقدرتش أفضل في القصر وأنت وبنتي مش موجودين فيه. وسأظل هناك أنتظرك. وقلت في بالي منتظرك يا غدار. وجاء وقت الحساب. قمرالزمان…. حسيت من كلامي مع التنين إنه زعلان وإنه بيحب واحدة من زمان. واستغربت لما عرفت إن