رواية ارهقني عشق طفلة الفصل العشرون 20 - بقلم وفاء مطر

وجد ما جعل قلبه يقع في الأرض وتحطم. وجد مكتوبًا على الحائط كلامًا بدماءها التي نزفت منذ أن أبرحها ضربًا. قرأ: "أنت لا تستاهل أن قلبي يتوجع عليك. أنا هروح للمافيا بنفسي واللي يحصل يحصل. أموت أو أعيش". هذه العبارة جعلته يتألم وكأن حجرًا على قلبه وسكاكين تغرز به. أخذ يبكي مثل الطفل الصغير الذي ضاعت لعبته أو كسرت. يبكي بشدة. فتاة أبكت شادي! اتصل سريعًا بمهاب حتى يساعده. شادي ببكاء: الوو مهاب ارجوك ساعدني أنا محتاجلك أوي.

مهاب: فيه إيه؟ اهدى بس. أنا عرفت الحقيقة وعرفت إنك بريء. شادي: حقيقة إيه وبريء إيه؟ أنا عايزك في حاجة أهم. مهاب: خير. أساعدك في إيه؟ أؤمرني يا صاحبي. شادي: فريدة أختك عايشة وقالت هتروح للمافيا بأيديها وهيخلصوا عليها عشان هي اللي قتلت بلاك. الصدمات تتوالى على مهاب وكأن لسانه عقد وشل عن النطق. شادي: مهاب ارجوك رد عليّ. مهاب: فريدة أختي ماتت من زمان.

شادي: والله العظيم عايشة وعارفة كمان إنك أخوها. ارجوك ساعدني دلوقتي إني أرجعها من غير ما يؤذوها وبعدين نشوف الموضوع ده. مهاب: ماشي يا شادي يلا بسرعة خمسة ونتقابل في ***. شادي: ماشي بس بسرعة. *** مهاب: حبيبتي خمس دقايق مش هتأخر عليكي. حور: ليه هـ... ولم تنهِ جملتها حتى وجدت فتاة في غاية الجمال تحتضن مهاب بشدة وهي تبكي. والصدمة الأكبر أن مهاب يبادلها الحضن! حور بصراخ وهي تشد فريدة من شعرها: ابعدي يا زبالة انتي مين؟

بتخوني يا مهاب؟ أخرت اللي تتجوز واحد بيمشي ورا النسوان. تلقت صفعة ألقت بها في الأرض. فريدة وهي تساعدها على النهوض. حور بصدمة: ابعدي عناااااااي! انت بتضربني عشانها كمان؟ مهاب وهو يمسك حور من شعرها ويقربها منه: دي فريدة أختي يا غبية. أنا هخونك إزاي وأنا معايا القمر نفسه. ثم بلحظة كان أطبق على شفتيها يقبلها بشدة وكأنه يعاقبها على قولها إنه خائن. خجلت فريدة بشدة من تصرف أخيها ثم أدارت وجهها للجهة الأخرى.

حور وهي تلكز مهاب بكتفه: بس عيب البنت واقفة. ثم ذهبت لفريدة: أنا آسفة سامحيني مكنتش أعرف. فريدة: ولا يهمك يا... حور: حور. فريدة: اسمك حلو زيك قوي. حور: طبعًا مش هتقارن بجمالك. مهاب وهو يحتضنهم هما الاثنين: ربنا يخليكم ليا. فريدة وحور: ويخليك لينا. فريدة: مهاب أنا هطلع أستريح في أي أوضة شوية وكمان شوية هقولك على كل حاجة بس بجد أنا تعبانة أوي ومحتاجة أبقى لوحدي. مهاب وهو يحتضنها

بشدة حتى دمعت عيونه: متتخيليش كنت وحشاااني قد إيه. يلا اطلعي ارتاحي وهصحيكي بكرة. فريدة: إيه هنام كل ده؟ لا ياعم صحيني بالليل. ثم أوصلها إلى غرفة في غاية الجمال بهذا القصر الفخم. فريدة لنفسها في الغرفة: ليه شادي مش بيحبني ومبيثقش فيا زي مهاب ما بيحب حور كده؟ هو أنا وحشة للدرجادي؟

هو أكيد عشان شكلي بس. زي ما بلاك وغيره حبوني بسبب شكلي. أو بمعنى أصح حبوا شكلي لكن محبونيش أنا. البنات كلها بتتمنى تبقى حلوة لكن ميعرفوش إن كل حاجة حلوة لازم لها حاجة توجعها. يااااارب ارحمني واهديني ودلني على الطريق الصح. ثم ذهبت في نوم عميق. *** مهاب: تعالي يا شادي عايزك. شادي بصراخ: بقولك أختك بين الحياة والموت تقول لي أجيلكم؟

مهاب بصراخ أقوى: قسماً بالله صوتك لو علا تاني لكون ليا تصرف مش هيعجبك أبداً. تعالى بس عايزك ضروري مستنيك. ثم أغلق الخط دون أن يلقي الإجابة. بعد أقل من خمس دقائق وصل شادي كالمجنون: مهاااب لقيت طريق فريدة ولا لسه؟ فيه جديد؟ مهاب: اهدى بس كده. والأول احكي لي إيه اللي حصل. شادي: دي مشكلة بيني وبين مراتي ومينفعش حد يعرفها. مهاب: م م إيه؟ مراتك؟ ده إزاي وامتى؟ شادي: مهاب أنا وفريدة متجوزين النهاردة الصبح. مهاب: وليه بقى؟

عشان تنتقم مني؟ شادي ببكاء: والله أبداً. أنا بحبها. لا لا أنا بعشقها. والله بحبها أوي. صدم مهاب من بكاء شادي بشدة ولمس الصدق في حديثه لأنه صديق طفولته. مهاب: عمومًا افرح يا سيدي. فريدة هناا بس هي نايمة من 8 ساعات بس. متصحيهاش. هي في الأوضة دي. وشاور على غرفة من غرف القصر. لم يكمل حديثه حتى وجد شادي يهرول سريعًا للغرفة. دلف وذهب للفراش بسرعة يمسك يدها ويقبلها: حبيبتي سامحيني أرجوكي والله غصب عني من الصدمة.

فريدة بزعر: انت انت جيت هنا إزاي؟ شادي وهو يقبلها بعنف وقسوة لأنها تركته. أما هي فكانت مصدومة بشدة من فعلته وكيف أتى لها. مهاب وهو يغلق الباب: فيه حاجة اسمها تقفلوا الباب على فكرة. حور بالخارج: مهاب أخص عليك احرجتهم. فريدة صدمت وخجلت من أخيها وحاولت أن تبتعد عن شادي. أما شادي فكان بعالم آخر وكأنه لم يسمع مهاب بالأساس. وضع جبينه على جبينها: سامحيني.

فريدة ببكاء: مسامحاك عشان بحبك ومقدرة موقفك ومقدرش أعيش من غيرك ثانية واحدة. *** في مصر بعد أن سافروا. مهاب: حور عاملك مفاجأة. حور: بجد إيه هي يا حبيبي. مهاب: اتصلي بسمر وخليها تيجي. حور بحزن: فكرتني بالذي مضى. مهاب وهو يقبل جبينها: اعذريني يا حبيبتي. حور وسمر: هاا بقى يا أستاذ مهاب فيه إيه؟ فريدة وشادي وأدهم: اخلص يا مهاب احنا نفسنا قلقنا. ثم ظهرت لهم حناااان والدته. نظرت سمر إلى حور والعكس بصدمة.

جروا إلى حضنها: ماااامااااااا. حنان ببكاء: حبايبي متعيطوش أنا كويسة. بعد قليل. حور: مهاب ممكن تحكلنا بقى إزاي ده حصل وماما حبيبتي عايشة؟ مهاب: مامتك ي ستي في اليوم اللي جت فيه هنا جالها غيبوبة وأنا استغليت النقطة دي وقولت أكمل انتقامي وأخدتها عالجتها لحد ما خفت وفاقت من الغيبوبة من أسبوع ووقتها كنت أنا عرفت الحقيقة فقولتلها اللي حصل وهي ساعدتني. حور وهي تحتضنه: بجد بحبك أوي يا أبو عيالي.

وماتت سمية والدة مهاب قبل أن ينتقم مهاب منها. *** بعد مرور عشر سنوات. حور: يا أحمد الزززفت تعالى هنااا. أحمد: إيه ي مامى مش عارف ألعب بسببك خالص. حور: بتلعب؟ بتبوس بنت عمتك وتقولي بتلعب؟ تيا: أنا حبة أثلا وعايزاه يبوسني. شادي وهو يأخذ مريام من التي شيرت ويعلقها: بتحبيه يبوسك؟ يخسارة تربيتي فيكي. عايزه تشمتي مهاب فينا؟ وحياة أمك لأوريكي. فريدة: مالها أمها ياخويا؟ ماهي طالعة لابوها بتحب البوس.

شادي بخبث: ههههه طب تعالي يا مامى عايزك في حدوتة فوق. مهاب: أحمد خلي بالك من بنت عمتك بعد كده. هي عندها سنتين بس وانت عندك عشر سنين وعاقل. بلاش الحركات دي. أحمد: يا بابي أنا بحبها وهتجوزها. وبعد إذنكم محدش ليه دعوة بيها ولا انت ولا مامى. حور: وللللد. شوف يا مهاب شوووفت. أنا هطلع الأوضة قبل ما أعصابي تبوظ. عند سمر وأدهم. سمر: عُدي، جاسر تعالوا عشان تتغدوا. جاسر: ماما أنا هطلع رحلة مع صحابي بكرة لشرم.

أدهم: ماشي. انت وأهو. عُدي: لا ي بابا مش هروح مع جاسر في حتة خالص. بيقعد يضربني. جاسر بعصبية: أيوه عشان المفروض تسمع كلامي. أنا أكبر منك. عُدي: أكبر مني بخمس دقايق بس. أدهم: جاااسر الزم حدودك وكلم أخوك كويس. بعد قليل. أدهم: أعوذ بالله جاسر واخد طبع مهاب بالظبط. معرفش اتوحمتي عليه ولا إيه. سمر: هههههه وعدي نفس حلاوتك وشكلك عشان كده بحبه أوي.

أدهم: أوعي في يوم تفرقي بينهم يا سمر. هيعمل بينهم مشاكل أكتر. واديكى شايفة شخصية جاسر. لما هو كده ويدوب عنده عشر سنين. امال لما يكبر بقى هيعمل إيه. بقولك إيه تعالى نجبلهم بنوتة. *** حور ومهاب خلفوا أحمد. فريدة وشادي خلفوا: مليكة وتيا. سمر وأدهم خلفوا: جاسر وعُدي توأم. *** النهاية.