رواية ارهقت قلبي بعشقك الفصل العشرون 20 - بقلم مغفرة صالح

نهضت سريعاً وهي تنظر لـ "فريدة" بقرف. "انتي يا بنتي مبتحرميش أبداً، هتفضلي عايشة حياتك كلها بنصحيكي بـ مايه سقعانة." "هو أنا عدوتك يا فريدة عشان تعملي فيا كدا؟ "يا بنتي أنا أختك يعني حسي بيا، يحس بيكي ربنا." ظلت تنظر لها حتى قالت بسخرية: "اسم الله على الي بتصحي بسرعة، بقول اصحي بتصحي. قومي بقا بقولك بنتخرج المفروض نكون جاهزين، اخلصي بقا يلا فزي من قدامي. هروح اشوف ماما ابتسام عاملالنا أكل أي النهاردة."

"آه ياريت لو محشي تخليه حار بقا عشان مبيتاكلش وهو مش حار." وتركتها ورحلت. بعد وقت. "أنا لي حاسة إننا رايحين شركة باللي احنا لابسينوا دا، زيو زي البدلة." ضربت "ابتسام" كفاً على كفٍ ثم قالت بـ همس: "استغفر الله العظيم، هقوم اجيبها من شعرها." "ونبي ما انتي قايمة. أنا خلاص هحلقوا خالص عشان ترتاحي يا ماما." *** "انت مستعجل لي يا أدهم؟ في أي؟ هتموتنا؟ قالها "زين" وهو يرى "أدهم" يسوق بسرعة جنونية.

"شششش، أنا مش عايز حد يتكلم معايا انهارده خالص. لازم نلحق.." قاطعه "زين": "أيوا نلحق أي بقا؟ دا اللي بحاول اعرفوا من أسبوع." "هتعرف كل حاجة في وقتها." *** كانت تضع القليل من مساحيق التجميل حتى تذكرت كلامها مع "دكتورة ناريمان". طبيبة نفسية، راقية وكبيرة في السن نوعاً ما. كانت الدعم الوحيد لـ فريدة.

"بس كدا دي حكايتي يا دكتورة. أما أدهم بقا حاسة إن وجوده بيعالج حاجات هو مابوظهاش. فا لو مابقاش موجود، أنا مش هبقى كويسة خالص."

"والوقتي أقدر أقولك إنك فعلاً واجهتي حاجات أكبر منك يا فريدة. قدرتي تتخطي خوفك والرعب من محمود لما كنتي بتشوفيه. والدليل إنك لما شوفتيه في المحكمة عشان تشهدي محستيش إنك خايفة. أنا فخورة إنك قدرتي توصلي لـ كدا ولوحدك. حتى لو كان الشخص بيحميكي بس انتي اللي عيشتي الموقف وانتي اللي شوفتي كل حاجة بعينك. هو بس كان بيحميكي منو. ودلوقتي أقدر أقولك بردو إن دي أخر جلسة ليكي يا فريدة. أنا مش مبسوطة إن مش هشوفك تاني بس أتمنى متنسينيش."

احتضنتها فريدة بكل حب وودٍ: "أنا مبسوطة إنك كنتي الوحيدة اللي وقفتي جمبي وسمعتيني وقدرتي تخليني أتخطى كل حاجة أنا مريت بيها." قاطعتها "ناريمان" وهي تقول بهدوء: "انتي اللي مريتي وتخطيتي لوحدك. أنا بس كنت بحفزك وبشجعك تكوني أحسن. انتي تستاهلي كل الخير اللي في العالم يا فريدة. ياريت لسه في حد زيك." بعد قليل ودعتها فريدة. امسكت "ناريمان" بالقلم وكتبت على الورقة: حكاية فريدة. *** ضحكت بخفوت وأكملت ثم التفتت لـ "مكة"

قائلة: "شكلي حلو؟ "قولي جمر جمرين كدا يعني. المهم يلا اتأخرنا." *** بعد دقائق قد وصلوا إلى "قاعة". وبعد سلامات من كل الأصدقاء جاء الوقت لنداء الأوائل. قالها المنادي في المايك: "المركز الأول فريدة محمد صفوان." "المركز الثاني ريتال عبد الله عاصم." "المركز الثالث مكة عزت صفوان." ظل ينادي على الأوائل حتى التفتت "فريدة" لـ "مكة" واحتضنوا بعضهم من الفرحة. قالت "فريدة" من بين دموعها:

"أنا فرحانة أوي إننا وصلنا لـ كدا بجد، الحمد لله." جاءت "حياة" واحتضنت "فريدة" بحب: "مبروك يا حبيبتي ألف مبروك." "وأنا فين يا فريدة نسيتيني؟ التفتت لذلك الصوت واحتضنتها "سيدة". "مقدرش أنساكي، شكلك لسه معرفتيش غلاوتك عندي." جاءت والدة "يونس" من الخلف ورأتها "فريدة": "ماما الغالي على قلبي، يونس." *** "انت فين يا فادي أنا برا؟ نظر حوله حتى رآه: "تمام ثواني.. متخافش كل حاجة جاهزة زي ما طلبت."

أغلقت جميع الأنوار فجأة. حتى فتح وظهر "أدهم" ثم جثا على قدم، وممسك بيديه خاتم أمام "فريدة". نظرت له بصدمة، فا مر أربع أعوام وظنت منها أنه لم يعد يتذكرها. حتى فاقت على تصفيق الجميع وهو يلبسها ذلك الخاتم. ثم أخذ يديها في راحة يديه وقبلها بحب ثم همس من بين شفتيه: "بحبك." *** بعد وقت كان الجميع يقف على الاستديو وينتظرون تلك الموسيقى بحماس. "شو كانت حلوة الليالي، والهوى يبقى ناضرنا

وتجي تلاقيني، وياخدنا بعيد، هدير المي والليل.. كان عنا طاحون ع نبع الميَ، وقدامه ساحة مزرعة فيَ، وجدي كان يطحن للحي قمح وسهريات، ويبقوا الناس بهالساحات شي معهن أكياس، شي عربيات، رايحين، جايين ع طول الطريق، تهدر غنيات آه يا سهر الليالي، آه يا حلو على بالي غني آه، غني آه، غني على الطرقات ياي، ياي، ياي، يا سهر الليالي ياي، ياي، ياي، يا حلو على بالي غني آه، غني آه، غني على الطرقات....

"وراحت الأيام وشويً، شويً، سكت الطاحون ع كتف الميَ، وجدي صار طاحون الذكريات يطحن شمس وفيَ إيه يا سهر الليالي آه يا حلو على بالي، غني آه، غني آه، غني على الطرقات ياي، ياي، ياي، يا سهر الليالي ياي، ياي، ياي، يا حلو على بالي غني آه، غني آه، غني على الطرقات" اقترب منها هامساً في أذنها قائلاً: "قتلتني بعيونك الحور، يا شوق جيشٍ أسر قلبي، وقيد فؤادي بكِ." نظرت له بحب ثم قالت وهي ممسكة بيديه: "أرهقتَ قلبي بعشقك."

ثم تجمعوا جميعهم ليلتقطوا صورة للذكرى، حتى سمعوا صوت "أم كلثوم" تقول في الخلف: "وقابلتك إنتَ لقيتك، بتغير كل حياتي معرفش إزاي حبيتك، معرفش ازاي يا حياتي من همسة حب لقيتني بحب، لقيتني بحب وأدوب في الحب."