رواية ارقام في العتمة الفصل الأول 1 - بقلم اسماعيل موسى

انتي يا آنسة؟ وشاور دكتور سامر بأيده بتعملي إيه؟ ارتفع وجه كان شارد بوجة مضطرب ونظرة مفزوعة تجاه المنصة. فتح فمه، أنا، أنا أنا، أنا. مرات دون أن ينطق. رفع دكتور سامر إيده بامتعاض، إحنا مش هنخلص من قصص الحب الفاشلة دي؟ لازم تعرفوا إني مش هسمح إن المحاضرة بتاعتي تتحول لشات بين العشاق. كل واحد فيكم يخرج تليفونه قدامه على الطاولة ويقفله! سادت لحظة صمت. طلع كل طالب وطالبة تليفونه وحطه قدامه على الطاولة وقفل.

وانتي مخرجتيش تليفونك ليه يا طالبة؟ مش معاه تليفون يا دكتور سامر. تليفونها بايظ من أكتر من أسبوع. ردت زميلة تقى عبد الرحمن. اسكتي انتي. هي مش فيها لسان ولا إيه؟ أنا، أنا مش معايا تليفون يا دكتور. نطقت تقى عبد الرحمن أخيراً. مشى دكتور سامر خطوات بين المدرجات ورزع يده داخل بنطاله الأنيق. تقدري تقوليلي كنتي بتعملي إيه؟ ليه كنتي شاردة؟ أصل مش معقول تكوني بتحلي نظرية أينشتاين يعني؟

ارتفع صوت ضحك وهمهمة بين طلبة الدفعة الأولى للرياضيات. اسكتوا. همس دكتور سامر وبرقت عيونه الخضر الواسعة. اتفضلي اقفي. وقفت تقى عبد الرحمن بخجل. تقدري تقوليلي أنا كنت بتكلم في إيه؟ بشرح إيه؟ وشاور على السبورة. وقبل ما تقى عبد الرحمن ما ترد، منحها ظهره. طبعاً مش هتعرفي ولو قعدت شهر مش هتعرفي. اتفضلي اقعدي واعتبري ده تحذير أخير ليكي ولأي شخص يفكر يشرد في المحاضرة بتاعتي.

قعدت تقى عبد الرحمن في مقعدها ودمعة تجمدت على وشها. رفع دكتور سامر إيده وكتب بسرعة معادلة معقدة على السبورة. فيه أي حد يعرف يحل المعادلة دي؟ ساد صمت طويل داخل قاعة المحاضرة ولا طالب رفع إيده. ممم، طيب أنا هديكم خمس دقايق. أي طالب هيحل المعادلة هيضمن خمس درجات في امتحان نهاية السنة. حاول كل طالب أن يحل المعادلة بلا فائدة. ابتسم دكتور سامر وأخرج لفافة تبغ. طيب استعينوا بالإنترنت وحلوا المسألة.

مضى الوقت ولم ينجح شخص في حل المعادلة. همس دكتور سامر، كنت واثق من كده. المادة بتاعتي معقدة ومحتاجة تركيز شديد. حضراتكم بدل التركيز بتشردوا في حماقات فارغة. دكتور سامر خريج جماعة أكسفورد وكانت الدكتوراه بتاعته معقدة جداً ونادرة في تحليل نظرية النسبية عن طريق الجزيئات المتحركة. مسك دكتور سامر القلم وبسهولة قام بحل المعادلة المعقدة. المحاضرة الجاية امتحان. كله يكون جاهز.

دلوقتي متشكر لحضراتكم. تقدروا تنصرفوا. بتمنالكم يوم سعيد. امسكت تقى عبد الرحمن دفترها وبصت فيه وبصت على السبورة. كانت توصلت لحل للمعادلة لكن بطريقة مغايرة. أغلقت الدفتر وكان الطلبة ملتفين حول دكتور سامر بيمدحوا ذكائه ويطلبوا نصيحته. مرت تقى عبد الرحمن بين الطلبة بعيد عن نظر دكتور سامر والصخب المحيط به وخرجت من القاعة.