رواية اريد عريسا الفصل الأول 1 - بقلم عائشة نصر

سلمى: مش هتتجوزي يعني مش هتتجوزي يا سلمى. ماما، ونبي ونبي، دا سادس عريس، تجبريني أرفضه؟ الناس هتفكر إني وحشة. سالي (الأم) : لااا، قولتلك لأ. سلمى: يوووه، مش ذنبي بقى إنك معقدة بسبب إن بابا طلقك بعد جوازك بشهر، دا مش ذنبي أنا. ملييش دعوة بحياتك، سيبيني في حاااالي بقى. خرجت ملك ورزعت باب الشقة في إيديها والجيران كلهم بيتفرجوا عليها، بس هي مش زعلانة، هي اتعودت خلاص من سادس عرسان جم قبل كده.

أحد الجيران: هتلاقي البت مشيها بطال، وأمها مش عايزة تجوزها عشان متتفضحش زيها. ربنا يستر على ولادنا. ملك: استغفر الله. واحد، اتنين، تلاتة، أربعة، خمسة، ستة. هووف، اهدي يا ملوكة، اهدي يا حبيبتي.

زيكم أنا ملك، عندي 24 سنة. ماما خرجتني من التعليم من تالتة ثانوي بسبب خوفها عليا من غدر الناس. متعقدة لأن بابا غدر بيها وطلقها بعد جوازها بشهر، وكان بيضربها وبيعذبها. مش موضوعنا. مش راضية تخليني أقبل بأي عريس وأتجوز. الناس بدأوا يطلعوا عليا إشاعات بسبب إني مبقبلش عرسان. وطريقة العد دي قالي عليها الدكتور النفسي قريبي عشان أهدى شوية لما أبقى متعصبة. متستغربوش، أنا مش متعلمة بس فاهمة كل حاجة.

خرجت ملك من الحارة اللي ساكنين فيها ومشت. راحت عيادة دكتور وطلعت ودخلت المكتب من غير ما تخبط. يونس: مين الحيوان الل... أه، ملك، تعالي. ملك: تاني يا يونس، تاني؟ أي؟ سادس؟ يونس بابتسامة: اهدي بس، اهدي. المفروض تكوني اتعودتي. وأكمل بضيق: هو انتي عايزة تتجوزي؟ ملك: ولا ف بالي، بس الناس مبترحمشي. يونس: فكك من كلام الناس، مش هيخلص. ملك: ما أنا دكتور نفساني بيقولوا عليا مجنون. يونس: مجنون؟ قالتها باستهزاء.

يونس: بقولك إيه، فيه علبة آيس كريم كبيرة ف الفريزر. وأكمل بخبث: تيجي؟ ملك: يس. وقامت جابتها وجابت معلقتين وراحت قعدت جنبه. كلوا آيس كريم. ملك: أنا لازم أمشي دلوقتي. يونس: استني أوصلك وأطلع أقعد مع خالتو شوية. ملك: ماشي، يلا. يونس وصل ملك وطلع معاها. وملك دخلت تغير هدومها. يونس: ازيك يا أمي. (يونس بيقول لخالته أمي عشان هو يتيم) سالي: ازيك يا حبيب أمك. أجيبلك تاكل؟ يونس: لا يا حبيبتي، اتغديت ف المكتب.

سالي: ماشي يا حبيبي، ربنا يباركلك وأشوفك عريس قد الدنيا. يونس: مهو دا اللي عايزه منك. سالي: أوعى تكون هتتجوز واحدة وحشة؟ يونس: أنا عايز أتـجوز ملك يا خالتي. سالي: لا..