رواية اريد عريسا الفصل الثاني 2 - بقلم عائشة نصر

يونس: يا خالتي، إفهمي، ملك كبرت وكلام الناس عليها كتر. وعشان تبقى متجوزة حد إنتي بتثقي فيه. سالي: أنا بثق فيك كإبن أختي، مش عريس بنتي. أنت مرفوض يا يونس. يونس: بصي يا خالتي، إيه رأيك تتعاملي معايا حاليًا إني دكتورك النفسي، مش يونس. ريحي هنا وأحكيلي كل حاجة. سالي تقبلت الفكرة جدًا وبدأت إنها تطلع كل اللي جواها وتبكي. يونس كان بيسمعها وهو بيبص على باب أوضة ملك، اللي لما جت تطلع، شاورلها تدخل تاني وتسيب مامتها ترتاح.

يونس: بصي يا خالتي، مش كل الرجالة زيه، مش كلهم وحشين. أبويا وأمي كانوا وفيين لبعض، ماتوا سوا وحبوا بعض. عمي وعم ملك، كلهم، مش كل الرجالة وحشة. سالي: سيبني أفكر يا يونس. يونس: أنا همشي يا خالتي. سالي: تصبح على خير. يونس: وأنت من أهله. مشي يونس. وطول الليل ملك بتفكر فيه، وسالي بتفكر توافق ولا لأ. طلع النهار تاني يوم، وسالي اتصلت بيونس وطلبت إنه ييجي وأنها عايزاه ضروري. يونس: أؤمريني يا خالتي، فكرتي؟ سالي: أه...

موافقة، بس بشرط. يونس: أشرطي. سالي: أقعد معاكوا لغاية ما أضمن راحة وأمان بنتي. يونس: موافق. اسألي ملك عن رأيها. أنا هتكل على الله وأبقى كلميني. سالي: سلام. مشي يونس. وسالي فضلت قاعدة شوية، وبعدين قامت تشوف ملك. سالي: ملك. ملك: نعم. سالي: يونس اتقدملك وأنا موافقة. الرأي رأيك، هييجي بليل يتكلم معاكي. ملك: بس... سالي: مبسش. أنا راحة أرتاح. ملك: طيب.

جاء الليل، ويونس متوتر، راح لملك وخدلها الورد اللي بتحبه والشيكولاتة كمان. يونس: إزيك يا ملك. ملك: حمدلله يا يونس. يونس: هاا، فكرتي؟ ملك: اه. يونس: إيه ردك؟ ملك بجمود: مش موافقة.