رواية اريد عريسا الفصل السادس 6 - بقلم عائشة نصر

سالي: أنا كنت خايفة عليكي يا بنتي ودلوقتي كل حاجة خلصت. يونس طلق ملك وهي تشوف حالها يا ابني عشان البنت الغلبانة اللي اتجوزتها دي. يونس: لا أنا عايز ملك على زمتي. سالي: وعايزها على زمتك ليه؟ يونس: يا خالتي ملك اختي وكلام الناس مش هيسكت. بعد شهر اطلقت واتجوزت عليها. سالي: حرام عليك يا يونس، حرام عليك اللي بتعمله فيا دا يا ابني. يونس قرب عليها وقعد على ركبه وباس ايديها: يا خالتي أنا بحبكم وخايف على ملك.

ملك: خلاص يا ماما، أنا شهرين وهطلق. سالي: اسندوني أقوم أروح بيتي. ملك: باتي معانا يا ماما. سالي: لا خلي العرسان يتبسطوا. سالي قامت روحت، ومريم كانت بتحاول تفك توتر الجو. مريم: أي رايكوا نتفرج على فيلم ونعمل أنا وملك عشا. ملك سحبت ايديها منها: لا أنا هنام، تصبحوا على خير. ودخلت الأوضة وقفلت على نفسها جواها. احساس وجع وكسرة نفس صعبة أوي. للدرجة دي هي رخيصة؟ اتجوزها شهر وراح اتجوز عليها؟ نسى حبها في شهر؟

بس هي مش بتحبه، شاغلة بالها ليه؟ يونس كان واخد مريم في حضنه وهي عمالة تتكلم معاه، وهو مش شاغل باله غير ملك. بيفكر فيها وبيفكر في حبها. كانت شايفاه أخ... أخ! وبس، مش شايفاه حبيبها. كانت تقريبا بتستغل. مريم: يونس، روحت فين؟ يونس: معاكي يا حبيبتي. تعبان بس اليوم كان متعب أوي. مريم: طب يلا نام، تصبح على خير. يونس: وانتي من أهله.

في أوضة ملك نايمة وبتبص للسقف. موبايلها عمال ينور، مسدجات من حبيبها. وف أوضة يونس نايم وبيبص للسقف. الوجع اتمكن منهم. قلبهم مكسور، سواء من اللي نفسها مكسورة ولا من المقهور. واحساس الوجع خلاص اتمكن منه. في الصباح. ملك قامت دخلت الحمام وطلعت. لسا راحة تدخل أوضتها لقت مريم بتخبط على كتفها. ملك: نعم؟ مريم: أنا عملتلك كوباية نسكافيه. معايا تيجي نقعد في البلكونة نتكلم شوية؟ ملك: لا. مريم مسكت ايديها بترجي: لو سمحتي.

ملك راحت معاها. مريم قاعدة في البلكونة بتبص لملك، وملك بتبص في الشارع. مريم: بصي، أنا عارفة إنك مش بتحبي يونس. أنا بحبه أوي وشايفة نظرة الحب في عينه ليكي. ملك: اسكتي، اقفلي الموضوع ده. مريم: طيب احكيلي عن حبيبك. ملك اندمجت معاها وقعدت تحكي حاجات كتير وتوصفه وقد إيه هي بتحبه، بس هو كان في الجيش وبعدين جه مكنش عنده حتى بيت يقعد فيه. فبيشتغل عشان يتجوزها، وإن سالي أجبرتها تتجوزهم.

مريم: هتتجوزيه وتبقى أحسن عروسة في الدنيا. ملك: يا رب. ملك: أنا بحبه أوي يا مريم، عيونه وشكله جينتل أوي. ابن ناس بس الدنيا بهدلته. وبعدين دخل حد عليهم البلكونة. ملك: ماما!