رواية اريد عريسا الفصل الخامس 5 - بقلم عائشة نصر

بارك الله لكما وجمع بينكما. وقتها ملك ويونس سمعوا صوت هبدة عند الباب. ملك قامت تشوف إيه. ملك بصرااخ: ممممااامماا. يونس قام جري لقى سالي مغمى عليها وقاطعها النفس. يونس نسى كل حاجة وراح جري على سالي. يونس وهو يربت على وشها بخفة: خالتي، خاالتي. اتصل بملك، إيديه مغرقة وشها. ومريم (مرات يونس) بطبطب عليها. يونس: لازم تتنقل مستشفى، نبضها ضعيف. بدأ يشيل سالي ويقولهم: حصلوني بتاكسي، لازم أسبقكم.

ملك راحت جابت فلوس وفاتيح ونزلت، ووراها مريم. بعد نص ساعة في المستشفى قدام أوضة الكشف. الدكتور: بص يا أستاذ، هي زي الفل بس اتعرضت لصدمة، لكن عادي هتخرج معاكوا وتستوعب الموضوع. بس أتمنى تفهموها براحة ومتضغطوش عليها. يونس: ش شكراً لحضرتك. ولف يبص لمريم اللي حاضنة ملك وبتهديها. مريم: بس ي روحي، اهدي خلاص، الدكتور قال بقت كويسة. ملك: كله بسببي أنا، كله بسبب. مريم: لا لا، متقوليش كدا، كله هيبقى كويس.

يونس ابتسم بوجع لما شافهم كدا. مش سهل عليه ينسى حب حياته. هنا هنروح. ملك: وماما. يونس: هتيجي معانا. ملك جريت عليه حضنته. ومريم غيرانة جداً. ويونس مرضاش يحضنها عشان إحساس مريم ميتجرحش. مريم ابتسمت وراحت مسكت إيده ونزلوا كلهم ومعاهم سالي. سالي كان هادية تماماً. وطلعوا البيت وسالي قعدت على كرسي وحواليها ملك ومريم ويونس. سالي: إيه اللي كان بيحصل هنا. يونس: أنا هفهمك يا خالتي. وبدأ يونس يحكي لخالته كل حاجة.

سالي: وليه مقولتليش يا ملك، ليه يا بنتي. ملك: ماما، انتي كنتي بتخافي من الناس، لو كنت قولتلك كنتي هتحبسيني وتقوليلي جبتيلي العار. وفوقهم كلام الناس اللي عمره ما خلص. سالي: أنا كنت خايفة عليكي يا بنتي، ودلوقتي كل حاجة خلصت. يونس طلق ملك، وهي تشوف حالها يا ابني، عشان البنت الغلبانة اللي اتجوزتها دي. يونس: لا، أنا عايز ملك على ذمتي.