رواية اريد الحياة الفصل السابع 7 - بقلم مني احمد

الست العجوزة: هقوم أعملك كوباية شاي تدفيكي وتكمليلي حكايتك. حوريه في نفسها: الحمد لله ياربي، أنا كان عندي يقين إنك مش هتسبني يارب، اديني القوة أكمل. الست العجوزة: أجمل كوباية شاي لأجمل بنوتة. حوريه بلمعة في عيونها: شكراً يا أمي. أنا معنديش ولا أم ولا أب. جدتي قالتلي إنهم ماتوا في حادث. ينفع أقولك أمي؟ الست العجوزة: ربنا هيعوضك يا بنتي. انتي تقوليلي اللي انتي عايزاه.

حوريه: أنا بكرة هنزل أدور على شغل الأول، وأشتغل، وبعدين السنة اللي جايه أقدم على المدرسة لأن الامتحانات راحت خلاص. جدتي منعتني من التعليم. الست العجوزة بحزن: ربنا هيعوضك يا بنتي، خلي أملك في ربنا كبير. ربنا قال: "ونحن أقرب إليه من حبل الوريد." صدق الله العظيم. حوريه: انتي حنينة أوي وست طيبة. شكراً إنك استقبلتيني.

الست العجوزة: متقوليش كدا، الشكر لله يا بنتي. قومي غيري هدومك ونامي. أي نعم أوضة ضيقة وحمام صغير وفيه رطوبة وبرد، معلش. حوريه: لا يا أمي متقوليش كدا، أحسن من إني كنت أقعد في الشارع، وإن شاء الله هشتغل وهعمل كل ما في وسعي وهنتشلك معايا من المكان دا. الست العجوزة: المفروض جدتك كانت تحتويكي لما عندها حفيدة قمر وطيبة كده. حوريه بدموع: كنت حاسة إن نهايتي هتكون كده، بس ربنا فعلاً نجاني. الست

العجوزة وهي بتطبطب عليها: معلش يا بنتي. تعالي نامي على السرير وأنا هنام على الأرض. حوريه: والله ما يحصل. نامي مكانك، أنا هرتاح على الأرض. صدقيني. نامت على الأرض والأرض ساقعة وهدومها مبلولة، بس حوريه كانت سرحانة في حاجة واحدة بس: هتعمل إيه في حياتها، هيحصل إيه.

حوريه: لازم أشتغل. أي نعم ضاع من عمري سنة، بس ربنا أكيد ليه حكمة. الوقت دا أستغله في الشغل عشان أجيب مصاريفي ومصاريف دراستي. ودلوقتي بقا برقبتي ست عجوزة، هتم بيها. ياااارب قويني. وراحت في نوم عميق. الست العجوزة: حوريه، قومي. عملتلك شعرية بلبن تدفيك. حوريه بألم من الرطوبة والبرد اللي دخل جسمها: هقوم دلوقتي. الست العجوزة: قلتلك نامي على السرير، اديكي تعبتي.

حوريه: مينفعش، انتي أكبر مني وصحتك على قدك. أنا لسه صغيرة أستحمل. الست العجوزة: خدي طيب يا بنتي، دفي معدتك. أي نعم مش هيشبع، بس مفيش غير كدا. حوريه: تسلمي والله. أنا أصلاً أكلت امبارح فحاسة بشبع. أنا مضطرة أنزل أفطري بيه انتي.