رواية اريد الحياة الفصل الثامن 8 - بقلم مني احمد

حوريه خرجت وهي بتقول: آه جسمي بيوجع أوي. طب أنا دلوقتي أروح فين ولا أسأل مين؟ دخلت سوبر ماركت: السلام عليكم. كان راجل عجوز: عايزة إيه؟ حوريه بإحراج: ممكن حضرتك تشوفلي شغل معاك وأنا راضية بأي مبلغ. الراجل بعصبية: يلا يا بت من هنا، غوري كدا. حوريه خرجت وقالت: متزعليش، هسأل حد تاني. وبعد ما سألت وباست ورجليها تعبت من التدوير، حوريه لقت نفسها عند البحر. قعدت وفضلت تعيط بانهيار:

يا رب مش عارفة أعمل إيه، كل الطرق مسدودة، يا رب مش قادرة والله. لقت حد جنبها شاب في العشرينيات: هدي مالك يا صغننة. حوريه بفزعة: إنت مين؟ عايز إيه؟ أنا مازن، بشتغل في الكافيه دا، كنت ماشي لقيتك قاعدة هنا بتعيطي. حوريه: وإنت تعرفني عشان تكلمني؟ مازن: اهدّي بس، قلت أساعدك، إيه مشكلتك؟ ممكن أساعدك. حوريه بدموع: محتاجة شغل أوي. مازن: فين عيلتك؟ حوريه:

مفيش، أنا سايبة البلد وقاعدة مع ست عجوزة في أوضة فوق السطوح ومحتاجة شغل عشان تعليمي. مازن (عنده فصول ولكن مبينش أي حاجة) اممممم، أنا عندي شغل، هتشتغلي معايا في الكافيه. حوريه وهي بتمسح دموعها: بجد؟ مازن: آه بجد، بس محتاجة هدوم رسمية أكتر، لأنه من أشيك الكافيهات اللي في مصر وصاحبه شخص صارم جداً. حوريه: طب ممكن تيجي معايا أجيب، لأني معرفش حاجة هنا وممكن يضحك عليا. مازن بعد تفكير: تمام، يلا بينا، أنا عربيتي هناك، يلا.

وهما في الطريق: صح، قوليلي اسمك إيه؟ مقولتيش. أنا اسمي حوريه. مازن: ليه سبتي بلدك؟ حوريه بتنهيدة: كانوا عايزين يجوزوني واحد مش عايزاه، وجدتي حرمتني من التعليم. مازن: إيه الغباء دا؟ يجوزوا طفلة، كويس يا بنتي إنك فلتي بجلدك. حوريه: هربت يوم كتب الكتاب. مازن اداها مناديل: متزعليش، ربنا بيحبك. معاكي تليفون عشان بكرة أكلمك وأفهمك كل حاجة بتخص الشغل. حوريه: لأ. مازن: خلاص، أروح أجيبلك فون؟ حوريه:

احم، الفلوس اللي معايا مش هتكفي. مازن: تعالي بس معايا. عند حوريه ومازن: الفون عجبك؟ حوريه: آه، بس مبعرفش أستخدمه. مازن: هعلمك. وسجله رقمي العادي وبتاع الواتس، علمها تتعامل معاه إزاي. يلا أجيبلك هدوم، هو قريب من هنا. بعد تدوير. حوريه بإحراج: مش عارفة أقولك إيه، شكراً ليك بجد. مازن…