رواية اريد الحياة الفصل السادس والستون 66 - بقلم مني احمد

نوره بحزن لأنها حست أن حوريه بتحبه: مليون مبروك، وإن شاء الله هحاول أجي. مع السلامة. حوريه بارتباك وعيونها فيها دموع: ماما، أنا محتاجه أخرج دلوقتي ضروري. نوره: انتي لسه تعبانه؟ حوريه: لا، أنا كويسه. وكانت بتدور على الكوتشي بتاعها. ونزلت من الشقه، فضلت تتمشى وراحت البحر. قعدت على الرملة وفضلت تعيط وهي منهارة. "ليه انتي غبية؟ عمري ما نسيت حبه. ليه يعمل فيا كدا؟ "ليه يجرحني وبيلعب بيا كدا؟

عدى ساعة ونص وحوريه بتبكي متواصل زي الطفلة الصغيرة. قامت نفضت هدومها من الرمل وقامت تمشي وهي حالتها حالة. عيونها محمرة من العياط ووشها شاحب. بس هي رفضت ترجع البيت عشان أمها ما تشوفهاش بالحالة دي. أخدت تاكسي وراحت عند مريم. مريم: استني يا حبيبي أشوف مين اللي على الباب. جاسر: تخرجي إزاي ب لبسك ده؟ افرض راجل؟ خليكي أنا هشوف مين. جاسر: أيوه مين؟ حوريه: أنا حوريه يا دكتور جاسر. فتح الباب واتصدم لما لقى حالتها كدا.

جاسر: اتفضلي يا حوريه، ادخلي من برا. دخلت وبتعب: فين مريم؟ مريم: مين يا جاسر؟ اللي على الباب؟ جاسر: حوريه. مريم: حوووريه! ونزلت بسرعة بحماس عشان اشتاقت لحوريه. بس أول ما وصلت عندها وشافتها، ابتسامتها اختفت وأخدت حوريه بالحضن، ولكن حوريه مش مستجيبة. جاسر: طب أنا هخرج عشان محتاجيني في المستشفى، وأنتم خدوا راحتكم على الآخر. مريم: ادخلي يا حوريه، تعالي. مالك؟ في إيه؟ متقلقنيش.

حوريه بدموع وعيون مرهقة: مليش يا مريم. حاسة قلبي موجوع ومكسور. جربتي إحساس تسلمي لحد قلبك وإنتي مطمنة ومدية الأمان وفجأة يكسره؟ أنا حصل فيا كدا. 😭😭😭 مش قادرة يا مريم، مش قادرة. مريم بصدمة: إزاي؟ دا مش معقول. أخدتها في حضنها وحوريه كانت منهارة. بعد ما هديت، مريم عملتلها قهوة. حوريه: لا يا مريم، مش هقدر. أنا همشي عشان عايزة أرتاح. مريم: إزاي تمشي؟ لا، ادخلي نامي في الأوضة. الأوض كتير، اختاري اللي تعجبك.

حوريه: تسلمي، بس أنا عايزة أمشي. أمي لوحدها. خرجت حوريه وركبت تاكسي ووصلت البيت. نوره: حوريه، هتاكلي؟ أنا طبخت يا بنتي. كنتي فين كل ده؟ بس لما شافتها قلبها اتقبض. عمرها ما شافتها كدا غير لما كانت في الثانوي لما قابلتها على البحر وكان نفس السبب، بس المرة دي على أصعب. المرة الأولى ماذن سابها ومشي. أما التانية ف خلاص هيتجوز. نوره: مالك يا بنتي؟ فيكي إيه؟ حوريه.