رواية اريد الحياة الفصل الثاني 2 - بقلم مني احمد

جدت حوريه راحت تقعد عند ام محمود كالعاده. ام محمود ب عوجة بوق: اهلا. جدت حوريه: ليه يا وليه بتتكلمي كدا؟ ام محمود: معرفتيش تربي بنت ابنك دي ناقصة ترباية. دي لو راحت كلية هتجيبلك العار، دي فاجرة. اقولها اتجوزك، محمود كنت بهزر معاها اشوف تقول إيه. قالتلي: "لما اتجوز اتجوز راجل، دا لو آخر واحد في العالم مبصش له بعين." جدت حوريه رجعت مدخنة ورزعت الباب وهي معاها خرطوم وعلى جسم حوريه ووشها.

حوريه ب صراخ وبكاء: عملت إيه يا تيته؟ اشمعنا بتضربيني؟ حرام والنبي. جدت حوريه: حرمت عليكي عيشتك يا فاجرة يا كاسرة، يا اللي جايبالي الكلام. وضربت فيها لحد ما حوريه من البكاء فقدت وعيها. جدت حوريه: عمرت مزاجي، الهي تخرج مترجعش. بعد ساعة ونص. جدت حور معاها كباية ميه سقعه كبتها عليها. جدت حوريه: قومي، ملكيش شakoة ولا مشغلة. حوريه ب تعب: أنا داخلة ع امتحانات.

جدتها ب ضحكة عالية: ابقي اطمعي. امتحانات إيه يا ام امتحانات، انتي ملكيش تعليم. كفايا عليكي ليكي وبصرف عليكي، مفيش خروج من البيت. حوريه ب انهيار: بس أنا عايزة اتعلم، مش عايزة تصرفي عليا، اخرج اشتغل. جدت حوريه: بعينك. عايزة تخرجي تصيعي؟ وماله ابن ام محمود ها؟ يا فاجرة، ماله؟ حوريه: حرام عليكي، عايزة اتعلم، عايزة أطلع من العذاب اللي أنا فيه دا. جدت حوريه: تطلعي تصيعي مش كدا، وتمشي ف الباطل ها؟

انتي اصلا فاشلة وعمرك ما هتعمري. اتجوزي ابن ام محمود اهو تستري وتلاقي حد يصرف عليكي. حوريه ب بكاء: بس أنا مش عايزة كدا، أنا عايزة اختار الشخص الصح، وسني صغير. في حاجات أهم. جدت حوريه: اخرسي خالص. إيه اللي أهم ها؟ مسكتها من شعرها. جدت حوريه: قومي اتجري قدامي، قومي اغسلي الهدوم. حوريه ب تألم ودموع: انتي إزاي كدا؟ دا حتى أنا حفيتك بتعملي فيا كدا ليه؟ حرام. إيه ياربي العذاب دا. حوريه: أنا لازم اعمل حاجة ضروري.