رواية اريد الحياة الفصل الثاني والخمسون 52 - بقلم مني احمد

نوره بصدمة: إيه ده؟ ماذن؟ مش دي حورية؟ بتتخطب دلوقتي؟ ماذن بحزن: آه، واحد غني كمان، زيك كده، زي ما أخدتي أبويا عشان فلوسه. نوره وهي بتمشي سلمت على حورية وهي بتعيط وبتبوس فيها. حورية بقبضة في قلبها: انتي تعرفيني؟ نوره: ألف مبروك يا بنتي، ألف مبروك. وفضلت تبكي، والكل لاحظ. نوره بانهيار: وحشتيني أوي أوي، آسفة يا بنتي على كل حاجة، آسفة. حورية: انتي بتقولي إيه؟ انتي أكيد تعبانة. نوره بانهيار: أنا أمك، أنا اللي ولدتك.

حورية بصدمة: أمي؟ أمي ماتت في حادثة هي وأبويا، انتي أكيد بتشبهي عليا، ولا حد زقك عليا عشان يبوظ الخطوبة؟ أنا معرفكيش يا ست انتي، معرفكيش، أمي ماتت. ماذن اتعصب من أسلوب حورية. ماذن: يلا يا نوره، يلا. نوره ببكاء: لااا، أنا عايزة أشبع من بنتي، هي ليه بتقول إني مت؟ ماذن: لااا، بس يلا. وأخدها ومشيو. حورية لمعاذ: كفايا كده، سهرنا واتبسطنا، أنا عايزة أروح يا معاذ. خرجت حورية منهارة وجرت على البحر.

ماذن راح لها ومعاه مذكراتها وصورتها. حورية: عايزة أتكلم معاكي. حورية بانهيار: عايز إيه؟ ارتحت لما بوظت الخطوبة؟ ها؟ ماذن: بوظتهالك لي؟ أنا أصلاً هتجوز قريب. نزلت الكلمة دي كساعقة على حورية. ماذن: مش موضوعنا، انتي جرحتي أمك. حورية: أمي مين؟ أمي ماتت في حادثة، مش بتفهم؟ طلع ماذن الأجندة وصورته. ماذن: بصي كدا، مش دي مذكراتك؟

أهي، كانت مع نوره، اللي هي أمك. رجعت أمك من أمريكا بعد ما انفصلت من جوزها اللي هو أبويا، وهي اللي ربتني كمان. لما رجعت لقتك مش موجودة وهربتي من جدتك، وهي بتدور في أوضتك لقت الحاجات دي. حورية مسكت الأجندة وصورتها وانهارت. حورية: لا لا، أمي ماتت، أمي ماتت، جدتي قالتلي إنها ماتت. وانهارت. ماذن: وع فكرة، دي مش جدتك، دي مرات جدك. نوره جت بعدها وجريت على حورية وتقولها: سامحيني يا بنتي.

رميتيني وأنا في اللفة مع مرات أبوكي، وسافرتي تعيشي حياتك، وربيتي ابن مش ابنك، وحسستيه بحنان الأم، وحرمتيني أنا. حتى جدتي كانت قاسية عليا، بتعذبني، وكانت هتجوزني واحد مش بحبه، حرمتني من تعليمي، ولولا إني هربت مكنتش وصلت للمكانة دي. جيت القاهرة وأنا معرفش هنام فين، دورت على شغل ليل نهار، احتوتني ست عجوزة، حسستني بحنان الأم اللي اتحرمت منه، واحتوتني، بس في الآخر ماتت. اتبهدلت كتير أوي واتذليت، حتى اللي حبيته جرحني، حياتي كانت جحيم وملقتش حد يطبطب عليا ويحتويني.

تيجي تقوليلي سامحيني؟ أنا أمي ماااااتت، أمي ماتت.