رواية أريد غفرانها الفصل السابع 7 - بقلم سولييه نصار

يعني إيه عايزة تجوزيها؟ صرخت بغضب في أمي بعد ما مشيوا أهل المهندس. بصتلي أمي ببرود وقالت: أحمد مهندس بترول محترم، معجب بآيات وعايزها وعارف ظروفها ومستعد يخليها تكمل تعليمها ومش معترض إنها تشتغل لو حابة، وغير كده ظروفه مرتاحة ومش شخص متكبر نرجسي فاكر الناس أقل منه. قولي بقا أنا أرفضه ليه إذا كان آيات موافقة عليه. حسيت إني هتخنق وقولت: هي موافقة. هزت أمي كتفها وقالت:

أيوة وكمان مقررين نعمل الخطوبة بعد امتحاناتها والفرح بإذن الله بعده بأربع شهور أكون عرفت أجهزها كويس. صحيح باشمهندس أحمد وعيلته كانوا عايزين يتحملوا كل المصاريف بس أنا رفضت، فرحتها اللي إنت كسرتها أنا هرجعها تاني. مستحيل أسمح بده. بصتلي أمي بغضب وقالت: إنت عارف يا أنس إني أنا اللي هقفلك. استني يا ماما. جات آيات من ورايا ووشها جامد مفهوش أي مشاعر وقالت:

دي حياتي يا أنس إنت ملكش إنك تتحكم فيا. أنا أعرف أحمد لحد ما هو أخ صديقة ليا في الكلية. وهو إنسان محترم وهيصوني متقلقش إنت. بصت لها بصدمة وأنا بحس إني هخسر ودي حاجة كانت هتجنني. مستحيل أنا أخسر. أنا أولى بيها من أي حد. أنا ابن عمها وكنت جوزها لمدة تلات سنين. مسكت إيديها وزعقت فيها وقولت: أنا طلقت رهف بسببك وإنتي دلوقتي عايزة تروحي لحد تاني. بصتلي بصدمة وبعدتني عنها وقالت: إنت أكيد مجنون. أنا مالي بمشاكلك.

وقفت أمي قصادي وقالت: كفاية رمي البلا علينا. مشاكلك مع مراتك آيات ملهاش دعوة بيها إنت فاهم؟ دي مشكلتك إنت حلها وسيب البنت في حالها بقا حرام عليك. بصيت لآيات وقولت: آيات اللي تقرر يا أمي. اتنهدت وقولت: أنا طلقت رهف خلاص لأني عرفت إني محبتش غيرك يا آيات وإنتي كمان مستحيل تحبي غيري. يالا نرجع. بس أنا مبحبكش. كذابة. والله ما بحبك وإنت عارف إني مبحلفش كدب. كنت هتجنن وأنا ببصلها. لا مستحيل. إزاي يعني حبها اختفى ليا؟

يعني أنا مش هكون أهم إنسان في حياتها بعد النهاردة. بصتلي بشفقة وقالت: وكمان مش بكرهك يا أنس. إنت ابن عمي، هي دي بس مكانتك عندي. لكن حبي ليك انتهى في اليوم اللي بدلتني بواحدة تاني. وأنا مقدرش أتجوز إنسان أنا مبحبوش. لأني دلوقتي مبقتش أبصلك بعين الحب. أنا دلوقتي بشفق عليك بشفق على اللي وصلتله وإنت مستحيل تتجوز واحدة بتشفق عليك يا أنس.

حسيت كلماتها زي الخنجر في قلبي. آيات فاهماني كويس. بس اللي قتلني بجد إني فعلاً شفت الشفقة بعينيها. ودي حاجة كنت بتمنى أموت قبل ما أشوفها. لأني دايما كنت أشوف آيات أقل مني ولما هي تشفق عليا بالشكل ده. حقيقي ده كسر قلبي. لمعت عيني بالدموع وأنا ببصلها بعجز. أنا بغبائي خسرت كل حاجة. خسرت حبها واهتمامها بيا والأسوأ إني حبيتها متأخر. وحقيقة إنها هتبقى ملك لغيري قتلتني.

مشيت من هناك ودموعي بتنزل لوحدها. كنت أتمنى إني أرجع الزمن لورا عشان معملش كده بس للأسف. مرت الأيام ولقيت رهف بتطالب بحقها. وكون إني كتبتلها مؤخر كبير حرفياً أخدت كل فلوسي وحتى شقتنا بعتها واشتريت شقة على قدي وشغلي في المستشفى أهملته. لحد ما المدير كلمني بحده.

بعد شهرين كنت واقف من بعيد وأنا بشوف آيات بتتخطب لغيري. كنت حاسس بنار حرفياً جوايا، حاسس إني متغاظ. أفكار كتير بتدور في دماغي أهمها إني أخطفها بعيد عن هنا بس كنت أضعف من كده. وقتها اتخنقت وقررت أبعد. وفعلًا بعد أيام سبت شغلي وسافرت بلد تانية عشان أبدأ حياتي من جديد. ياااه قد إيه ربنا كريم. أنا مش مصدقة إن ده حصل معاكي. قالتها حنان لآيات اللي شغالة معاها في الحسابات في المستشفى. ابتسمت آيات وقالت:

الحمد لله. بعد ما اتجوزت أحمد كنت بحمد ربنا كل يوم لأنه عوضني بالأحسن من أنس وإني ربنا قدر ينسيني أنس بسهولة. أنا أحيانا بستغرب إني كنت بحب الإنسان ده. ابتسمت حنان وقالت: ربنا كريم يا حبيبتي. وإنس حصله إيه؟ هزت آيات كتفها وقالت: آخر حاجة سمعتها إنه اتجوز تاني بس طلق واتجوز واحدة تالتة وخلف منها. بتمني يكمل معاها المرة دي. رن تليفون آيات فجأة فقالت:

ده قرة عيني بيتصل. عن إذنك بقا عشان النهاردة عيد جوازنا وهو عازمني على السينما. ضحكت حنان لما شافت آيات بتجري زي الطفلة وبتروح لجوزها. يالا يا يويو هنتاخر على الفيلم. قالها أحمد وهو بيستعجلها. ضحكت آيات وركبت العربية بسرعة. في السينما.

كانت حاطة راسها على كتفه وهي بتتفرج على الفيلم. رغم إن بقا معاهم عيلين إلا إنه لسه بيهتم بيها ويخرجها. في الخمس سنين اللي عاشوا مع بعض فيه عمره ما هانها ولا زعلها. احترمها واحترم طموحها. كان بيسمعها ويتفهمها. بصتله بحب وقالت: هتفضل تحبني كده دايما يا أحمد. حتى الموت. ابتسمت بحب وقالت: وأنا كمان حتى الموت. تمت