رواية اريدك لي الفصل الثامن 8 - بقلم الكاتبة شهيد

عيسي: عايزك تدربيني. رفيف: لو مش خايف على نفسك، تعالي. وسابتهم وطلعت. عيسي كان مبتسم. حسام: إيه، هنبات هنا؟ عيسي: تليفوني. مصطفى أول ما فتح الباب وشاف رفيف قدامه. مسك شعرها وقال: كنتي فين؟ طبعًا مقضياها مع اللي نزلت من عربيتها في نص الليل. رفيف بزعيق: إيه اللي بتقوله ده؟ ضربها بالقلم وقال: ولسه ليكي عين تجحدي؟ قال وهند، بتقولي نبأ، ليكون حصلها حاجة؟ هند كانت واقفة مبسوطة بكل اللي بيحصل. وحور بتعيط.

رفيف كانت واقفة بتبص لأبوها وشفايفها اتعورت وجابت دم لما أبوها ضربها. رفيف بدأت تضحك ودموعها نازلة وقالت: لا لا يا بابا. ويكون حصلي حاجة ليه؟ فعلاً أنت عندك حق. أنام مقضياها ومتربتش، هتعمل إيه؟ هتموتني؟ آه، وأنا بتــرجـاك موتني. خليني أروح لأمي. مصطفى: اطلعي بره، وما أشوفش وشك هنا تاني. رفيف راحت ناحية أوضتها وخدت ألبوم صورها هي ومامتها وقالت: عمري ما هسمحك. رفيف فتحت الباب ولقيت عيسي واقف مصدوم.

رفيف نزلت بسرعة وعيسي نزل يلحقها. عيسي لحسام: خد العربية وروح أنت. عيسي لحقها ومسك إيدها وقال: رفيف، آه. رفيف لفت وقالت بدموع: إيه فايدة الأب في حياتنا لو ماكنش سند؟ عيسي مسك إيدها وشدها وراه لحد البحر. عيسي: مش هقولك متعيطيش، بالعكس، عيطي. فرغي كل الشحنة اللي جواكي. رفيف: تعبت قوي. عيسي طلع منديل وقرب منها وبدأ يمسح الدموع. عيسي: أنا عايش مع أخواتي البنات، تقدري تيجي تقعدي معاهم. رفيف: لا.

عيسي: ششششششش. مش عايز اعتراض. في بيت عيسي، رفيف دخلت ورا عيسي. عيسي قرب من أسيل أخته وشرحلها. أسيل بابتسامة: صدقني، رفيف دي هتبقى حاجة مهمة بالنسبة لك. عيسي زغرولها وهي قربت من رفيف وقالت: تعالي معايا يا قمر. كل ده ونور كانت واقفة بتراقب. فوق، رفيف لبست البيجاما اللي أسيل ادتهالها ولمت شعرها وقالت: آسفة، هتقل عليكم. أسيل: هزعل منك، أنتِ أختي زي زيك زي فريدة. رفيف حضنتها بحب.

في صباح يوم جديد وعلى الفطار، عيسي قعد ورفيف كانت بتحط الفطار مع أسيل. عيسي: رفيف، اقعدي. أسيل بتحب تعمل كل حاجة لوحدها. أسيل: قوليها غلبتني. فريدة نزلت وقربت من عيسي وباست خده. عيسي: صباح الفل. فريدة بصت لرفيف وقالت بالإشارة: مين دي؟ عيسي: دي رفيف. فريدة هزت راسها وخرجت لكليتها. نور بمقاطعة: وهتقعدي معانا قد إيه يا رفيف؟ رفيف بإحراج: مش هطول، يومين بالكتير، عن إذنكم. عيسي لنور بغضب: حرّجتيها، وإنتي مالك يا نور بيها؟

عيسي قام لحق رفيف وقال: متزعليش، هي نور كده، دمي. رفيف: هي مقالتش حاجة تزعل. عيسي: طب يلا اركبي، أوصلك وبلاش رغي. قدام كلية فريدة، ياسمين: هي دي؟ شابين مشيوا ناحية فريدة وبدأوا يدقوها. فريدة جت تمشي، واحد مسك إيدها والتاني قال: مصلحتك إنك خـارسة. فريدة بقت تعيط وكتبها وقعت على الأرض و