رواية اسد المخابرات الفصل الخامس 5 - بقلم محمد احمد

فتح فارس الباب واتصدم من المنظر. حياة كانت لابسة توب كت وبنطلون واسع وعليه جاكت قصير عند البطن وسايبة شعرها وكانت بترقص حلو أوي. حياة أخدت بالها إن حد بيبص عليها. حياة: ااااه! أنت إيه اللي دخلك هنااا!! فارس بصدمة: أنا... أنا معرفتش أنام من صوت الأغاني، بقالي نص ساعة بخبط مسمعتيش؟ قلت أفتح. وياريت توطي صوت الأغاني عشان عايز أنام، أو اقفليه خالص مش ناقصين ذنوب. حياة بعناد: وإنت مالك بقى أقفل ولا لأ؟ غور.

فارس بعصبية: أغور!! لا بقى أنا ساكتلك من بدري يا بت إنتِ. حياة بنفس العصبية: بت!! طب غور من هنا يا والااا. فارس وهو بيكتم عصبيته: متتحدينيش يا حياة!! حياة بنفس النبرة وبتتريق عليه: متتحدينيش يا حياة، نينينيني. فارس طلع يجري وراها. فارس: طب تعاليلي بقى. طلعوا هما الاتنين بيجروا ورا بعض جوه الأوضة. وجت تخرج بره الأوضة، فارس نط قفل الباب وهي اتخبطت في صدره العريض.

فضلو بصين لبعض ثواني. حياة اتكسفت ضربته وخرجته برا، وفارس فضل يضحك ودخل نام. حياة قعدت ورا الباب وضمت رجليها ليها زي الأطفال وفضلت تعيط. *** الساعة ١٢ الضهر. دق... دق... دق. حياة بنوم: أيوه، الو مين؟ عمر وهو بيحاول يكتم ضحكته: قومي يابنتي، إنجزي. إنتي شرطية إزاي أموت واعرف. حياة وهي بتقوم: اخرس يالا! لما أخرجك.

قامت حياة ولبست بلوزة أوفر سايز وطويلة وتحتيه هوت شورت وربطت شعرها ديل حصان ولبست شبشب ميكي، وكانت حاطة ميكب خفيف. عمر بأنبهار: يخواتي! ع القمر. حياة: هه، تسلم. عمر بأستغراب: أحكش؟ حياة بضحك: ششش! يلا عشان نفطر. فين الشرطي اللي معانا ده؟ عمر بأستيعاب: ااه تقصد فارس. حياة بضحك: لا لا، ملناش إحنا في الكلام دا. لايق عليه بغل أكتر. عمر وهو بيسكتها: اسكتي! الله يخرب بيتك، بدال ما يطلعلنا الوقت. أنا داخل أصحيه. طاااخ....

طااااااخ. عمر بأستغراب: هو مردش لي؟ حياة: معرفش، يمكن مخبطناش كويس؟ طااااااخ.. طاااااااخ.. طاااااااخ. عمر: لا دا لو نايم تحت الأرض كان صحي! أنا داخل. عمر دخل ملقاش حد. عمر: ااه... حياة. حياة: إيه؟ عمر: مش موجود. حياة: يعني إيه مش موجود؟ هيكون راح فين؟ عمر: معرفش. حياة: ليكون سرق الدهب بتاعي؟ عمر: دهب إيه اللي يسرقه؟ هو إنتي حيلتك حاجة أصلًا؟ حياة: احم، طب يلا نشوفه. عمر وحياة كانو نازلين لقوه طالع ع السلم.

عمر وحياة: كنت فين؟ فارس: كنت بجري شوية زي كل يوم. فيه حاجة؟ حياة: ها، لا ولا حاجة. حياة ميلت ع عمر وقالت ف ودنه: شوف، كنت ظالمه! مسرقش حاجة. عمر بصدمة: أنا برضو؟ عمر: ماااشي. حياة: احم، طب يلا عشان تعملنا الفطار. عمر وفارس: مش المفروض إنتي اللي تعملي الفطار؟ حياة: ها، وأنا لي؟ مش الست زي الراجل ولا بتهيألي؟ فارس بضحك: اه، إنتي منهم. قولي بقى إنك مش بتعرفي تطبخي. حياة بغرور مصتنع: هه، دنا الشيف الشربيني في البيت.

فارس بضحك: طيب، ورينا يا شيف. عمر وفارس استنوا حياة في غرفة الطعام. بعد نص ساعة شموا ريحة حريقة. طلعوا يجرو ع المطبخ. حياة: عملتلكو أحلى بيض أومليت. عمر بزعر: يما! إيه دا؟ حياة: بيضة خطيرة، مش كده! عمر بسخرية: خطيرة اه، دي زي الفحم وريحتها بنزين!! فارس: اه، صح. إيه ريحة البنزين دي؟! حياة بعته: أنا برضو شكيت إن دا بنزين...