رواية اسد المخابرات الفصل الثالث 3 - بقلم محمد احمد

حياة وهي تضحك: ولا حاجة، كان مقلب. ميرا ومايسة بصّوا لها نظرة وطلعوا يجروا وراها. ميرا: والله ما هسيبك يا جز*مة. مايسة: حرام عليكي، قطعتي الخلف بسببك. الباب كان بيخبط. حياة راحت فتحت وهي بتجري. ميرا رمت الشبشب وجه في اللي كان بيخبط. فارس: آآآه، أنا شكلي جيت في وقت مش مناسب. ميرا: آسفة يا ابني، مكنتش هرمي عليك. تعال اتفضل. فارس: لا لا شكراً، أنا بس جيت أجيب محفظة حضرة الظابط وقعت منه.

حياة: شكراً، بس إيه اللي جابك برضه؟ وجبت العنوان منين؟ بتراقبني؟ فارس بصدمة: يعني أنا تاعب نفسي وسايب شغلي عشان أجيبه وتقولي كده! ميرا وهي بتضرب حياة: بطلي قلة ذوق بقى، الراجل كتر خيره. آسفين يا ابني. فارس وهو بيجز على سنانه: ولا يهمك يا طنط. تمام جداً يا حياة. حياة بلامبالاة: ماشي، شرفت. مشي فارس. ميرا: مين الواد ده يا بت؟ وإزاي عاملتيه كده؟ حياة بضيق: ده عيل بارد، المفروض هيشتغل معايا بس مش طايقاه، شايف نفسه أوي.

ميرا: ولو، قلة أدب صحيح. حياة بزهق: يا ماماااااا بقى. ميرا: بلا ماما بلا زفت، حسابك بعدين. *** في الصباح 🌤️ حياة: آآآه، إيه ده؟ ميرا: إيه يا زفتة، كل ده نوم؟ فزي قومي يلا. حياة: تقوم ترمي عليا تلج! إنتي أم إنتي؟ ميرا بتعجب: ما انتي زي البرميل مش بتصحي بحاجة أصلاً. حياة: طيب ماشيييي. ميرا: بتبرطمي بتقولي إيه يا زفتة! حياة: ولا حاجة يا قمر.

قامت غسلت وشها وصّلت ولبست بنطلون أسود ضيق شوية وبلوزة بيضة، وسابت شعرها وحطت مكياج خفيف ولبست هيلز. ميرا: حياااااة. حياة: نعم يا ماما. ميرا: رايحة فين باللي لبساه ده؟ حياة: رايحة الشغل، هكون هروح فين يعني؟ أومال مصحّياني لي! ميرا: ما هذه الملابس! حياة: إنها ملابسي. ميرا: كلا البتا... حياة: ماما عايزة إيه؟ ميرا: خدي الورقة دي فيها طلبات البيت، هاتيها وانتي راجعة. حياة: إيه كل ده يا ماما؟

وبعدين مش هفضى أشتريهم، ما أنا هسافر النهاردة ومحتاجة وقت. ميرا: هاتي اللي قلتلك عليه وانتي ساكتة. خدي فلوس أهي، هاتي اللي عايزاه للسفر، متصدعيناش. حياة: طيب يا ماما، شكراً. هشوف أبقى أروح بعد الشغل. *** في مركز الشرطة 🚓 دق... دق.. دق... النقيب: اتفضل. حياة: إزيك يا باشا مصر؟ عامل إيه؟ وإزاي مراتك وعيالك؟ النقيب باستغراب: انتي جاية الوقت ليه؟ حياة: يعني إيه؟ مش شغلي 9 برضه ولا إيه؟ النقيب: أيوه، والساعة الوقت كام؟

حياة وهي بتبص بصدمة في الساعة: يلهووي! الساعة 11. النقيب: مش أنا قلتلك متجيش متأخر تاني؟ روحي البيت جهزي عشان هتسافري الفجر انتي وعمر و... حياة بمقاطعة: والبغل؟ النقيب: بت مين البغل ده؟ ده الظابط فارس. حياة بضحك: اسمه فارس؟ والله لايق عليه بغل أكتر 😂. النقيب: بت روحي اخلصي، وإياكي تتأخري بكرة! حياة: حاضر. راحت المول عشان تشتري الحاجات. حياة وهي ماشية خبطت في حد. حياة: آآآه، إيه الغباء ده اللي ع الصبح؟

كتلة غباء ماشية. فارس بغضب: إيه يا بت؟ هو انتي دايماً كده؟ الشتيمة ع لسانك. حياة: بت لما تبتك يا بغل انت. فارس وهو بيكتم غضبه: امشي من وشي الوقت، بدل ما أموتك. حياة ببرود: والله أنا كده خفت يا مامي. فارس طلع يجري وراها وهي تجري لمدة نص ساعة. حياة: يخرب بيته، هدّت حيلي. الله يهد حيلك.