رواية اصدقاء للأبد الفصل السادس 6 - بقلم هنا حسين

زقته حورية بقوة وقالت بغضب: "انت إزاي تعمل كده يا حيوان؟ ماجد ببرود: "انت لسانك ده إيه؟ وبعدين انت اللي عاوزة كده." حورية: "بقولك إيه، اوعي تفكر إننا ولاية وملناش ضهر. لا يا بابا، أنا بـ 100 راجل واوعي تفكر تيجي على سكتي أنا ولا حتى ملاك، فاهم؟ قالت كلامها وخرجت برا المكتب تبحث عن لوكا. *** عن ملاك: آدم: "خلاص كده، اتفقنا." ملاك ببراءة: "بس حورية جاية على شان تتخانق مع ماجد." آدم:

"ما تقلقيش، انتِ اقنعي حورية وأنا هتكلم مع ماجد." قاطعت حديثهم حور. قالت: "يلا يا ملاك." ملاك: "يلا." وذهبت معها، وشالت لوكا لآدم وقالت: "باي." وهما ماشيين: حور: "أنت بتقوليله باي؟ ملاك: "اه، مش هو هيشغلنا معاه؟ حورية بصدمة: "هيشغلنا فين؟ ملاك: "في الشركة هنا." حورية بعصبية: "لا مستحيل نشتغل هنا عند الحيوان اللي اسمه ماجد ده! ملاك: "يا بنتي حرام عليكي، الوقت بيخلص واحنا ملقناش شغل، هنتصرف إزاي؟ حور: "لا يعني لا."

ملاك: "ممكن اعرف إيه السبب؟ حورية تذكرت قبلته لها ووشها احمر وقالت: "ده مش محترم، ممكن يعملنا حاجة وحشة." ملاك: "ما تقلقيش، آدم هيقف معانا." حورية بغمزة: "إيه حكاية آدم دي؟ هي الصنارة غمزت؟ ماتنسنيش معاكي بقا يا لوكا." ملاك بخجل: "بس يا بت، دي مجرد مساعدة." حورية: "عليا أنا بردو، بس ماشي، يلا بقا أحسن ماما تقلق علينا." وذهبوا إلى البيت. اذكروا الله. *** عن ماجد: ماجد: "انت إزاي تعمل حاجة زي كده من غير ما تقولي؟ آدم:

"ما حصلش حاجة يا ماجد، ومتنساش إننا السبب في إنهم هيعيشوا في الشارع، وأنا لو مكانك مستحيل أطلعهم من الشقة وهما ملهمش حد، وهو خد جزاته." (قصده على أبو حور) ماجد حس بالشفقة: "خلاص تمام، اللي تشوفه." آدم: "خلاص، ملاك هتبقى السكرتيرة بتاعتي، وانتِ حورية." ماجد: "لا، البنت دي لا. خلي ملاك عندي." آدم بغيره: "ليه إن شاء الله؟ أنا اللي اخترت الأول." ماجد: "ههههه، إيه ده، انت وقعت؟ آدم:

"الصراحة آه، من أول ما شفتها وهي شدتني." ماجد: "ربنا يسعدك، وأنا أقول عمال تدافع عنهم ومهتم بيهم، أظن واقع هههه." آدم: "خلاص اتفقنا، أنا ملاك وانت حورية، ماشي؟ ماجد: "حورية، حورية، أهو بالمرة أعلمها الأدب على طول لسانها." *** في الصباح: يذهبان ملاك وحورية إلى الجامعة، وبعد الجامعة يذهبو إلى الشركة. يذهبوا إلى السكرتيرة ويطلبوا يدخلو، وتسمح لهم.

بعد أن أذن لهم ماجد بالدخول، دخلوا المكتب. كان جالس ماجد على كرسي المكتب وآدم قدامه. القوا السلام. ماجد بنظرات غرور: "انتوا بتدرسوا إيه؟ ملاك: "كلية اقتصاد." آدم: "طب بتفهموا حاجة في السكرتارية؟ حورية بغرور: "إحنا نعرف كل حاجة." ماجد بإعجاب: "انتِ واثقة من نفسك أوي." حورية بنظرات تحدي: "أوي." آدم: "خلاص، انتِ يا ملاك هتبقي معايا، وحورية مع ماجد." حورية: "واشمعنى أنا اللي أبقى معاه؟ خلي ملاك." ماجد بعصبية:

"إيه أمور الأطفال دي؟ ده شغل مش لعب عيال، فاهمة؟ حورية بغيظ: "انت بتزعق ليه؟ انت شايفنا طرش؟ ماجد: "اسمعي يا بنت، مدام هنشتغل مع بعض لازم نبقى حلوين، وماتنسيش إن أنا المدير هنا، ويلا كله على شغله." ذهب آدم وملاك على مكتب آدم، وحور فضلت لما ماجد أوقفها. حور حست بالخوف لمجرد إنهم بقوا لوحدهم. ماجد قام من مكانه واتوجه لها.