رواية اصدقاء للأبد الفصل الثامن 8 - بقلم هنا حسين

في صباح يوم جديد تفيق ملاك من النوم. تجد حور لا تزال نائمة. قامت ملاك، تسحبت بهدوء، وجلبت كوب ماء وسكبته على حور. قامت حور مفزوعة. حوريه: آه الحقوني، أنا غرقت! ملاك كانت تموت من الضحك. حوريه بغضب: آه يا بنت الجزمه. وجرت وراء ملاك. ملاك: خلاص حرمت، خلاص، ونبي مش قادرة. حوريه: وربنا ما أسيبك يا سهتانة أنتِ. جرت ملاك واختبأت وراء زينب. حوريه: بتستخبي وراها يا جبانة. زينب: إيه الدوشة اللي عاملينها من الصبح دي.

حوريه: دلقت عليا الماية. ملاك ببراءة: أبداً يا خالتو، أنا كنت بوفر ليها وقت. عسل وشها. زينب بغيظ: يا بنتي بطلي كذب، ودانك طولت من كتر الكذب. ملاك من وراء زينب تطلع لسانها وتغيظها. ملاك: حرام عليكي يا حوري، أنا مستحيل أكذب، صح يا خالتي. زينب: بطلو مناقرة وجهزوا عشان الجامعة. حور وملاك: حاضر. ذهبوا كي يجهزوا. لبسوا بناطيل جينز وتيشرتات نص كم باللون الأسود، وكوتشيات باللون الأبيض. وعملوا شعرهم ذيل حصان، وكانوا قمرات.

وطبعاً لم يضعوا مكياج، مكتفين بجمالهم. ذهبوا الجامعة. وطبعاً حور زعلانة من ملاك على تصرفها في الصباح. ملاك بعبوس: يعني مفيش صلاح. حوريه: لا، وبطلي كلام معايا أحسن أزعل. ملاك: خلاص بقى، قلبك أبيض. حوريه: لا، مين قال لك إن قلبي أبيض، أنا قلبي أحمر. ومشوا زعلانين من بعض. من الجامعة راحوا الشركة. *** آدم: مش عارف أوصف لك بحبها إزاي. عامله زي الأطفال، بتزعل بسرعة وتتراضي بسرعة.

ماجد كان قاعد بيسمع كلامه وماسك نفسه من الضحك. آدم: مالك مش بترد. ماجد لم يتمالك نفسه وفضل يضحك. ماجد: ههههه، يخربيت عقلك، أنت بقيت مراهق كده إزاي. آدم: أنت بتتريق عليا، بكرة تحب وتتجوز وتقول نفس الكلام. ماجد: هي إيه حكايتك أنت وبسمة في موضوع جواز. وإني تعبتك أوي كده. آدم: آه تعبنا، بس أنت لما تحب هتعرف إن معايا حق. ماجد: مدام أنت واقع كده، متطلبها من خالتها. آدم: المشكلة إنها خام وبتتكسف، وخايف يرفضوني.

عاوزها تاخد عليا الأول. ماجد بضحك: ههههه، وقعت ولا حد سمي عليك. آدم: بكرة تقع زيي. قاطع كلامهم خبط على الباب. سمح ماجد للطارق بالدخول. دخلت حور وأدت التحية. آدم ما صدق إن ملاك وصلت، واستأذن. ماجد لاحظ إن حوريه زعلانة، بس مهتمش، أو عمل نفسه مش مهتم. ماجد: إيه مواعيد النهاردة. ملته حوريه المواعيد. وكادت إن تخرج، أوقفها ماجد. ماجد: اعمليلي قهوة وهاتيها. حوريه: بس دي مش شغلتي، دي شغلة الساعي.

ماجد: وأنا طلبت منك، وما تنسيش إنك هنا شغالة عندي، ويلا بلاش كلام كتير، روحي اعملي القهوة. حور بغيظ: ماشي. ذهبت تحضر القهوة وهي تتمتم بغيظ: ماشي يا ماجد الكلب، أما أوريك. *** كانت ملاك قاعدة على المكتب بعبوس. آدم: مال الجميل زعلان. ملاك بخضة: خضتني. آدم: ههههه، أنا آسف يا قمر. ملاك: لو سمحت، بطل تقولي الكلام ده. آدم: حاضر يا ستي، ها قوليلي مالك زعلان. ملاك ببكاء: أصل حوريه مخصماني.

آدم: طب اهدي، كل ده على شأن حوريه مخصماك. ملاك: طبعاً، حور مش بس بنت خالتي، لا دي أختي وصحبتي، وأنا مقدرش أستغنى عنها. آدم: كل ده حب لحوريه، وأنا ماليش نصيب. ملاك بزعل: تصدق، أنا غلطانة إني بتكلم معاك في حاجة تخصني. آدم: ملاك، مش قصدي، أنا بهزر معاكي عشان تضحكيها، يا ستي قولي إيه اللي زعل حوريه. حكت ملاك لآدم. آدم مقدرش يمسك نفسه من الضحك. آدم: هههه، مش باين عليكي أبداً إنك تعملي كده، بقا أنت الكيوت تعملي كده.

ملاك بزعل: أنا غلطانة إني حكيت لك، وأنا هخاصمك ومش هكلمك تاني. آدم بحنية: صدقيني، أنا مقدرش على زعلك، ويلا عشان زعلك هخلي حوريه تصالحك. ملاك بفرحة: بجد، خلاص أنا هصالحك لو عملت كده. آدم بضحك: ماشي. *** دخلت حوريه لماجد وقدمت له القهوة. وخرجت وهي كاتمة الضحكة. شوية وسمعت صوته يناديها بغضب. دخلت له. حوريه: نعم. ماجد: إيه القرف اللي أنتِ عملاه ده. حوريه بتصنع عدم الفهم: أنا مش فاهمه، بتتكلم عن إيه.

ماجد بغضب: أنت بتستعبطي يا بت أنت، الملح اللي أنتِ حطاه في القهوة ده إيه. حوريه: اسكت، هو أنا ما قلتلكش إني مش بعرف أعمل قهوة، وكمان بتلخبط بين الملح والسكر، المرة الجاية ابقي خلي الساعي يعملهالي. ماجد بنفاد صبر: اسمعي يا حوريه، هعيد تاني، إحنا هنا في شغل مش بنلعب، وأنا مش عيل معاكي عشان تعملي الحركة دي معايا، وصدقيني المرة الجاية هعاقبك وهتزعلي مني بجد، فاهمة.

حوريه بعصبية: هو أنت ليه دايماً شايف نفسك عليا، لا وكمان شايفني عيلة. ماجد ببرود: عشان مش هينفع أشوفك غير عيلة، ولو شفتك غير كده هتكوني معايا على السرير. حوريه وشها احمر من جرأته ووقاحته. وكانت هتضربه، بس هو مسك إيدها ولفها ورا ضهرها. حور بألم: سيبني يا حيوان، إيدي هتتكسر. ماجد بغضب: مافيش غيرك حيوان يا بنت الحرام. حوريه ما حستش بوجع دراعها قد ما الكلمة وجعتها.