رواية اشواك العشق الفصل الخامس والعشرون 25 - بقلم سندس محمد

كامل بصدمة شديدة: أنت بتقول إيه وعرفت الكلام ده منين؟ فتحي بخبث: اممم، يعني كلامي صح، هههه. أنت مش عارف أنت بتتعامل مع مين؟ أنا فتحي المحمدي، يعني لما تسأل سؤال زي ده، اسأله لأي حد تاني. كامل بتوتر: أنت عارف لو الكلام ده اتعرف هتبقى مصيبة. فتحي بصّ قدامه بشر وقال: وده اللي أنا عايزه. في المستشفى كانوا قاعدين على أعصابهم وخايفين على أحمد. الدكتور طلع، وروان وياسين جريوا عليه. ياسين بخوف: ها يا دكتور، أحمد كويس صح؟

الدكتور بابتسامة: ما تقلقش، هو الحمد لله بقى كويس وهننقله أوضة عادية. بعد شوية، أحمد اتنقل أوضة عادية، وروان وياسين دخلوا له. ياسين جرى عليه بخوف وحضنه: أنت كويس؟ أحمد بخفوت ووجع: أنت غبي يا واد، هو أنا لسه جاي من السفر عشان تجري عليّا كده؟ أنا واخد رصاصة يا عبيط. ياسين باستيعاب: آه صح. روان بضحك: حمد الله على سلامتك يا أحمد. أحمد بابتسامة: الله يسلمك يا روان. ياسين: أنت كويس بجد؟

أحمد بحب: آه والله، ما تقلقش، أنا كويس. هما الجماعة فين؟ ياسين: أنا ما قلتش لحد في البيت، أمك لو عرفت إنك اتضربت بالنار مش بعيد تقع تاني وهي مش مستحملة أصلاً. أحمد: طب أنا عايز أطلع من هنا. ياسين: تمام، هشوف الدكتور الأول. الدكتور دخل عليهم: لا ما شاء الله، شكلك زي الفل. أحمد: أيوه يا دكتور، أنا كويس وعايز أطلع من هنا. الدكتور: تمام، هكشف عليك الأول وبعد كده نقرر هتطلع ولا لأ.

في السجن، توحيدة كانت قاعدة بعد ما كشفوا عليها وعرفوا إنها ما عندهاش حاجة وإنها كانت بتمثل مش أكتر. كانت قاعدة بتبص قدامها وبتفتكر اللي حصل زمان. "فلاش باك" كانت واقفة قدامها وهي ماسكة المسدس وبتبص لها بشر: هقتلك يا نسمة. نسمة بشجاعة: اقتليني يا توحيدة، دي حاجة مش جديدة عليكي. أنا ياما قلت لكامل يبعد عنك وعن شغلك المقرف، لكن هو ما كانش بيسمع كلامي، وأهي النتيجة أهي. عايزة تقتليني عشان هبلغ عنكوا البوليس.

توحيدة بسخرية: وهو أنتي عايزاني بعد ما أعرف إنك عايزة تبلغي عني، هتبسط وهاجي أسقفلك وأقولك شطورة بلغي عننا يلا؟ نسمة بعدم اهتمام: أنا ما يهمنيش أنا حاجة خلاص، أنا زهقت من كل حاجة. توحيدة بسخرية: اممم، يعني مش خايفة من الموت؟ نسمة: آه مش خايفة. توحيدة: طب إيه رأيك أقتل لك بنتك؟ نسمة بخوف شديد: مش هتقدري سامعة؟ مش هتقدري، هي مع كامل وهو هيحميها منك. توحيدة: أنا لما بعوز حاجة بعملها، ودلوقتي سلام يا نسمة.

وضربتها بالنار بكل برود وثقة. "باك" توحيدة بشر: زمان قدرت أموت نسمة وما حدش قدر يمسك عليّا حاجة وقدرت أفلت منها بكل ذكاء. ودلوقتي هاخد حقي وبرضو هعمل اللي أنا عايزاه وما حدش هيقدر يمسك عليّا حاجة، أنا هوريكوا. أحمد وياسين وروان وصلوا قدام القصر عشان الدكتور سمح لأحمد إنه يخرج من المستشفى عادي. دخلوا ونور وفاطمة كانوا لسه هيطلعوا. نور أول ما شافت أحمد جرت عليه بسرعة. نور بخوف شديد ودموع: أحمد، أحمد أنت كويس؟

أحمد بحب: آه يا نوري ما تقلقيش. نور: بجد يعني؟ طب في بص في حاجة بتوجعك؟ روان بضحك عليها: جمع تكسب، اهدي يا نور هو كويس يا حبيبتي ما تقلقيش. فاطمة بحب: أنت كويس يا ابني؟ أحمد بابتسامة: آه يا خالتي ما تقلقيش. ياسين بهدوء: طب يلا نطلع عشان نشوف ماما. وجايين يطلعوا دخل عليهم فتحي ومعاه البوليس. فتحي بخبث وصوت عالي: أهم يا حضرة الظابط اللي خاطفين ولادي ومش راضيين يخلوني أشوفهم، يرضي مين ده يعني؟