رواية اشواك العشق الفصل السادس والعشرون 26 - بقلم سندس محمد

فتحي بخبث وصوت عالي: أهُم يا حضرة الظابط اللي خاطفين ولادي ومش راضيين يخلوني أشوفهم، يرضي مين ده يعني؟ ياسين بثبات: أنت بتقول إيه؟ ويعني إيه خاطفين ولادك؟ أنت نسيت إنك اتنازلت عن حضانتهم ولا إيه؟ فتحي بصدمة: أنت بتقول إيه؟ ياسين بخبث: إيه؟ أكيد يعني مش هكون بكدب، وأنا هوريكوا الدليل. ياسين طلع من جيبه ورق وقال بثبات وخبث: أه، اتفضل يا حضرة الظابط. الظابط مسك منه الورقة وقرأها بهدوء،

وبعد كده بص لفتحي بعصبية: إحنا آسفين يا ياسين باشا. بعد شوية مشيوا كلهم ومتبقاش غير ياسين وفتحي وأحمد وروان وفاطمة اللي بتابع كل حاجة بهدوء. ياسين بخبث شديد: إيه رأيك؟ مفاجأة مش كده؟ بس اجمد كده عشان اللي جاي تقيل، تقيل أوي. فتحي بشر: أنا هوريك يا ياسين. ياسين: ماشي، وأنا مستني. فتحي بعدم تصديق: بس إزاي؟ إزاي؟ ياسين بخبث: أنا هقولك إزاي. "فلاش باك" فتحي كان قاعد في مكتبه والسكرتيرة بتاعته دخلت.

منار السكرتيرة بثبات: اتفضل يا فندم، الورق ده عايز يتمضي. فتحي التليفون بتاعه رن. فتحي بهدوء: ألو. المتصل: فتحي بعدم تصديق: إيه؟ أنت بتقول إيه؟ طب اقفل اقفل، أنا جاي حالا. فتحي: أنا مش هينفع أمضي دلوقتي يا منار، خليهم لما أرجع تاني. منار بسرعة وذكاء: لا لا يا فندم، مش هينفع، لازم حضرتك تمضي دلوقتي عشان ده ورق مهم جدا. مضى فتحي على الورق ومشي بسرعة،

ومنار اتصلت على ياسين: ألو يا باشا، أيوه، حطتله الورق في نص الورق بتاع الشغل، لا لا ماخدش باله متقلقش. منار بهدوء: تمام يا فندم، مع السلامة. "باك" ياسين بخبث شديد: أوعى تكون فاكر إنك هتقدر على ياسين الألفي. فتحي بعصبية شديدة: ماشي يا ياسين، الأيام لسه بينا وأنا هوريك. ياسين بخبث: إيه ده؟ هو أنا مقولتلكش؟ فتحي بترقب: تقولي إيه؟ ياسين بمكر: لا، خليها مفاجأة، ودلوقتي اتفضل من غير مطرود. فتحي بص له بشر ومشي.

روان بتعب قعدت على الكنبة: يا ربي، هو اللي إحنا فيه ده هيخلص امتى؟ ياسين اتجه ليها وقعد قدامها: لما نرجع لبعض، كل حاجة هتنتهي، لما نرجع لبعض تاني. روان ضحكت: نرجع؟ ياسين: أنا عارف إني غلطت لما طلقتك، بس كنت فاكر إني كده بحميكي، أنا آسف يا روان والله أنا بحبك أوي. روان بشماتة: وأنا مبحبكش يا ياسين ومش هرجعلك تاني، شيل الفكرة دي من دماغك عشان أنت بقيت فترة في حياتي وعدت.

ياسين بوجع: متقوليش كده يا روان، أنا بحبك ومش هقدر أعيش من غيرك. روان: والله دي حاجة ترجعلك، أنت حر، بس أنا مش هرجعلك. وسابتهم وطلعت. عند فتحي وصل الفيلا بتاعته لقى البوليس. فتحي بخوف شديد مخفي: أحمم، نعم يا حضرة الظابط. الظابط بثبات: أنت مطلوب القبض عليك، اتفضل معانا.