رواية اشواك الماضي الفصل الخامس والعشرون 25 - بقلم يارا عبد العزيز

رؤى رؤى ردي طلع بعربيته بسرعة رهيبة و وصل عندها في رقم قياسي، جه لاقهم واقفين بالعربية بعد ما العربية اللي كانت بتطردهم مشيت. جري بسرعة عندهم. راح لاقى رؤى قاعدة في العربية و هي حاضنة ياسين بخوف. أول ما شافت تميم خرجت من العربية و جريت عليه وحضنته بخوف شديد. تميم: متخافيش يا حبيبتي أنا معاكي. فضلت تتنفض بخوف جوا حضنه. وخدها في عربيته وراحوا البيت. في أوضة تميم.

تميم: خلاص بقى اهدي. إحنا ماشيين من هناك أهو وإحنا كويسين أهو يا حبيبتي اهدي بقى. رؤى بخوف: كنت خايفة أوي يا تميم. مين دول بجد وعايزين منا إيه؟ تميم: مش عارف. في المستشفى. الدكتور: إنتي إيه اللي آخرك أوي كده؟ والدتك لازم تدخل العمليات دلوقتي. حنين: أنا مقدرتش أجمع الفلوس. ممكن تدخلها بس دلوقتي، وبعدين هدفعهم والله. الدكتور: مينفعش، دي قوانين المستشفى. دياب راح عنده: فين الحسابات؟

أنا هنزل دلوقتي أدفعهم وأنت داخلها دلوقتي بسرعة. راح الدكتور يجهز غرفة العمليات. حنين بصت لدياب وكانت لسه هتتكلم بس سابها ونزل. فاطمة بدأت تفوق تدريجياً بتعب وهي حاسة إنها دايخة. آدم قام بسرعة وقعد جنبها على السرير ومسك إيديها: إنتي كويسة؟ هنادي الدكتورة. فاطمة: أنا كويسة. خليك جنبي. آدم وهو بيقبل إيديها: أنا آسف، آسف يا فاطمة. مكنتش أعرف إن هيحصلك كده. حقك عليا. ابتسمت بحب: ولا يهمك. أنا كويسة دلوقتي.

آدم: بحبك ونسيت كل حاجة خلاص كدا. إحساسي بأني شايفك قدامي وإنتي مغمى عليكي خلاني مش عايز غيرك. هنفتح مع بعض صفحة جديدة خلاص. فاطمة بفرحة: بجد يا آدم؟ آدم وهو بيحضنها: بجد يا عيون آدم. تميم فضل قاعد جنب رؤى وحاضن إيديها بخوف: كويسة دلوقتي؟ هزت راسها وحطت راسها على صدره. تميم: لسه زعلانة؟ رؤى: إنت لسه بتحبها؟ تميم: لا والله. لا أنا مفيش في قلبي غيرك إنتي وبس. ابتسمت بحب: وأنا كمان بحبك أوي.

يمسك فيها أكتر وهو بيفكر في اللي حصل معاها ويا ترى مين دول. قاطع تفكيره رنة تليفونه من المستشفى. تميم: تمام، أنا جاي حالاً. رؤى: رايح فين؟ تميم: مشوار مهم. مش هتأخر عليكي. قال كلامه، وقبل راسها بحب وخرج من الأوضة. وصل المستشفى في رقم قياسي ودخل الأوضة. توحيدة بتعب مفرط: تعال يا تميم. دخل الأوضة وبصلها بغضب.

توحيدة: أنا عارفة إنك دلوقتي بتكرهني، بس أنا خلاص هموت وعايزة أعمل حاجة حلوة قبل ما أموت. بص يا تميم، إنت كنت شغالة مع تجار مخدرات كبار أوي كانوا بيجيبوا بضاعة من بره وبنبيعها هنا في مصر. أنا معايا فيديوهات وتسجيلات ليهم. أنا هديهملك. أنا عرفت من رجالتهم إنهم ضربوا نار على رؤى النهاردة. دي كانت مجرد قرصة ودن عشان متدورش وراهم. أنا آسفة يا تميم، آسفة سامحني وقولهم كلهم يسامحوني، وخصوصاً فاطمة بنتي. متخليهاش تكرهني. كل الأدلة دي موجودة في شقة في ********.

قالت كلامها وماتت. بصلها تميم بوجع شديد وخرجوا بالفعل جابوهم وتم القبض عليهم. حنين: دكتور، ماما أخبارها إيه؟ الدكتور: الحمد لله، عدت مرحلة الخطر. إنتي لحقتيها في الوقت المناسب بالعملية. حنين راحت عند دياب اللي كان قاعد. حنين: شكراً ليك. دياب وهو بيقوم: العفو. عن إذنك. بصت له بطرف عينها بأستغراب. حتى هو استغرب نفسه. بعد مرور ست شهور.

كانت فاطمة حامل في الشهر الرابع وعلاقتها بآدم بتتطور أكتر. وتميم ورؤى اللي عايشين بسعادة مع ابنهم. ودياب اللي صورة حنين مش راضية تروح من باله وحاسس إنه بدأ يحبها. وبدأ يتغير للأحسن وينزل الشغل مع أبوه وعمه. وعلاقة تميم بسهير بدأت تتحسن واتعلق بيها أكتر. حنين كانت قاعدة في بيتها مع أمها وأختها الصغيرة بيهزروا. قاطعهم جرس الباب. قامت حنين تفتح اتفاجأت بدياب اللي واقف. دياب: تتجوزيني؟ حنين بصدمة: إيه؟ دياب: تتجوزيني؟

صعبة أوي لدرجة دي؟ عزة: مين يا حنين؟ دياب: أنا أعرفك بنفسي. دياب السيوفي. كنت جاي أتقدم للآنسة حنين. عزة: تعال يا ابني اتفضل. دخل دياب وحنين لسه في صدمتها من اللي قاله. ابتسم على شكلها. دياب: ممكن أنا وهي نقعد لوحدنا شوية؟ سابتهم عزة ورنا أخت حنين. دياب: أنا عارف إنك مستغربة، بس أعمل إيه؟ وقعتيني وحبيتك. حنين بتوتر: إنت فاكر أنا اتعرفت عليك فين؟ وإصلاً انت كنت عايز تعمل فيا إيه؟

دياب: عارف. بس ده كان دياب قبل ما يعرفك. أنا والله لسه مستغربة نفسي. كنت دايماً أسمع عن الحب وإنه بيغير، بس مكنتش أعرف إن ده حقيقة فعلاً. خدي وقتك في التفكير، بس أتمنى إنك توافقي وصدقيني عمري ما هاندمك. شافت في عينيه الصدق. اتكلمت بخجل: هعمل استخارة وأرد عليك. دياب: مستنيك. بعد كام يوم، كانت رنا ردت بالموافقة وعملوا الخطوبة وحددوا ميعاد الفرح. يوم الفرح.

رؤى كانت واقفة قدام المرايا وبتبص لنفسها بأعجاب. جه تميم من وراها وحضنها بحب. تميم: إيه القمر ده كله؟ رؤى بخجل: امممممم. تميم: تصدقي إني مش مصدق إن دياب هيتجوز لحد دلوقتي. رؤى: شوف، برغم إني كنت بكره كره العمى، إلا إني الصراحة احترمته في الفترة الأخيرة دي. ربنا يسعده. يلا بقى عشان منتأخرش على الفرح. آدم: بقولك إيه. فاطمة: نعم. آدم: ما تيجي نكنسل على الفرح. إنتي وحشاني أوي الصراحة.

فاطمة بخجل: ده ابن عمي يا آدم. مينفعش. آدم بحب وهو بيحضنها: تعرفي إن كل يوم بحبك أكتر من اللي قبله. كمل وهو بيحط إيده على بطنها: ربنا يديمكم ليا. في الفرح. دياب: هو فيه قمر كدا طيب؟ حنين بخجل: دا عشان عيونك اللي شايفني بس. دياب بابتسامة عاشق: والله أنا محظوظ إن في حياتي هيبقى فيه بنوتة قمر وبريئة ورقيقة زيك كدا. ابتسمت بخجل وهي بتوطي وشها في الأرض. دياب: بلاش الطماطم دي بقى، عشان أنا أصلاً ماسك نفسي بالعافية.

حنين بخجل: بس يا دياب. كامل كان ماسك إيد سهير اللي شايلة ياسين. كامل: أومال تميم فين؟ سهير: طالع لك، خد رؤى ومشي وقالي آخد بالي من ياسين. كامل: شبه تميم أوي صح؟ سهير: أوي فعلاً. في عربية تميم. رؤى: هو إحنا رايحين فين؟ تميم: مفاجأة. يلا وصلنا. نزلوا قدام مطعم من أفخم مطاعم قنا، وكان تميم حجزه كله. رؤى بابتسامة: دا عشاني؟ تميم: عشان أشوف الابتسامة دي، أنا مستعد أعمل أي حاجة. نزل على

ركبته قدامها واتكلم بحب: تسمحيلي بالرقصة؟ بصتله بحب ومسكت إيديه وبدأوا يرقصوا. تميم بحب وهو حاضن رؤى: آسف، آسف على كل حاجة عيشتيها بسبب الماضي بتاعي. تعرفي أحسن حاجة في كل اللي حصل ده هو إني اتعرفت عليكي. عيشنا حزن كبير واتخطيناه سوا. حطت راسها على صدره بحب: مش عايزة أفكر في أي حاجة من الماضي. هننساه بكل أشواكه، وهنبدأ من جديد حياة مليانة حب وسعادة. تميم: بعشقك يا رؤى.