رواية اشواقي الفصل الأول 1 - بقلم زهرة الربيع

برغبه واعجاب وهو شايفها بتدخل الخيل في الاسطبل وبتجري يمين وشمال وسطهم. ابتسم وهو على حصانو ونادى للغفير وقال: "المهرة دي بتاعت مين يا حماد؟ الغفير بص للاحصنه وقال: "اي واحده فيهم يا فراج بيه؟ الاحصنه كتير." بصلو وابتسم بسخريه وقال: "وانا مالي ومال الخيل انا بسأل على قمر الليل... المهره الصغيره دي بت مين؟ ابتسم الغفير لما فهم قصدو وقال: "ااااه... جنابك قصدك على البنيه..دي اشواق بت عبدالله الي بيشتغل عند شيخ البلد...

ابوها بيجيب الخيول هنا يدربهم على الرماحه وهيه بتيجي تساعده." ابتسم وطلع بالحصان بتاعو وقرب منها ولف حواليها وقال: "يا شقاوة الخيل وجنانو..ويارتني كنت مكانه." اشواق اتفاجأت بيه بصتلو بدهشه بعيونها الواسعه وشدت الطرحه على وشها وجريت عند ابوها. فراج ابتسم وبصل للغفير وقال: "قول للخدم يجهزوا الاوضه زين... فيه عشوه حاميه قوي." الغفير اتنهد بيأس وقال: "الي تأمر بيه جناب." تاني يوم كانت اشواق بتتكلم مع ابوها واتصدمت

باللي قالو وقالت بزهول: "بتقول ايه يا ابوي... اتجوز مين؟ فراج العداني... الفلتان ده... انت عارف ده بيعمل ايه يا بوي وموافق تسبني ليه؟ ابوها قال: "يابتي ده هيتجوزك على سنة الله ورسوله." اشواق قالت بغضب: "ده مسموش جواز... احنا كلنا عارفين جوزاته..بيتجوز الواحده لجل يدخل عليها..وبيسيبها يوم صبحيتها فرجه للخلق..انا مش موافقه ومش هتجوزو واصل." اتنهد ابوها وقال: "مهو انا مش هقدر اوافقك المرادي يا اشواق...

لان انتي عارفه عيلة العداني في البلد يعني ايه.... ده شيخ البلد بنفسه هو السياق... معلش يابتي زيك زي غيرك اتجوزيه..ولما يطلقك يجيكي نصيبك بعده يلا يا بتي ربنا يهديكي..انا هبعت لشيخ البلد واقولو موافقين..ده لقمتنا انا وامك واخواتك عندي ومينفعش نقولو لا." ابوها طلع واشواق قعدت وحطت يدها على راسها وقالت بزهول: "عاجبك كلام ابوي ده يا اما؟ امها قالت بفرحه: "وميعجبنيش ليه...

ده انتي المفروض تقومي ترقصي..انتي عارفه ده اجمل واغنى شباب البلد..ومعروف عنو انو الواحده الي بيتجوزها بتبقى فرز اول... بكره يطلع الكلام انو جاكي فراج العداني واكيد علشان يختار بت واحد فقير تبقى بتو عجب.. وهتلاقي العرسان على الباب بالطابور." اشواق بصت لامها بزهول من تفكيرها الغريب ودخلت اوضتها بغضب. تاني يوم كانت لبست فستان الفرح وزوقوها وبقت عروسه قمر.

فراج بعت السواق اخدها في العربيه واول ما وصلت لقت البيت فاضي مفيش حد بيستقبلها. اخدتها واحده من الخدم ودخلتها الاوضه الي كانت جاهزه ومتزينه وفيه خمور على طاولتها. اشواق بصت للخمر بغضب وقالت: "استغفر الله العظيم." وقعدت على السرير واتنهدت بضيق وقالت: "الحمد لله..السرير مريح..الواحد ياخدله نومه والصباح رباح." حطت راسها على السرير ونامت بفستانها. بعد ساعه رجع فراج وقال للغفير: "الحته فوق." الغفير ابتسم بخبث وقال:

"وكل حاجه جاهزه زي العاده..يا باشا." ابتسم وطلع بحماس وهو بيفتكر ملامحها وتفكير وسخ غير ملامحها. اول ما دخل اتصدم لما لقاها نايمه على السرير بهدوء. استغربها وقفل الباب وقرب منها وهيه نايمه وهو بيمرر عيونه على جسمها الي الفستان مقسمه بطريقه مغريه جدا. ومد ايده مشاها عليها ببطء. بس اتصدم بشده لما قالت من غير ما تبصلو: "شيل يدك لاعلقها على باب الاوضه واخلي البصه عليها بقرشات." اتسعت عنيه بزهول من كلامها وجرأتها.

واشواق قعدت ورفعت الطرحه من على وشها.