رواية اشتغاله الفصل الرابع عشر 14 - بقلم ليل أدم

زين: اقعد يابني مالك في أي جوده: عايز أقولك حاجة مش عارف إن كانت هتعجبك ولا العكس زين: قول وأنا أقولك إن كانت حلوة ولا لأ جوده: ريهام النهاردة كانت في الشركة مع طارق وتقريباً كده طارق ساب الشركة لريهام زين: (خد مفاتيح العربية من على المكتب ونزل من غير كلام) جوده: طب أجي معاك طيب زين: لأ خليك يا جوده جوده: يابني أهدى طيب في أي هو أنا غلطان إني قولتلك زين: جوده خلاص قولت بقا

(وراح زين على شركة ريهام اللي هي شركته أصلاً وبعد الوصول كان السكرتير رافض دخوله بس زين دخل بالقوة) ريهام: في أي مين اللي عامل الدوشة دي زين: (قرب من ريهام وضمها بكل شوق) انتي كويسة كنتي فين ريهام: أنا كويسة يا زين وهكون كويسة أكتر لما تبعد عني زين: (نزلت عليه الكلمة كالصاعقة خد خطوة لورا) أنا يا ريهام

ريهام: كان نفسي ولو واحد في المية تطلع غيرهم طلعت أسوأ منهم كل واحد منكم خد من عمري حتة ورماني في المصحة أتعالج إلا أنت يا زين كتر خيرك فضلت جنبي عشان تتأكد إن مش هرجع تاني زين: انتي بتقولي أي يا ريهام انتي عارفة بتكلمي مين لفي وشك حطي عينك في عيني وإنتي بتتكلمي ريهام: من فضلك اطلع بره

زين: شوفي أنا مش عارف طارق قالك إيه ومش عارف اللي حصل بس كل اللي عارفه إنك واخده طريق اللي يروح ميرجعش وكلها أيام مش أكتر وترجعي تاني مكان ما جبتك بس وقتها العالم كله هيكون مات بره أولهم أنا ريهام: بتهددني يا زين بتعايرني بظروفي الصحية زين: أنا يا ريهام أعمل كده ريهام: للأسف كل شوية أشوف أقبح ما فيك زين: (بصوت عالي ونرفزة)

أقبح ما فيا ده هو أحسن ما فيكم أنا لو عايز آخد الأرض اللي واقفين عليها هعمل كده بس للأسف الزمن نفسه عجز يوقفني محدش وقف زين كامل إلا انتي بس تمام تمام مفيش حاجة أنا مش محتاج أبرر اللي عملته ليكي كفاية حرقة قلبك لما تشوفي الصورة كاملة وتعرفي إنك ضيعتي زين كامل من إيدك هتندمي يا ريهام وغلوتك عندي لتندمي (وخرج من المكتب وكان يبدو عليه غضب شديد) ريهام:

(قفلت باب المكتب وبكت بكاء شديد جدا مش مصدقة إن زين عمل فيها كده مستغربة رغم كل اللي عرفته لسه قلبها متعلق بيه مع إنها كانت متخيلة إنها خلاص كرهته بس أول ما ضمها في حضنه اتأكدت إنها عمرها ما هتنسا زين) في جانب آخر كامل: مبروك يا مستر طارق خدنا مناقصة الساحل طارق: دي أهم مناقصة دخلتها في حياتي كامل: عشان خدتها من بوق زين صح طارق: صدقت لما قولتلك اللي زي زين ده عشان تلعب معاه محتاج بس تشتت تفكيره كامل: واللي

جاي إيه يا مستر طارق طارق: أتمنى يدخل نفق مظلم حبة حلوين لو ده حصل وعد مني نركب السوق كامل: كل حاجة ماشية تمام زي ما خططت ليها يا مستر طارق بالمناسبة كمان زين كان عند ريهام النهاردة طارق: عرفت منين كامل: السكرتيرة قالتلي طارق: وحصل إيه كامل: طرده كان خارج من عندها مولع طارق: حلو أوي اسمع يا كامل زين لو فكر يرجع يكمل شغله يبقى نكسب من ورا الموضوع ده كامل: إزاي

طارق: أقولك مادياً أنا محتاج معايا ممول لمشروع الساحل وزين أول حاجة هيشتغل عليها هي إنه يشكك الجميع في الموقع ده وأنا عايزه يعمل كده كامل: ليه طارق: عشان الممول اللي معايا هيكون ريهام عبد الحافظ يعني أي مشكلة هتحصل من زين يبقى مين المقصود منها كامل: أكيد ريهام طارق: وكده يبقى أسطورة زين كامل ماتت جوه ريهام للأبد وجت تحت إيدي على طبق من دهب كامل: فكرة عبقرية بس هو استاذه ريهام تقدر تمول مشروعك

طارق: ما اللي إنت مش عارفه ريهام خرجت من المصحة على مشيرة عزيز ومشيرة إنت عارف بتحب ريهام قد إيه عشان كده ريهام دلوقتي تحت إيديها شلال فلوس كامل: كده ممتاز جدا في جانب آخر كان زين رجع مكتبه غضبان جدا ياسمين: الو جوده: إيه يا ياسمين ياسمين: إنت فين جوده: زين جه ياسمين: وشكله مش كويس خالص تعالي شوفه كده عشان عايزة أبلغه إن مناقصة الساحل طلعت من أيدينا بس أخاف أقوله دلوقتي جوده: أنا جاي سلام ياسمين: سلام بعد وصول

جوده دخل على زين جوده: إيه يا صاحبي وقعنا خالص ولا إيه زين: مش مهم بقا يا جوده خلاص ربنا يعوض عليا اللي عملته ليها ومعاها جوده: طب ما تعرفها اللي عملته عشانها يا زين زين: عارف يا جوده في وقت لازم تسيب إيد الشخص اللي روحك فيه وتتفرج عليه وهو عمال يتخبط شمال ويمين ويتلسع وعينه عليك عمال يقول أنا كنت غلطان لم خرجت من تحت ظله بس لو مكنتش سبت إيده مكنش عرف أبداً نعمة وجودك في حياته جوده: يعني إنت عارف إنها هتتخبط

وتتلسع وعادي تتفرج زين: أنا متفرجتش يا جوده أنا سعيت كتير بس هي قفلت بيني وبينها باب أتمنى الباب ده أقدر أقبل إنها تفتحه وتدخل منه يوم ما ترجع ندمانة جوده: طب وشغلك يا صاحبي خلاص هنقعد نتفرج والكل بيجري جنبنا زين: ماله الشغل يا جوده ما خلاص اديني معاك والشغل ماشي جوده: لا طبعاً يا زين إنت اللي مش عارفه إن النهاردة زين: مناقصة الساحل رَسَت على طارق علي مش ده اللي عايز تقوله جوده: أنا مكنتش أعرف إنها رَسَت

على طارق خالص زين: لا رَسَت عليه جوده: وهنعمل إيه زين: ولا أي حاجة تمام ربنا معاه كده كده الأرض هتتسحب منه لأن طارق لوحده لا يمكن يمول المشروع ده ومفيش حد حالياً يقدر يمول المشروع ده في السوق غير اتنين جوده: مين زين: زين كامل ومشيرة عزيز جوده: طب إنت والباب مقفول معروفة إنما مشيرة عزيز

زين: بص شغلنا مفيش فيه مستحيل بس اللي ممكن يحط اتفاق بين طارق وعلي ومشيرة عزيز هي ريهام ولو ده حصل يبقى هو ده الباب اللي مش هقبل إن ريهام تدخل منه لما ترجع ندمانة جوده: للدرجة دي

زين: الفكرة مش بس في إن ريهام دعمت طارق لأ الفكرة إن مفيش حد في السوق كله إلا وعارف إن الأرض دي ممكن بسببها أخسر أرض الساحل كلها لأنها أعلى ارتفاع من الجزء بتاعي وفي نفس الوقت تراخيص الجزء ده بالنسبة للدولة أهم من الجزء اللي تحت إيدي لأن الأرض اللي طارق خدها النهاردة مش وقف دي أرض اقتصادي جوده: طب وبعدين هنعمل إيه

زين: محتاج تشد الكرسي وتقعد تتفرج على الجميع وتعرف مين معاك ومين عليك عشان لما ترجع تحط تبقى عارف مين يستاهل يتفرم ومين تاخده تحت جناحك وصلت جوده: وصلت في جانب آخر ريهام: تشرب إيه طارق: قهوة ريهام: مريم اتنين قهوة من فضلك مريم: تحت أمرك يا فندم طارق: أنا جايلك ومعايا فرصة العمر لينا كلنا ريهام: طارق أنا دماغي فيها ألف حاجة وحاجة خش في الموضوع طارق: أرض الساحل بقيت تحت إيدي وبصراحة قلبي قالي خد ريهام في إيدك

وإنت طالع قولتي إيه ريهام: إنت خدت أرض الساحل طارق: عيب عليكي ريهام: بس زين لا يمكن يسيبك في حالك إنت عارف خطورة الأرض دي على موقعه طارق: اللي يقدر يعمله يعمله هو آخره إيه يشغل دماغ حد من جوه الجهاز إنه يسحب مني الأرض لو فات سنة والأرض لسه واقفة عشان كده أنا وإنتي هنبدأ بكرة فيها قولتي إيه ريهام: لا يا طارق أنا بره وخلي بالك نصيحة مني ليك بلاش تستفز زين طارق: الله ده إحنا لسه بنحب بقا

ريهام: طارق مليون مرة أقولك ملكش دعوة بموضوع زين معايا إنت طلبت طلب أنا رفضته عندك مليون راجل وسيدة أعمال مد إيدك وعبي براحتك إنما أنا لا ولو اللي في دماغي طلع صح يبقى صدقني عمرك ما هتنضف طارق: إيه اللي في دماغك ريهام: نورت يا طارق طارق: ده بجد ريهام: مريم خلي القهوة على مكتبك بره أستاذ طارق خارج يشربها في الهوا طارق: لا يا مريم خليها في البوفيه هشربها مع عم سيد حلو كده يا ريهام ولا أطلع أشربها مع عرفة السايس

ريهام: مكان ما تحب يا طارق أتفضل طارق: مشيرة عزيز مقوية قلبك بالجامد ريهام: بره طارق: تمام بس خلي بالك في ٦٠ مليون جنيه عندك حق شركتي هيا ٢٠ مليون بس أنا حر يعني معلش أه وياريت كاش قصادك لحد آخر الأسبوع محصلشي تسوية ياريت تفضي مكتبك إنما باقي الشركة محدش يمشي معنديش وقت أجيب موظفين أنا راجل عملي ريهام: بره طارق: تمام باي ريهام: (بصوت عالي) عمرك ما هتاخد شركتي مني مهما تعمل يا طارق انسي إنك تقعد على الكرسي ده