رواية اسمي جميله الفصل الحادي عشر 11 - بقلم حروف كاتب

اتصدم الكل ووقع بسيوني قهوته. قام من مكانه وقال بغضب: "ماجد! ماجد: "ليك وحشة كبيرة يا بابا." جميلة: "ندى، خدي اخواتك واطلعي على الأوضة دلوقتي." ندى: "بس يا جميلة." جميلة بقلق: "بسرعة." بسيوني: "إيه اللي جابك هنا يا ماجد؟ انت مش عارف إنك مطرود؟ ضحك ماجد ضحكة طويلة. ماجد: "مش شايف ولا إيه؟ شاور ماجد على شنطته وقال: "أنا جاي أعيش هنا." قامت مي وقالت بعصبية: "انت أكيد بتهزر." بسيوني: "ومين اللي هيسمحلك تعيش؟ ماجد:

"انت. انت اللي هتسمحلي." بسيوني: "أنا؟ على جثتي ده يحصل." ماجد: "متقولش كدة بس، أحسن انت راجل كبير وممكن ده يحصل." مي بعصبية: "إيه اللي انت بتقوله ده يا ماجد؟ ماجد: "بقول اللي أنا شايفه." مي: "إحنا عمرنا ما هنسمحلك تعيش هنا أبداً." بسيوني: "استني يا مي." حست جميلة إن الموضوع هيزداد تعقيد. قررت جميلة تطلع أوضتها. ماجد: "استني هنا يا جميلة. انتي لازم تسمعي اللي هيتقال." اتسمرت جميلة في مكانها. كمل ماجد وقال:

"انت مالكش الحق إنك تمنعني أعيش هنا." بسيوني بغضب: "لأ ليا." ماجد: "لأ مش ليك. قانونياً مفيش حاجة تسمحلك، وأنا حابب أمشي بالقانون." مي: "خلي القانون بتاعك لنفسك، إحنا مش مرحبين بيك هنا." ماجد: "مهمنييش مرحبين ولا لأ." اننهار بسيوني على كرسيه. مي: "بابا، انت كويس؟ بسيوني: "انت عايز مني إيه يا ماجد؟ ماجد: "مش عايز منك حاجة، عايز آخد حقي وخلاص." مي: "حقك؟ انت ناسي عملت في عيلتنا إيه؟ إحنا لا يمكن نسامحك." ماجد:

"حتى لو عرفتوا اللي حصل." بسيوني: "قصدك إيه؟ ماجد: "سارة." مي: "مالها؟ ماجد: "انتحرت! انصدم كل الموجودين. حطت جميلة إيدها على بوقها من المفاجأة. مي: "انت بتقول إيه؟ ماجد: "زي ما سمعتي، سارة انتحرت. انتحرت امبارح." جميلة: "انت أكيد كداب." ماجد: "لأ مبكدبش. سارة جاتلي أول امبارح منهارة من العياط لأنها اتطلقت من جوزها وقادتها عندي ورجعت البيت الفجر." غمض عيونه في ألم وقال: "كانت غرقانة في دمها بعد انتحارها." مي بصدمة:

"مستحيل." مستحملتش مي المفاجأة ووقعت أغمي عليها. جميلة برعب: "عمتو! *** فاقت مي على أصوات كتير. لقت جمبها جميلة وفاتن. جميلة: "عمتو، انتي كويسة؟ مي بضعف: "جميلة." وقامت من مكانها بسرعة. مي: "ماجد... سارة." بدأت جميلة تعيط. فاتن: "يظهر إن اللي قاله ماجد صحيح." مي بصدمة: "إيه؟ ونامت تاني وقالت: "مستحيل، سارة لا يمكن تعمل كدة، ده عين المستحيل." ماهر: "متقلقيش يا عمتو." بصو كلهم ليه. جميلة: "ماهر؟ ماهر:

"مفيش دليل واحد على كلامه. لازم منيأسش، كلامه مش صحيح." جميلة: "أيوه يا ماهر، بس... ماهر: "أنا متأكد من الكلام ده." مي: "يا رب يطلع كداب. هو بابا عامل إيه؟ ماهر: "جدو قاعد في مكتبه." مي: "وماجد فين؟ ماهر: "مش عارف يا عمتو." غمضت مي عيونها في حزن. *** بسيوني: "انت عايز إيه يا ماجد؟ ماجد: "أنا زهقت من السؤال ده، انتو زهقتوش؟ بسيوني: "قول عايز إيه." ماجد: "أنا عايز تديني حقي." بسيوني: "حقك؟ حق إيه؟ ماجد:

"حقي في الفلوس، نصيبي في البيت والثروة. إيه، مليش حق ولا إنت شايف إيه؟ بسيوني: "انت ملكش حاجة عندي، كلمة قلتها من زمان وخلصت." ماجد: "حتى بعد ما عرفت بانتحار بنتك؟ انت مش شايف إنك ظلمتنا كتير؟ بسيوني بضعف: "أنا... ماجد:

"أيوه. طردتني من بيتك وسيبتني أتمرمط في الشوارع طول السنين دي. وسارة المسكينة بهدلتها وخاصمتها وشوف حصلها إيه. حتى ماهر حفيدك اللي بتتظاهر إنك بتحبه، انت مبتحبوش. لو كنت بتحبه كنت دورت على مصلحته طول السنين اللي فاتت وعملتله العملية." بسيوني بغضب: "انت هتكدب؟ إنت عارف إنك السبب في اللي حصل." ولمس قلبه ووقع على وشه. ماجد: "معلش بقا يا بابا، تعيش وتاخد غيرها." وخرج برا المكتب وهو بيضحك ضحكة قوية. *** في أوضة ماهر.

جميلة: "ماهر، هو عمي مش راضي يسامح ماجد ليه؟ ماهر: "مش عارف. يمكن بسبب اللي عمله زمان." جميلة: "قصدك لما عمل عملته مع واحدة من الخدم؟ بصلها ماهر بصدمة. ماهر: "انتي عرفتي منين وإزاي؟ جميلة: "عرفت زي ما عرفت بقا." ماهر: "أنا متأكد إن فيه حاجة تانية." جميلة: "حاجة تانية؟ ماهر: "محبش فيهم كان بيقولي حاجة. مكنتش أعرف أي حاجة عن موضوع عمي ماجد إلا قريب. فيه حاجات كتير بتدور في العيلة معرفش عنها حاجة." جميلة:

"طب مش هتروحوا تتأكدوا من اللي حصل لسارة؟ ماهر: "مش عارف. دي حاجة مليش أقررها." *** في اليوم التاني. جميلة بزعيق: "اصحوا! صحي أخوات جميلة التلاتة. ندى: "فيه إيه يا جميلة؟ جميلة: "يلا بسرعة، هتروحوا النهاردة." ندى: "هنروح بجد؟ ليه؟ جميلة: "يلا زي ما قولتلكوا." صحي التلاتة وغسلوا وشهم وظبطوا نفسهم. ركبت جميلة معاهم العربية. وصلوا لبيت جميلة القديم. في البيت. منى: "طب وهو الراجل ده عايز منهم إيه؟ جميلة:

"معرفش يا ماما. معنتش عارفة حاجة." منى: "ده إيه النيلة دي." جميلة: "مش عارفة." منى: "المهم، انتي عاملة إيه مع ماهر؟ جميلة: "كويسة، تمام. إحنا كويسين أوي." منى: "عارفة يا جميلة، لما كنتي تعبانة وعرفت اللي حصلك، كان هيجرالي حاجة. الحمد لله إنها جت على قد كدة." جميلة: "الحمد لله." منى: "وهتعملي إيه دلوقتي؟ جميلة: "مش عارفة والله." منى: "جميلة، أنا هقولك على حاجة." جميلة: "إيه هي؟ منى: "انتي لازم تحملي من ماهر."

احمر وش جميلة. جميلة: "إيه ده يا ماما؟ منى: "مش بهزر، لازم تخلفيله ولد. لازم." جميلة: "طيب يا ماما، ربنا يسهل." *** في قصر عيلة النمر. قاعدين على الفطار وقاعد معاهم ماجد. مي: "مش قادرة أصدق بجد إننا قاعدين بنفطر معاك." ماجد: "معلش بقا، نعمل إيه." ماهر: "هو جدو مش بيفطر معانا؟ مي: "مش عارفة ماله، منزلش ليه." فاتن: "روحي ناديه." فاتن: "أمرك." طلعت فاتن تشوفه. فجأة انطلقت صرخة من فاتن. ماهر: "إيه اللي حصل؟ مي:

"مش عارفة." جريت مي على مكتب أبوها ولقته واقع على الأرض في حالة صعبة جدا. مي برعب: "بابا! وراحت تسنده وقالت لفاتن: "مستنية إيه؟ اطلبي الإسعاف بسرعة." فاتن: "حاضر." مي: "بابا، بابا، انت سامعني؟ بابا." وانهارت من العياط. *** رجعت جميلة القصر لقت حالة من الفوضى شديدة جدا. جريت جميلة وسألت فاتن. جميلة: "إيه اللي حصل هنا؟ حكتلها فاتن اللي حصل. جميلة: "إيه؟ لازم نروحله." فاتن: "مينفعش، إحنا مطلوب منا نستنى هنا وبس." جميلة:

"أيوه، بس... فاتن: "ربنا يسترها." بدأت جميلة تعيط. *** في المستشفى. قعدت مي تعيط وماجد واقف جمبها. مي: "لو حصل لبابا حاجة، في رقبتك انت فاهم؟ عمري ما هسامحك أبداً." ماجد: "انتي بتفولي عليه." فجأة جت بنت تجري عليهم وبدأت تنهج جامد وقالت: "جراله حاجة؟ حصله حاجة؟ اتفاجأت مي واتسعت عيونها من الدهشة لما شافتها.