رواية اسمي جميله الفصل التاسع عشر 19 - بقلم حروف كاتب

في بيت جميلة طلعت منى وفتحت الباب لجميلة. منى: يخربيتك، حماكي لسه ميت ولبستي الألوان؟ جميلة باستمرار: ألوان إيه يا ماما، ده كحلي. منى: طب خشي يا حيلتها. دخلت جميلة ولاحظت إن مفيش دوشة لإخواتها. جميلة: أمال العيال فين؟ منى: بيلعبوا عند الجيران. جميلة بفرحة: ماما، عايزة أقولك حاجة مهمة. منى: إيه؟ جميلة: ماهر يا ماما هيرجع يشوف تاني. انصدمت منى. منى بفرحة: بتتكلمي جد؟ جميلة: أيوه طبعًا. منى: بس إزاي؟

جميلة: هيسافر يعمل عملية بره وأنا هسافر معاه إن شاء الله. منى: ياه، يا جميلة فرحانة عشانكوا أوي. المهم أخبار الموضوع اللي اتكلمنا فيه؟ احمر وش جميلة وقالت بإحراج: ماما مش كل مرة. منى: طيب يا حلوة، بس أنا عايزة أشوف حفيد ليا قريب. جميلة بخجل: إن شاء الله. ابتسمت منى وقالت: يا رب العملية تنجح ويكملكوا على خير. جميلة: يا رب. ابتسمت منى بحنان. منى: عارفة يا بت يا جميلة، من ساعة ما اتجوزتيه اتغيرتي. جميلة: اتغيرت إزاي؟

منى: بقيتي حلوة كدة وأتيكيت، وكمان اتغيرت شخصيتك جامد. جميلة: بتمدحيني ولا بتشتيميني يا ماما؟ ضحكت منى وقالت: يعني من ده على ده. ضحكت جميلة معاها. *** الخدامة: آنسة ليلى، مكالمة على التليفون. ليلى باستغراب: ليا أنا؟ راحت ليلى ورفعت سماعة التليفون وقالت: الو. ماجد: ليلى. ليلى: أستاذ ماجد. ماجد: عندي ليكي أخبار حلوة. ليلى: خير. ماجد: ماهر هيعمل عملية وهيرجع يشوف تاني. ليلى: انت بتتكلم بجد؟

ماجد: فوراً، بهزر في الحاجات دي. المهم، دي فرصتك الذهبية جت لحد رجلكي. ليلى باستغراب: فرصتي؟ ماجد: أيوه. عندي فكرة هتبعد جميلة عن طريقك. اسمعيها بالحرف الواحد ونفذيها. وسمعت ليلى باهتمام. *** في اليوم اللي بعده قعدت جميلة في الكافيه وهي مستغربة. افتكرت كلام ماجد إنها تقعد هناك وتستنى عشان هيجيلها حد مهم. جميلة: يا ربي، حد مين ده اللي أقابله والجو تلج؟ وارتعشت وقعدت تحك إيديها ببعض عشان تتدفى. فجأة، جه من وراها

صوت أنثوي مألوف بيقول: اتأخرت عليكي. بصت جميلة وراها واتسعت عيونها من الصدمة. جميلة بضيق: ليلى. قعدت ليلى قدامها. جميلة: اوف، لو كنت أعرف إني هقابلك انتي ما كنتش اتحركت من السرير. ليلى ببرود: لاحظي كلامك معايا يا حلوة. جميلة بضيق: هتعلميني أتكلم إزاي؟ ليلى: اوف، بعيد عن الحوارات دي، لازم تسمعي اللي جاية أقولهولك. بصت جميلة بعيد وقالت: إيه هي؟ ليلى: أولًا، أنا عرفت إن ماهر هيسافر لندن يعمل عملية في بصره. انصدمت جميلة.

جميلة بقلق: عرفتي إزاي؟ ليلى ابتسمت بخبث وقالت: عرفت زي ما عرفت. المهم، أنا جاية أقولك حاجة مهمة، وهي لعلمك أمر مش طلب. جميلة بسخرية: والله؟ ليلى: آه والله. كملت بسخرية: طبعًا انتي عارفة إنه ماهر بعد العملية هيفتح، وأكيد مش هتبقي عايزاه يشوفك. جميلة بعملية: ملكيش في الكلام ده. ليلى بهدوء: انتي اتجوزتي ماهر عشان الفلوس اللي بيدوهالك انتي وأهلك، مش كده؟ انصدمت جميلة واتسعت عيونها بدهشة. ضحكت ليلى وقالت: أنا صح.

مقدرتش جميلة تتكلم. ليلى: شوفي، أنا هديكي نفس الفلوس دي في مقابل حاجة. جميلة بسخرية: مقابل إيه؟ بصتلها ليلى ببرود وقالت: تطلقي من ماهر. انصدمت جميلة. كملت ليلى بهدوء: وتخرجي من حياته للأبد. عجزت جميلة عن النطق، وكان كلام ليلى سيف انغرز في قلبها.