رواية أسر قلبي الفصل السادس والعشرون 26 - بقلم ندى رأفت

وفجأة سمعت نور: بارك الله لكما وبارك عليكما وجمع بينكما في خير. وبعدها قام المأذون. ونور كانت قاعدة مكانها. وبعدها جالها أدهم وقال: يلا نطلع أوضتنا يا عروسة. ده انهارده أحلى يوم في عمرنا. بصتله نور بتعب وقالت: أنا مش طالعة حتة. أدهم: لا مهو مش بمزاجك. وفجأة شالها أدهم. ونور قعدت تصرخ. دخل أدهم أوضته ورمالها على السرير. ولسه هيقرب منها. نور بتعب ودموع: ارجوك يا أدهم متعملش كدا. لو ليا خاطر عندك.

بص أدهم في عنيها اللي كانت مليانة دموع. وفجأة لقى نفسه بعد. نور: شكراً. أدهم بعصبية مفاجأة: انتي فاكرة نفسك مراتي بجد ولا إيه؟ هو أنا عمري هبص لواحدة زيك اصلا. أوعي تفتكري إني اتجوزتك علشان نعيش في تبات ونبات. لا أنا اتجوزتك علشان أعملك زي الخدامين وأوحش من كدا كمان. وأوعدك إني هعيشك أيام مش هتنسيها في حياتك. ويلا اخرجي من الأوضة دي وانزلي تحت في أوضة الخدم. واعمليلي قهوة سادة وطلعهالي. قامت نور بحزن وتعب وخرجت.

تحت في المطبخ. نور كانت واقفة مع بعض الخدم اللي كانوا بيحضروا العشاء لأدهم. فقالت: هو القهوة فين؟ واحد من الخدم: هناك أهي. هو انتي خدامة جديدة هنا؟ نور بقهر: آه. وجابت نور القهوة والكنكة وبدأت تعملها. ولكن فجأة. دخل فارس المطبخ وقال: الخدم اللي هنا يطلعوا برا. وشاور على نور وقال: إلا انتي. وفعلاً خرج الخدم برا. نور بحده: عايز إيه؟ فارس لطشها بالقلم جامد وقال:

احترمي نفسك يا ماما وانتي بتكلميني. واتفضلي يلا حطي ده على القهوة زي ما اتفقنا. وهتفضلي تحطيه في أكله وشربه فترة لغاية ما مفعوله يبان. وده هيبقى في الوقت المناسب اللي أنا محدده. نور بعصبية: أنا مش فاهمة أنت إزاي كدا. عايز تقتل ابنك؟ أنت مبتحسش. أنا عمري ما شفت أب يعمل كدا. فارس ببرود: أدهم مش ابني.