رواية اسر وسارة الفصل الرابع 4 - بقلم همسة امل

في صباح اليوم التالي، استيقظ بطلنا ونظر في ساعته فوجدها 12 الظهر. آسر في نفسه: يااااه أنا نمت كل ده. ثم نهض وأخذ شور وغير ملابسه وخرج بحث عن سارة فلم يجدها، فتوقع أن تكون ما زالت نائمة وذهب ليشاهد التلفاز حتى تستيقظ. بعد قليل، استيقظت سارة ونظرت حولها باستغراب ثم تذكرت ما حدث وأنها بالفندق. ابتسمت بسخرية ثم نهضت وأخذت شور وغيرت ملابسها إلى (بنطلون جينز أسود واسع وقميص أبيض ولفت طرحة أبيض في أسود)

وخرجت وجدت آسر يشاهد التلفاز. وقفت أمامه. أما آسر فنظر لها باستغراب على ما ترتديه والطرحة ومن المفترض أنها عروس. سارة بهدوء وجدية: طلقني. آسر بدهشة: نعععع. سارة بنفس الهدوء والجدية: بقول لك طلقني، أنا مش هقدر أعيش كده. آسر بعصبية بعد أن استوعب ما قالته: انتي مجنونة؟ عاوزة تطلقي والفرح كان امبارح؟ مفكرتيش الناس هتقول إيه؟ سارة بعند: ميهمنيش. آسر بعصبية وصوت عالٍ: طيب مفكرتيش في بابا وماما؟

هنقولهم إيه والفضيحة اللي هتحصل؟ صمتت سارة. تابع آسر: بص احنا هنفضل كام شهر وبعدين نطلق ونقول إننا اتفقنا. صمتت سارة لتفكر وآسر ينظر لها بترقب. سارة بجدية: موافقة بس بشرط. آسر بستغراب: شرط إيه؟ سارة بخجل حاولت أن تداريه: مش هتلمسني، كل واحد هينام في أوضة. آسر بهدوء: يعني إيه؟ سارة بخجل أكبر: يعني جوازنا هيكون على ورق، محدش يدخل في حياة التاني. آسر بعصبية خفيفة: يعني هتحرميني من حقي؟ أنا جوزك. سارة بسخرية: جوزي؟

وببرود: ملكش عندي حقوق. اغتاظ آسر بشدة من كلامها وحاول أن يرد لها الصاع صاعين. آسر بغيظ: وانتي فاكرة إني ممكن أقرب لك؟ انتي مش بتبصي في المراية ولا إيه؟ اغتاظت سارة من كلامه ولكنها ردت ببرود: يبقى اتفقنا. وتركته ودخلت غرفتها وهو ينظر لها بغيظ. وبعد قليل رن هاتفه فوجد صديقه المقرب حاتم فأجاب بهدوء. آسر: الوو. حاتم بمرح: إيه يا عريس الغفلة؟ يعني صاحي بدري؟ شكلك مرفعتش راسنا.

آسر بغيظ: وأنا أقول برضو اتريه كله من قرك الفقر. حاتم بضحك وفضول: لية؟ إيه اللي حصل؟ هااا. حكى له آسر ما حصل فضحك حاتم بشدة ثم قال. حاتم بتشفي: أحسن تستاهل... تصدق إنك معندكش دم؟ يعني بعد اللي قولتهولها عاوزها تعملك عادي كزوج؟ .... وبضحك بس سارة طلعت 100 راجل وشكلها هتربيك. آسر بغيظ وعصبية: اقفل يا حاتم أحسنلك. حاتم بضحك: خلاص يا هولاكو هسكت أهو، بس طيرتكم الساعة كام؟ آسر: الساعة 5. تمام.